معلومة جديدة عرفتها عن تجديد البطارية البايظة شوفو كدة

[subzero772]

شوفو بالصدفة كدة لقيت دة

Making a bad 12 volt battery good again for under 5 dollars - YouTube

وهي عبارة عن انو بيفضي مية البطارية

ويجيب كوباية بكربوناتة علي 3.78541 لتر مية بس مش عارف مقطرة ولا لا
يحطهم في البطارية ويسبهم يفورو بكرر العملية كذا مرة وبعد كدة ينظفها بالمية
عشان نشيل اثار البكربوناتة

يجيب بعد كدة كوباية كبريتات الألومنيوم او aluminum sulfate مع نفس كمية المية
ويحطهم في البطارية ويحطهم علي تونجر بطيء

طبعا كبريتات الألومنيوم طبها مش عارف بيتجابو منيين بس متهيالي من عند بتوع الكيماويات الزراعية
او المبيدات
ودي صورة اليتاعة الي استخدمها

http://ecx.images-amazon.com/images/I/61FvXKi8NNL._SL1500_.jpg

شوفو الموضوع دة لو صح

[samykhafagy201]

كبريتات الالومنيوم اللى هى الشبه
اللى بتستخدم بعد الحلاقه لتطهير الدقن
وهى مادة معومة
يعنى تتحط فى الميه عشان تفصل الشوائب عن الميه وتعومها
اكتر من كده ماقدرش افيدك
انما الفكرة بتاعة الفيديو حلوة وعايزة تجربه
ونشوفو بعد العمليه البطاريه حاتقدر تعمل شحن وتفريغ كام مرة على زمن قد ايه
وليه هو شحن عالهادى خالص ماشحنش عادى
ومدى تحملها لارتفاع درجة الحرارة
وفترة احتفاظها بالشحن بدون استخدام
وهل الامبير الفعلى حايتغير بعد العمليه ولا ايه لان الفولت لوحده مش مقياس
وبعد ده كله
الشكر لصاحب التجربه
والشكر والعرفان لناقلها لان من غير جهدك ماكناش عرفنا حاجة عن موضوع مهم زي ده

[sakr_skoda]

طب دا ينفع مع البطارية الجافه؟؟؟

[bestlove2]

انا عن نفسى عملتها فى عربيتى القديمة وكانت البطارية بتودع وغير انى عملتها فى بطاريات موتوسيكلات

هقولوكوا على فكرة اللى عملته بالظبط

حضرتك هتفك أغطية البطارية

وتشترى كيسين بيكينج بودر من اى محل (بيكربونات الصوديوم ) وتجيب حوالى 4 لتر مياه سخنة مولعة من الأخر هتحط البيكنج بودر توزعه فى عيون البطارية وتحط عليهم المياة السخنة هتلاقى فوران على الأخر

الفوران دا بقا بيشيل الأملاح المترسبة على الأقطاب وترجع تشتغل تانى بس برده مش فى كل الحالات يعنى متكنش البطارية قعدت فترة كبيرة مركونة

وتكرر العملية بالبودرة والمياه الى ان تطمئن ان المياه النازلة من البطارية نظيفة

وبعد كده حط ميه نار ودور يانجم وخد العربية مشوار تشحن

منتظر الرد واللى يجرب وتنفع معاه متنظر منه دعوة بظهر الغيب

[aw2100]

كل ده حلول مؤقته اخرها اسبوع والبطارية بتموت تماما
بالنسبة للجافة اصلا مابتتفتحش ؟؟؟؟

[احمد فهمى]

موضوع ظريف بس للطوارئ واخرو شهر بالكتير

[bestlove2]

معلش يارجالة انا عن نفسى الحمد لله البطارية بعد ما كانت ميتة اصلا وبدور العربية زق عملت اللى قلت عليه بس برواقة وصبر لحد ما نزلت كل الملح اللى جواها والحمد لله العربية قعدت معايا سنة لحد مابعتها وكانت بتدور من لقطة