الشيخ هيثم الحرفيين

[abdelrahmanhamdy]

مساء الخير اعضاء اوبل الكرام
انا بسمع عن ورشة الشيخ هيثم فى الحرفيين كنت عاوز العنوان و التلفون
انا عملت عمرة برة عند ميكانيكى فى حلوان و كل حاجة تمام بالنسبة للمكنة بس عاوز اغير طرمبة الميه و اراجع على الايه بى اس و اراجع على دفيرة الكهرباء
و شكرا جزيلا ياريت لو حد يقولى الطريق امشى ازاى للورشة

[asa3eed]

مساء الخير اعضاء اوبل الكرام
انا بسمع عن ورشة الشيخ هيثم فى الحرفيين كنت عاوز العنوان و التلفون
انا عملت عمرة برة عند ميكانيكى فى حلوان و كل حاجة تمام بالنسبة للمكنة بس عاوز اغير طرمبة الميه و اراجع على الايه بى اس و اراجع على دفيرة الكهرباء
و شكرا جزيلا ياريت لو حد يقولى الطريق امشى ازاى للورشة

صلى ع النبي يا كبير
إسهل طريق من ناحيه الطريق الدائرى هتكمل وتعدى من نفق السلام وتنزل يمين هتبقى ف م. السلام هتلاقى نفق ع إيدك الشمال عديه تانى نفق ع ايدك الشمال خش من تحته هيبقى الدائرى فوق هتكمل بالضبط 300 متر هتلاقى ع يمين جراج السوبر جيت هتتدخل ف الشارع ع طوول تالت او رابع شارع ع ايدك الشمال هتتدخله هتلاقى ع شمالك قهوه بعد القهوه بالضبط ب 100 متر هتلاقى الشيخ هيثم ع إيدك اليمين .. وممكن تتدخل ف الشارع بتاع جراج الشوبر جيت وتسأل جوه الف واحد هيدلك هناك
سلامى للاسطى كرم وحلمى الميكانيكه قول لهم احمد بتاع اوبل 64 الشرقيه :)

[abdelrahmanhamdy]

صلى ع النبي يا كبير
إسهل طريق من ناحيه الطريق الدائرى هتكمل وتعدى من نفق السلام وتنزل يمين هتبقى ف م. السلام هتلاقى نفق ع إيدك الشمال عديه تانى نفق ع ايدك الشمال خش من تحته هيبقى الدائرى فوق هتكمل بالضبط 300 متر هتلاقى ع يمين جراج السوبر جيت هتتدخل ف الشارع ع طوول تالت او رابع شارع ع ايدك الشمال هتتدخله هتلاقى ع شمالك قهوه بعد القهوه بالضبط ب 100 متر هتلاقى الشيخ هيثم ع إيدك اليمين .. وممكن تتدخل ف الشارع بتاع جراج الشوبر جيت وتسأل جوه الف واحد هيدلك هناك
سلامى للاسطى كرم وحلمى الميكانيكه قول لهم احمد بتاع اوبل 64 الشرقيه :)

شكرا جزيلا يا باشا

[kornclub]

01061316316
01120800006
شحته او علي. لو تهت كلمهم

[Shido]

نصيحه لوجه الله روح التوكيل ارخص واضمن. انا لسه كنت هناك بعمل حاجات صغيره سالت علي نفس الحاجات اللي ركبها بره. مجموعها عنده 380 جنيه نفسها عند بتوع قطع الغيار 260 غير 200 جنيه مصنعيه علي تغيير بليه شداد كاتينه و سير واويل سيل الكاتينه يعني 100 بالكتير. حسبي الله وعمري ما هروح لحد مشهور تاني عشان دي تاني مره اروح لحد معروف واندم
فينك يا طناني باشا كنت مظبط الاوبلاويه. ادعوله ربنا يفتحها عليه ويفتح مركزه تاني

[hagagatc]

من خلال تجربتي مع الشيخ هيثم راجل محترم جدا عنده زحمه تطهق ويركنك طول النهار عشان حاجه تافهه
اسعار قطع الغيار عنده جديد او استيراد نار متجبش من عنده اي قطعه غيار مش فاهم ليه فرق السعر ده
ثانيا الشيخ هيثم ميكانيكا فقط وعفشه مش كهربا انت لازم تروح لواحد كهربائي اوبل في محمود اوبل ممتاز بس غالي وفاهم العربيه جمب مركز محمد علام اوبل

