بدل الكورسا القديمة و ادفع 50%

[bibo141]

كنت بجيب حاجه من منصور للعربية و الراجل سألني مش عايز تبدل عربيتك (كورسا ٢٠٠٤) ب كورسا ٢٠١٤ وتدفع ٥٠٪ من ثمن الجديدة و ده عرض لأخر السنة بس..حبيت اعرفكو بس لو حد عايز

[eng wael]

يعنى هياخدو العربيه القديمه وادفع 50 فى الميه بس ولا فيه حاجه تانيه لو عندك تفاصيل ياريت

[kar!m]

هو طبعا لازم نعرف التفاصيل .. يعني هتدفع 50% و بس ولا في باقي و هيقسطوه مثلا.

الكورسا الجديدة مانيوال ب 135 ألف .. و الكورسا c النضيفة قول 55 ألف .. يعني لو 50% بس يبقى أوفر هايل طبع.

[haisam ali]

كنت بجيب حاجه من منصور للعربية و الراجل سألني مش عايز تبدل عربيتك (كورسا ٢٠٠٤) ب كورسا ٢٠١٤ وتدفع ٥٠٪ من ثمن الجديدة و ده عرض لأخر السنة بس..حبيت اعرفكو بس لو حد عايز

آيه الكلام الجميل ده ؟!!!! طاب ماتدينا شويه تفاصيل كده ... بس المثل بيقول ( منصور عمره مايحدف كتاكيت ) ولا ايه ؟؟!!!

[eng wael]

انا كلمت مبيعات منصور قالو مفيش حاجه من الكلام ده لان منصور معندوش سياسه الاستبدال
معرفش حضرتك جبت الكلام ده منين

[ashourashour]

الله عليك يا هيثم

اظن دي حاجه من الباطن مع احد المهندسين او الصنايعيه اللي شغالين فمنصور والله اعلم

[bibo141]

هي المعلومة من واحد شغال جوه و قالي هتدفع ٥٠٪ بس مافيش مصاريف تاني بس للأسف انا كنت راكن صف ثاني و مشيت بسرعة انا هاحاول أعدي عليهم ثاني الأسبوع ده ان شاء الله