استفسار بخصوص اوبل كورسا سيدان

[ahmed297]

السلام عليكم ورحمة الله وبركاته


اولا احب اشكر كل القائمين على هذا المنتدى العظيم لانه فعلا بيمدنا بمعلومات قيمة جداً .

ثانياً انا قدامي سيارة اوبل كورسا موديل 2005 هي سيارة خالي عارف حالتها كويس قوي هو مشاويره اخرها من السيدة زينب للازهر ونمكي وبيحب يحافظ على حاجته قوي المهم السيارة فبريكة برة وجوه بس للاسف من حوالي 10 ايام جت عربية اسكودا خبطت السيارة من الخلف طبقت الشنطة بقت هاتش باك والسقف اتلوح سنة والباب الخلف مش بيقفل عدل وتقريبا بيسمع في الباب الي قدام بس النص الامامي كله تمام التمام .
نيجي للسؤال

1. ايه رايكم هو هيعرضها للبيع اخدها واغيرلها ربع ولا ابعد عنها وايه السعر الي ممكن اتكلم معاه فيه ؟
2. وهل لو انا غيرت الربع ده هتبقى عربية مسكة نفسها ومتينة ولاممكن تفك مني مع المطبات ؟
3. وسمعت ان في ناس بتعمل الشغل دة ببنط زي الفبريكة هل ده صحيح واللاقيهم فين ؟

معلش ياشباب انا اسف جدا على الاطالة وفي انتظار الردود .

[ahmed297]

31 مشاهدة بدون اي راي ارجو المساعدة من اعضاء المنتدى

[haisam ali]

بص ياغالى ... هنمشى بالمثل بتاع شراء العبد ولا تربيته ... لان لو انت معملتش العربيه دى صح هتزهقك ومش هتعرف تبيعها بعد كده .
ولو حبيت تاخدها ماقدمكش غير حل واحد بس ... تطلع بيها على المنصورة فى منطقه اسمها المجزر فيه سمكرى هناك اسمه محمد الصلب ... اديله العربيه دى وباذن الله هترجع تاخدها احسن من الزيرو بدون مبالغه

وكان الله فى العون يامعالى الباشا

[ahmed297]

انا متشكر جدا على مرورك يا هيثم
انا الي خلاني اقول اخدها ان العربية فعلا من جوة فبريكة الفبريكة بس وعلشان كمان سعرها هيبقى حنين عن الي واقف من موديلاتها بس انا خايف من المتانة او ان شكلها يبقى وحش مش من اعادة البيع
وشكرا ياباشا مرة تانيه على مرورك

[haisam ali]

لو اتعملت صح اوى ياستاذ احمد ... لا تقلق من اى شىء هتبقى زى الفل ... كمان حضرتك ممكن تروح بيها المنصورة مايغيرولهاش ربع والحجات دى الناس دى عندهم عدد وخبره تصنع عربيات مش تقطعها وتلحمها

[ahmed297]

انا متشكر جدا لاهتمامك وزوقك يا استاذ هيثم
ويارب فعلا متحتجش تغير الربع الوراني .

[ahmed297]

فين يا جماعة بقيت اراء الناس انا منتظر علشان لو كدة اروح واخلص فيها

[ahmed297]

ياجماعة ليه مفيش مناقشة واراء في المواضيع المهمة الي زي دي انتوا فين

[محاسب صعيدى]

فية تليفون للتواصل مع محمد الصلب قبل ما نودى عربية له لو فى حالة مشابة
عربية حوادث
وهل لو الحادثة مأثرة على الشاسية هل يمكن استعدالة بشكل لا يوثر على توازن السيارة فى السرعات العالية وهل فعلا لو سيارة بيجو 504 معجونة فى حادثة ممكن يرجعوا السيارة زى الزيرو

ودا يكلف كتير ولا لا وتقريبا كام

[Bassem316]

لك رساله على الخاص

[ahmed297]

شكرا ياباسم على الاهتمام بس انا مش عارف اخلص فيها ولا لا قبل مكلم الراجل انا في حجات مخوفاني
منها عدم ثبات العربية او انها تتقسم مني في مطب جامد او ان شكلها في الاخر يبقى معوج حجات زي دي او ان عيني تقع كل شويه على اللحامات والشغل دة