ابحث عن افضل ورشة للسمكرة والدوكو في اسكندرية ؟

[egyption2012]

السلام عليكم ورحمة الله وبركاته
ابحث عن افضل ورشة للسمكرة والدوكو ويكون اسعارهم معقولة
العربية اوبل استرا 2005 وفيه خبطات في بعض الابواب بالاضافة لخبطة في العتبة والخبطة ده مصدية جدا
والرفارف مصدية وبدأت تاكلها البارومة بشكل مستفز
يعني محتاج فنان وشغله نضيف يرجع العربية عروسة ان شاء الله
شكرا لكم

[samo9992003]

وانا كمان محتاج حد بيفهم

[georgedada82]

لو حد يعرف ياريت يبلغننا معاكم

[haisam ali]

انا اعرف واحد بتاع دوكو فى الحرفيين لكن أسعاره خياليه كنت راشش عنده عربيتى الفيكترا .... لكن الراجل ده لو رش العربيه هيرجعهالك زى ماستلمتها من الزيرو بالظبط ... واتحدى اى حد فى القصه دى ... لكن غالى جدا جدا جدا جدا ... وبيعوزك تفك العربيه بالمسمار من بره ودى طبعا كلفه تانيه ... وكمان بيعوز واسطه فى حاله العربيات بتاعتنا لانه بيشتغل فى عربيات عاليه جدا ... لو حبيتم تروحوله عرفونى وانا اقولكم عليه وهوه طبعا هيدلكم على السمكرى ... اه بالحق معلش الراجل ده أخد منى فى رش العربيه بالكامل ٥٥٠٠ جنيه بالعافيه وكمان جبتله وسايط وقلبت الدنيا عشان يرضى ياخدها .... لكن صدقونى مش خساره فيه الفلوس

[ahmedkasem]

بالنسبة للعتب والرفارف لو فيهم برومة انصحك انك تشيلهم وترميهم وتشتري جديد او استعمال خارج يعني تغيرهم احسن ولو هتشتريهم استيراد حاول تنقيهم ميكونش فيهم خبطات زي ما انا عملت

وباقي التلاقيط اللي في العربية والبيبان السمكري يعدلهملك بالتسخين
بس اهم حاجة تلاقي سمكري نضيف وماتروحش للسمكرية اللي بيشتغلوا في العربيات المربعة (اللادا وال 128) عشان عربياتنا فيها دورانات وسوك مش هيعرفوا يظبطوهالك كويس

[Abo_Mazen]

بالنسبة للعتب والرفارف لو فيهم برومة انصحك انك تشيلهم وترميهم وتشتري جديد او استعمال خارج يعني تغيرهم احسن ولو هتشتريهم استيراد حاول تنقيهم ميكونش فيهم خبطات زي ما انا عملت

وباقي التلاقيط اللي في العربية والبيبان السمكري يعدلهملك بالتسخين
بس اهم حاجة تلاقي سمكري نضيف وماتروحش للسمكرية اللي بيشتغلوا في العربيات المربعة (اللادا وال 128) عشان عربياتنا فيها دورانات وسوك مش هيعرفوا يظبطوهالك كويس

ههههه حلوه حكاية سمكري بيشتغل في العربيات المربعه ..تصدق فعلا نظريه ..اللادا والتمانيه وعشرين عربيات مربعه فعلا

[egyption2012]

انا اعرف واحد بتاع دوكو فى الحرفيين لكن أسعاره خياليه كنت راشش عنده عربيتى الفيكترا .... لكن الراجل ده لو رش العربيه هيرجعهالك زى ماستلمتها من الزيرو بالظبط ... واتحدى اى حد فى القصه دى ... لكن غالى جدا جدا جدا جدا ... وبيعوزك تفك العربيه بالمسمار من بره ودى طبعا كلفه تانيه ... وكمان بيعوز واسطه فى حاله العربيات بتاعتنا لانه بيشتغل فى عربيات عاليه جدا ... لو حبيتم تروحوله عرفونى وانا اقولكم عليه وهوه طبعا هيدلكم على السمكرى ... اه بالحق معلش الراجل ده أخد منى فى رش العربيه بالكامل ٥٥٠٠ جنيه بالعافيه وكمان جبتله وسايط وقلبت الدنيا عشان يرضى ياخدها .... لكن صدقونى مش خساره فيه الفلوس

بصراحة حضرتك خوفتنا من الراجل ده لذلك مضطرين نستبعده

[egyption2012]

يا جماعة انا صاحب مركز صيانة سيارات في المنصورة وتحت امركم في اي خدمة وطبعا مش هقولكم علي صنايعية المنصورة مع كامل احترامي لصنايعية الحرفيين والاسكندرية صنايعية المنصورة لا يعلي عليهم وبشهادة الجميع
ولو محتاجيين اي خدمة انا تحت امركم
اخوكم شريف 01091801808

ربنا يباركلك بس مشوار المنصورة بعيد خصوصا ان العربية اكيد حتحتاج تبات
لذلك انا بدور على حد من الاسكندرية
شكرا لرد حضرتك

[egyption2012]

بالنسبة للعتب والرفارف لو فيهم برومة انصحك انك تشيلهم وترميهم وتشتري جديد او استعمال خارج يعني تغيرهم احسن ولو هتشتريهم استيراد حاول تنقيهم ميكونش فيهم خبطات زي ما انا عملت

وباقي التلاقيط اللي في العربية والبيبان السمكري يعدلهملك بالتسخين
بس اهم حاجة تلاقي سمكري نضيف وماتروحش للسمكرية اللي بيشتغلوا في العربيات المربعة (اللادا وال 128) عشان عربياتنا فيها دورانات وسوك مش هيعرفوا يظبطوهالك كويس

مفيش مشكلة لو اسعارهم مقبولة
لكن حاجة زي الرفرف الخلفي تقريبا موال لانه واخد من ورا العربية لفوق وممتد لمقدمة العربية
وموضوع العتب انا معرفش حكايته ايه