هااااااااااااااااااااام جدااااااا 2015

[caeser]

خلي بالك

اخطااااااااااااااااااااااااااااااااااء شائعة وكلة بيهيص مع كلة ....

1- يقولك اية لو عاوز تعرف ان المكنة خفيفة او لا دور العربية شوية وافتح غطا المكنة اللى بتحط منة الزيت لو لاقيت دخان تبقي خفيفة ......
طبعا الكلام دة غلط جدااا لان المكنة من جواها بيحصل دوران داخلي ليها فبالتالي المكنة بتسخن فبطلع الدخان الخفيف دة (البخار ) انا مش بتكلم علي الدخان زي ما تكون بتشوي فراخ مثلا .....

طيب الحل اية يا عم
اقولك انا افضل طريقة لاختبار المكنة هو الكمبيوتر بتروح تقيسها
طيب لو مش فى كمبيوتر يبقي تفك الغطا بتاع المكنة اللى بتح منة الزيت وتدور العربية وتحط الغطا فوق الفتحة بتاعتة بس مش تقفلة يعني تسيبة لو الغطا دة طار بعيد تبقي المكنة بتنفخ يعني المكنة بتفوت .... طيب لو قعد يتهز ويرقص زي صافيناز تبقي المكنة شديدة وكويسة .......... ..

وفي طريقة كمان هاتفك خرطوم الفايز بتاع المكنة لو لاقيت دخان تبقي خفيفة هو دة بقي اللى تبقي خفيفة من الفتحة بتاعت الزيت ....





---- الخطاء التاني
يقولك لو الشكمان بيطلع مية تبقي 100 /100 طبعا مش شرط انا اعرف مكن مفوت وجايب لون الزيت طحينة وبتعرق الصبح وبتجيب مية .......


طبعا لو لون الزيت شبة الطحينة تبقي معروفة ...

[Mr.Lawyer]

معلومات مهمه فعلاً ، يمكن ترحمنا من عك الصنايعيه

شكـــراً على الافاده ،،

[ENG.MaRk]

أكثر ما عجبني في الموضوع هو يتهز زي صافيناز :)

[ashourashour]

ممكن تقولنا نعرف المكنه خفيفه بالكمبيوتر ازاي ؟

[haisam ali]

ممكن تقولنا نعرف المكنه خفيفه بالكمبيوتر ازاي ؟

++++++11111

[ahmed salah90]

بوص على الشوكمان لو بيطلع دخان لونه سماوي يبقى خلوص لمحرك من جوه وسعت و بالتالي بيحرق زيت و بيهرب ضغط الحريق و بالتالي يبقى المحرك خفيف و متخليش حد يضحك عليك و يقولك طقم شنمبر و نص عمره علشان ده عك السنين و اعمل عمره كامله او ابعد عن العربيه و اقرف المشاوير الكتير في المراكز الصيانه و قطع الغيار

[ashourashour]

ممكن تقولنا نعرف المكنه خفيفه بالكمبيوتر ازاي ؟

متابع

[caeser]

لإختبار كفائة المحرك بدقة يتم ذلك من خلال أجهزة إلكترونية يتم توصيلها للسيارة عن طريق ما يسمى “PCM – Powertrain Control Module” والمعروف عاميا بإسم كمبيوتر السيارة وهو المسئول عن إستقبال البيانات المرسلة من الحساسات الموجودة في مختلف أجزاء السيارة ومعاجته والإستجابة لها تبعا لظرف التشغيل المختلفة.

الكمبيوتر بيقيس كفاءة المحرك يعني لو فى اى تسريب او دخان اسود او اى لون هو بيقيس قوة المحرك وغرفة الاحتراق التكلفة 150 ج

[ashourashour]

لإختبار كفائة المحرك بدقة يتم ذلك من خلال أجهزة إلكترونية يتم توصيلها للسيارة عن طريق ما يسمى “pcm – powertrain control module” والمعروف عاميا بإسم كمبيوتر السيارة وهو المسئول عن إستقبال البيانات المرسلة من الحساسات الموجودة في مختلف أجزاء السيارة ومعاجته والإستجابة لها تبعا لظرف التشغيل المختلفة.

