استفسار بخصوص فيكترا 2008

[Tarek.rabiaa]

السلام عليكم
بعد اذن السادة الاعضاء ياريت لو عارفين ميكانيكي كويس للاوبل عشان انا العربية بقالها معايا شهر وزهقت من الاشتغلات وكلو بسبب واحد اسمو صابر اوبل في مدينة نصر
كرهني في الاوبل لدرجة اني كنت بفكر ابيعها بسسب مازهقت من العربية
كلو ماراحلة بعيب ارجع بعيب تاني خالص
اننا جيبت العربية من شهر وكانت تمام وكاشف عاليها عند مقار وروحت اعمل الصيانه عنده لغاية دلوقتي عمال ادفع فلوس حوالي 6 الاف جنيه في حاجات غريبة واخر حاجة روحت عشان لمبة الريداتير بتولع كتير والمياه بتبقي مظبوطة رجعت بالعربية وسافرت بيها سخت وجابت وش سلندر
معلش انا طولت عليكم ..بس ارجو الافادة

[ameros]

السلام عليكم
بعد اذن السادة الاعضاء ياريت لو عارفين ميكانيكي كويس للاوبل عشان انا العربية بقالها معايا شهر وزهقت من الاشتغلات وكلو بسبب واحد اسمو صابر اوبل في مدينة نصر
كرهني في الاوبل لدرجة اني كنت بفكر ابيعها بسسب مازهقت من العربية
كلو ماراحلة بعيب ارجع بعيب تاني خالص
اننا جيبت العربية من شهر وكانت تمام وكاشف عاليها عند مقار وروحت اعمل الصيانه عنده لغاية دلوقتي عمال ادفع فلوس حوالي 6 الاف جنيه في حاجات غريبة واخر حاجة روحت عشان لمبة الريداتير بتولع كتير والمياه بتبقي مظبوطة رجعت بالعربية وسافرت بيها سخت وجابت وش سلندر
معلش انا طولت عليكم ..بس ارجو الافادة

وعليكم السلام ورحمة الله وبركاته
انا برد عليك بشكل خاص لان اللي انت بتحكيه دا انا كنت كاتبه هنا من فتره مش بعيده وبالفعل قررت اني اتحرك رسمي ضد صابر ولاني عارف ان عنده مخالفات كتير وكلها مخالفات قانونيه يعني من السهل التعامل معاهت وارهاقه ماديا ومعنويا وربنا يقدرنا ويكون فيها عقوبات صارمه
للاسف دا الحل الوحيد عشان يفوق شويه لنفسه ويتعدل وميفكرش ولو للحظه انه بقي باشا او حتي افندي
اللي بتحكيه معاليك دا حص معايه بالملل ف فيكترا سي بس موصلش ولله الحمد لوش سلندر لاني كنت بروقه اول باول بس لاحظت اني بروح بعيب بسيط اخرج بعيوب متنوعه ليه مش عارف ومش عاوز اعرف لان ببساطه الاجابه هي انعدام الضمير والغريب فالامر ان صاير معرفه من سنين من قبل ما ياخد الشهره اللي هوه مش قدها زي ما الكل شايف. حصل خير وحمدا لله علي سلامتك ودي العربيه التوكيل لان اكيد اتعكت عند صابر واكيد انت مالنوع الهادي اللي متعرفش تتعامل مع قاع المجتمع من امثال صابر وقريبا هتشوفوا صابر في ثوبه الجديد بإدن الله
دعواتكم

[kar!m]

أنا ليه معاه تجربتين واحده وحشه وواحدة كويسة

الوحشة اني رحت له بالكورسا و كان الار بي ام بيلعب .. هز الفيش لقيت العربية اتضبطت هزها تاني رجعت زي الأول .. قال لي اركن لما العربية تبرد هنعمل لك وصلات تقوية للأرضي .. طلعت بره و فتحت الكبود و ثبتت الفيش كويس بايدي و المشكلة اتحلت.

المرة الكويسة يوم ما رحت له يكشف على فتيس الفيكترا و غيرت حساسين خارجي فتيس مع ان الشيخ هيثم كان بيقول لي العربية عاوزة فتيس جديد.