[فادى محمد]

الشيخ هيثم مشهور من زمان . وضريبه المشاهير هي الزحمه..
عموما ..
قاعده عامه ماتشتريش قطع غيار جديد او استيراد من ميكانيكي , مهما كان ومهما اكد لك . ممكن تكون خلع او متصلحه , سيب العربيه لو هتبات عنده واشتري الحاجه من اصحابها

[kornclub]

الشيخ هيثم بيتقي ربنا اكتر من التوكيل ، كفايه ان التوكيل دلوقتي بيتنك علي الفيكترا القديم كمان بيعمل مقايسات خزعبليه و بيغير حاجات ملهاش علاقه بالمشكله ، بالنسبه لاسعار قطع الغيار عند الشيخ هيثم اعتقد انها عاديه و انا بثق فيه اكتر من مقار وغيره

[kornclub]

ممكن تشتري قطع الغيار بنفسك و تروحله مش هيقولك حاجه ، عموما ده رايي بس مش حاجه

[Shido]

الشيخ هيثم بيتقي ربنا اكتر من التوكيل ، كفايه ان التوكيل دلوقتي بيتنك علي الفيكترا القديم كمان بيعمل مقايسات خزعبليه و بيغير حاجات ملهاش علاقه بالمشكله ، بالنسبه لاسعار قطع الغيار عند الشيخ هيثم اعتقد انها عاديه و انا بثق فيه اكتر من مقار وغيره

باشا لو انت شايف ان سير وبليه واويل سيل الكاتينه يتغيرو ب 200 جنيه عادي يبقي خلاص. وبالنسبه لقطع الغيار البليه 220 بدل 160 والسير الايطالي ب80 بدل 55 والعلب معايا والفاتوره معايا عشان محدش يقولي يمكن دي احسن
اه علي فكره انا عند طناني عملت جوان وش السلندر يعني الماكينه كلها اتفكت و قعدت عنده من 12 الضهر ل 9 بالليل و الحساب 300 مصنعيه وانا اللي جايب كل حاجه. ربنا يباركله ويزيده و يفتح المركز تاني.

باشا طبعا كل واحد حر يرتاح فين انا عن نفسي مش هروحله تاني. اللي عايز يستفاد من تجربتي تمام واللي مش عايز تمام برده و علي راسي من فوق. احنا موجودين هنا عشان نفيد بعض بتجاربنا. اسف علي الاطاله و اسف لو كنت ضايقت حد بكلامي

[hagagatc]

موضوع قطع الغيار واسعارها ده فعلا عند الشيخ هيثم بتخرج اغلي من اي حد وهي نفس الي بره
يعني لما يقلي القعده اليمفوردر عامله ٤٥٠ الواحده ده شحته باشا اقله ازاي انا سالت عاليها وطنيه وقالي ٣٢٥ اتصل بيه واتكد من السعر واخدتها منه ب ٣٢٥ شداد سير الدينامو استيراد ٧٥ جنيه عند العايدي سالته عليه جديد قالي مبجبهاش جديده عشان بتبوظ الي عندي استيراد بكام ٢٠٠ جنيه وانا عارف لو عانده جديد حيقلي جديد احسن وطنابير برضه قالي gm 650 قلتله انا سالت عاليها عند وامزيكان ستار ٥٥٠ اتصل برضه واخدتهم ب ٥٥٠ يعني اسعار تغيظ ويحسسك انه عنده الي مش عند حد مع انك لو مشيت خطوتين جمبه حتجيبها باقل منه بكتير الشيخ هيثم كويس بس متجيبش منه قطع غيار

[geowalaa]

الشيخ هيثم بيتقى الله غيرت كاتينة وبعد ماسافرت المنيا ظهرت مشكلة طلمبة الميه كنت هارجعله قاللى لا اشتريها من المنيا وقولى نوعها ايه وبكام وحدد لى الاسطى حمدى الميكانيكى اللى يركبها بارك الله فيه ولاء عبد العظيم الوادى الجديد