موبينه وكستبنات استرا 1200 cc

[محمود الشافعى]

السلام عليكم بعد اذنكم الحمد لله صاحبى اشترى الاسترا اللى قلتلكم عليها بس هى فيها شويه شغل
اولا الكوستبنات صوتها عالى حلها ايه مع العلم جبنا علبه فلاش اويل وحطيناه 5 دقائق وغيرنا الزيت بعدها والصوت هدى بس ماراحش

ثانيا العربيه تحس انها متلته وواحد قاله مشكله موبينه وتمنها استيراد 600 جنيه
معلش بتعبكم معايا سامحونى

[haisam ali]

الموبينه دى حاول تجيبها جديده ياستاذ محمود .... عمر أطول وكفاءتها احسن لان عليها عمل جامد جدا فى العربيات دى وهيا تقريبا ب ٩٠٠ جنيه جديده اصلى
بالنسبه لموضوع الكستوبانات دى .... اعتقد برضه والعلم عند الله ان العربيه دى موتورها شغال بقاله كتير يعنى لو العداد جاب ال ٢٠٠ الف كيلو ... وطبعا احنا بنشقوا العربيات اوى ... يبقى كده القدر الله الشدادات الفبر بتاعت الكتينه خلاص ريحت .... ومنها الكتينه ريحت ... يبقى كده كلام تانى خالص ... شوف كده وعرفنى وباذن الله خير

[اكرم عوض حسن]

فعلا دا تمن الموبينة استيراد شونة في بورسعيد

وموبينة الدايو ب650 يعني اغلي من الاوبل

[محمود الشافعى]

فعلا يا هيثم العربيه عامله 205 ألف كيلو
والموبينه نزلت سئلت عليها لقيتها بوش ب 950 ونوع تانى اسبانى فى حدود 800 والصينى ب 400

[carrier]

الموبينا اهم

[محمود الشافعى]

الموبينه جبناها استيراد ب 300 جنيه
وجبنا كمان إكصدام أمامى استيراد 500 جنيه
شاسيه اكصدام 100 جنيه
2 فانوس امامى جديد 400 جنيه
2 مرايه عاده استيراد 450 جنيه
2 فانوس اشاره اللى فى الرفرف 50 جنيه

والحمد لله العربيه ممتازه هى ناقصها موضوع الكوستبنات