بصراحة الصنايعية عموما من أهم أسباب بيعي للأوبل .. مع اني بفهم الى حد ما .. مش متخيل بأه اللي معندوش خبرة في العربيات ممكن يحصل له ايه.

[فارس ابو حازم]

على فكره يافندم انا من كثرة الكلام على الصنايعيه الاوبل وانا بفكر ابيع عربيتى مع انى لسه شاريها جديد مكملتش 5 شهور مع العلم ان الرجل الذى بعلى السياره بيشكر جدا فى صنايعى مكانيكى فى الحرفيين عمل عنده شغل فى العربيه غير ديسك واصطوانه الدبرياش للفتيس الايذى ترونك وشكرا وربنا معاك

[verna]

متابع

[Abdo Taha]

و الله مع ان التوكيل غالي بس ببقى مطمن فلما بعمل حاجة ممكن يكون فيها الغلطة بداهية بعملها في التوكيل او عند حد اعرفه شغال في التوكيل لسة بعض الحاجات الخفيفة بعملها برة عشان مصنعيتها غالية في التوكيل و كذلك قطعة الغيار

[abdelaziz-waleed]

للاسف احنا محاصرين بين جشع التوكيل واستهباله في تغيير قطع مش محتاجة تغيير اساسا وغلاء غير عادي في المصنعيات
وبين صنايعية وورش خارج التوكيل ولا عندهم ايمعرفة بالعربية ولا عندهم اي ضمير وبيعكو ويتعلمو في العربيات وخلاص

للاسف رغم اني من عشاق الاوبل وحابب الفيكترا سي جدا والحمد لله لغاية دلوقتي مش عاملة ليا اي مشاكل الا اني مخنوق جدا من توكيلها اللي مضعيها وبفكر كتير اني ابيعها

[sherifatar]

يا جماعة في احد الاعضاء الافاضل اللي معانا علي الصفحة كلمني بيشتكي من عيب في السياراة عندة اوبل استر موديل 2014 انه حط بنزين 80 لظروف النه كان عل الطريق و العربة كانت هتفضي بنزين فاضطر يحط 80 فالمكنة باظت امهم لما هو جالي كان بيشتكي من عدة مشاكل بعد ما غير المكنة طبعا فوجئنا ان اصلا معظم الحساسات فاصلة وكمان الماكينة بتجيب زيت وهي لسة طالعة من عند الميكانيكي التاني واكتشفنا ان المشكلة كلها في حساس الاكسجين اقسم بالله انا بعد ما شفت منظر المكنة حزنت حسيت انها كانت عند جزمجي مش ميكانيكي وطبعا مرضتش اقولة علشان مضايقوش اكتر ما هو مضايق يا جماعة الميكانيكي كان حاطط 7 كيلو زيت عوزيين اي اكتر من كدة
مفيش ضمير المفروض انه مش فاهم ميشتغل مش تحصيل فلوس وخلاص والعميل يولع

[احمد فهمى]

متسبش حقك وصابر مسؤل عن تصليح عربيتك ولو رفض اشتكيه ده اسمو اهمال وفعلآ ناس كتير بدأت تشتكى من صابر مع ان كل تعاملاتى معاه كانت تمام بس احتمال ان ده بسبب وقوفى اودام الشغل وانا بروح عارف عايز ايه والعيب فين يعنى اللى بعملو عشان معنديش مكان اصلح فى بنفسى العربيه وفمره كنت برش العربيه والفرصه كانت متوفره فكيت العربيه بالكامل من الالف للياء مسبتش فيها غير المتور مش عارف السبب بس هى هوايه ونفس الوضع كان فى الفيكترا بي وحتى الاكس تريل حالياً منغير سبب بس مبحبش ادى فرصه لأحتمال مشكله فمكان واتعب فى التشخيص او حد يتناصح من جهلاء الاصلاح لأن للأسف الصنايعيه المهره ماتو من زمان وتانى متسيبش حقك وروحو مع بعض مجمعين اللى حصل