لما بضرب كلكس نور الشاشة بيضعف جامد ..فيكترا cdx

[amoora]

العربية فيكترا 2001 cdx المشكلة لما اضرب كلكس نور شاشة الطبلوه الكاسيت بيضعف جامد ولو استعملت الكلكس كتير صوته بيغير بحس انه ضعف كهرباء ولما اشغل الانتظار برضه اضاءة الشاشة تضعف مع الاشارة

البطارية لسه جديدة من شهر AC DELCO سعة 74 امبير جافة
كنت عاوز اعرف المشكلة فين بالضبط يارب اللي يعرف يساعدني ؟؟

[ahmedamgad18]

اتأكد ان الاواطيش الخاصة بالبطارية مربوطة كويس . اكد عليها

[amoora]

شكرا لاهتمامك
مربووطة تماااااااااااام

[Mecha]

شوف شحن الدينامو

[mr.moustafa]

الواضح انه الدينامو و احتمال كتاوت

[amoora]

كتاوت ايييه بالضبط مكانه فين ؟؟

[احمد فهمى]

راجع على شحن الدينامو والبطاريه حتى لو جديده

[Gelgel2004]

راجع الارضى

[ashourashour]

دي عموميات بطاريه مش واصله كويس

حتى لو الدينامو بايظ ولسه البطاريه بتقدر تعمل مارش وتدور المكنه مفروض ميحصلش كدا خالص

راجع على كبلات البطاريه شوفها رايحه فين و مربوطه فين و اكد عالرباط واكد ان الشعيرات السلك بتاعه الكابل كلها داخله جوا الترامل ميكونش كابل تخين مربوط على شعره

وممكن تجيب كابلين تخان واحد تربطه بين ارضي البطاريه وجسم الموتور

والتاني بين جسم الموتور و الشاسيه بتاع العربيه

[amoora]

انا شوفت البطارية واصلة كويس