اوبل استرا موديل 2000 1200cc

[محمود الشافعى]

قدامى عربيه اوبل استرا موديل 2000 موتور 1200 cc
عايزين نشتريها لواحد صاحبى وعايز اعرف منكم مميزتها وعيوبها ومتوسط سعرها هيا معروضه على 40000 جنيه بس ماعنديش تفاصيل اكتر من كده عنها
هيا فابريكا برا وجوا بس محتاجه مرايتين وإكصدامين ياريت لو حد يعرف سعرهم كمان لو أمكن وهى مراياتها عاده ممكن نجيبلها مرايات كهربا ولا لاء وهيبئى نظامها ايه

[ameros]

لو تقدر تصورها يكون افضل

[عماد جورج]

بص يجميل المرايا التيوانى ب170 و هى عاده و الاستيراد الكهرباء ب250 بخصوص الاكصدام الامامى بردو تيوانى فبر 400ل450 داه السعر من شعرين تقريبآ و الاكصدام امامى استيراد فى حدود800 بسداه اللى فيه فوانيس الشبوره يعنى بالفونيس نفسها اما العبيه فهى عربيه رائيعه انا معيا بقلها 4شهور وو مفيش اى مشكله غير زراير الكلاكس بتبوظ او يعنى بتتكسر و السعر داه رائع لو حلتها كويسه مفهاش غير اللى انت قلت عليه

[محمود الشافعى]

لو تقدر تصورها يكون افضل

لسه ماشفتهاش انا قلت اعرف عنها حاجه قبل ما اروح علشان ابقى فاهم انا رايح على ايه
بس اللى بيقولى عليها بيقولى دهانها الاصلى كويس هى بس فى شرخ فى الاكصدام والمرايه فيها حاجه مكسوره
بس عايز اعرف سحبها نظامه ايه والتكييف والموتور ليه اعطال مشهوره ولا لا اسعار قطع غيارها وتوفرها

[ahmedspc]

السيارة ممتازة جدا ومميزات كتيرة لكن عيوبها سحبها ضعيف مع التكيف سعر بلية الدبر يا ج حوالي ألف جنيه مصري جديدة واستعمال حوالي ستمائة جنيه ديك واسطوانات حوالي من 400 إلى 550 جديدة أنصحك أن تشتريها لو فابريكة وتغير ماكينة إلى 1600 سى سى ستكون رائعة أو تشترى 1600 سى سى ولو فرق 5 آلاف تكون ربحت سيارة ألمانية صحيح

[haisam ali]

العربيه دى حكايه بجد :-
عيوبها :- طلعت الاول ضعيفه جدا جدا بس ... انما بعد ماتتحرك وتنقل تانى بتسحب حلو اوى بس طبعا مش نظام حرق وكده هيا عربيه اقتصاديه فى الاول والآخر
كمان فيها مشكله ال air mass ده حساس عمه الهواء بيبوظ تقريبا كل سنتين وبيتغير جديد بس وغالى اوى تقريبا ٩٠٠ جنيه
مميزاتها :-
المانى ١٠٠٪ بجد خاماتها محترمه جدا
اقتصاديه فى البنزين بطريقه مزهله ممكن ٥ او ٦ لتر لكل ١٠٠ كيلو
عزلها فوق الممتاز وناعمه اوى اوى
قطع غيار استيراد كتير اوى غير ال ٢٠٠٥

العربيه دى لو سليمه خدها وهتتبسطوا بيها اوى .... شرط واحد ان صاحب حضرتك مايكونش كان راكب عربيه موتورها اكبر من ال ١٢٠٠ لانه مستحيل يتبسط خصوصا لو بتاع شد وجرى وكده