الكمبيوتر بيقيس كفاءة المحرك يعني لو فى اى تسريب او دخان اسود او اى لون هو بيقيس قوة المحرك وغرفة الاحتراق التكلفة 150 ج

اه هيا الاجهزه الالكترونيه دي ؟ تقصد حساسات المحرك الموجوده بالفعل ولا يتم اضافه اجهزه اخرى ؟

ال pcm او ال ecu بتعرف منه الموتور كام فالميه ؟؟؟ !!! يعني بيقيس الاسطوانات كام بار ولا ازاي دي ؟؟؟؟

هل تعلم ان ممكن موتور 90% (انت بتتكلم على كبس الموتور والموتور الخفيف خلي بالك عشان نكون دقيقيين ) ممكن يكون بيدخن اسود بشده (حساس اكسجين مثلا مش تمام ) ! او ابيض بشده (رشاش فاتح على طول مثلا ) !!!


طيب انا اعمل اه عشان اعرف قوه المحرك عندي و غرف الاحتراق زي مابتقول بالكمبيوتر

لو سمحت قولي الادوات المطلوبه بالتحديد و الخطوات

[ashourashour]

متابع

[moody_687]

متابع بشدة
وهل مراكز الصيانة عندها الكمبيوتر المخصص لقياس كفائة المحرك ؟؟

[Abo_Mazen]

أنا في حدود معلوماتي ..تعريق المكنه معناه إن وحدة تغذية الوقود دي عشره على عشره ..بصرف النظر عن كفاءة المحرك

[ayman hamdy]

السلام عليكم يا شباب يا رب تكونو بخير
الى اخوة الاعزاء اللى منتظرين بفارغ الصبر رد صاحب الموضوع على استفساراتهم
اسمحوا لى ويسمح لى صاحب الموضوع بالرد هذه الاستفسارت
الموضوع ببساطة شديدة اعتقتد ان صاحب الموضوع قصده قياس كفائة الموتور الكترونيا وذلك بقياس مثالية قراءة جميع حساسات الموتور ومدى تناغمها مع بعض للوصول الى اعلى استفادة من قدرة المحرك ممثلة فى مثالية منظومة الحريق
اما من جانب قياس قدرة المحرك ميكانيكيا عن طريق الكمبيوتر فهذا العلم موجود بالفعل واسمه علم الميكاترونيكس هو اختصاص واسع يشمل الدمج بين الميكانيك والكهرباء فينتج من هذا الدمج اختصاص الميكاترونيكس الذي يشمل بصورة رئيسية واساسية الروبوتات والسيطرة على النظم والمواتير والمحركات بواسطة الكمبيوتر و المايكروكونترولر
ولكن هذا التخصص متبع فقط فى اجهزة الريبوت فقط وبشكل كبير وقد يكون متبع فى بعض السيارات الحديثة الفارهة ولكن فى سياراتنا هو موجود بس فى حدود ضيقة جدا ممثلا فى بعض وحدات التحكم البسيطة الموجودة بالسيارة ولا يوجد كنترول ربط ميكاترونيك لقياس كبس المحرك ومعرفة مدى كفائته ميكانيكيا فهذا موضوع معقد جدا وغير متبع او موجود فى معظم او جميع السيارات فى العالم اما موتورنا فهو موتور بسيط جدا تكنولوجيا وتقاس مدى كفائته ميكانيكيا بقياس كبس الموتور باحد اجهزة قياس ضغط الهواء المعتادة وان تعددت اشكالها وانواعها فهى تقوم بنفس الوظيفة
تحياتى للجميع

[ashourashour]

الكلام على الموتور كام فالميه وبانتظار صاحب الموضوع

[haisam ali]

الكلام على الموتور كام فالميه وبانتظار صاحب الموضوع

ماتعديها بقى ياهندسه ... هوه قصده على قياس الكبس