بالنسبه لريموت مفتاح الفبريكا vectra 1999 الريموت الزرارين

[o0Hanafi0o]

دلوقتى انا الريموت بتاعى متاكل شويه ولقيت ريموت جديد بيركب على المفتاح نفس بتاعى عند لهيطه فى التوفيقيه ب 50 جنيه دلوقتى الريموت داه لو جبته وحطيته فى الكونتكت هيبرمج لوحده ويقفل ويفتح ولا هحتاج ابرمجه انا باكد تانى الريموت بس الوحده الى بتركب فوق المفتاح والفحمه بتاعه الامبولايزر الريموت بس مش المفتاح بالكامل المفتاح هو هو وشكرا

[Mr Rami]

لا اخي ... لازم يتبرمج عند اخصائي برمجة
و الموضوع سهل و سريع
على العموم ... قال بلا ولكن ليطمئن قلبي - ضع المفتاح في الريموت الجديد مع الفحمه القديمه و افتح السويتش و اضغط متواصل على زر الاغلاق
و تحياتي لك

[o0Hanafi0o]

مع احترامى لحضرتك مفهمتش اى حاجه حضرتك قولتلى كلام بيناقض بعضه ؟؟ ممكن توضيح وانا كل سؤالى الغرض منه هينفع اعملها بنفسى بالطريقه الى حضرتك وضحتها ولا لازم اروح لحد برده

[Shido]

باشا انا جبتو للكورسا 2005 عندي فريم المفتاح هو اللي فيه الفحمايه و علبه الريموت اللي انت بتجبها مالهاش اي علاقه لا بالمفتاح ولا الفحمايه. اعتقد مفتاحك نفس الكلام. حد معاه فكترا يفيدك اكتر.

[o0Hanafi0o]

يا جماعه انا كل سؤالى عن الجزء بتاع الريموت الى بيتباع لوحده وبيركب مكان القديم عادى عالفحمايه والهربيه هتدور وكل حاجه بس الريموت هيشتغل ولا هيحتاج يروح لحد

[Shido]

بص يا استاذ حنفي. لهيطه بيبيع الكوفر بتاع الريموت مش الريموت نفسه. يعني بيديك ضهر ووش بدل اللي متقطع عندك وده مالوش اي دعوه باي حاجه تانيه. يعني لو الريموت بتاعك شغال هيفضل شغال ولو الريموت اصلا مش شغال هيفضل مش شغال بس هيبقي شكله نضيف وجديد.
فاكر ايام الموبايلات القديمه لما كنا بنغير وش الموبايل هو ده نفس الكلام بالظبط

[مصطفى فراج]

يا با شا اللي عند لهيطة وب 50 جنيه ده كوفر للريموت مش اكتر عبارة عن قطعتين بلاستيك بتشيل وحدة الريموت وتحطها فيهم