مشكلة في طلمبة البنزين وطلعت في الكنترول

[kiroo85]

تم نشر الموضوع للافادة.. وشكرا للمهندس عاشور علي المساعدة كما عهدنا منه.
ashourashour ;


المشاركة الأصلية كتبت بواسطة kiroo85

-kiroo85
عاشور باشا تحياتي .. حصل عندي مشكلة والعربية كانت بتبطل لوحدها والاكتشاف انها طلعت طلمبة البنزين شكيت فيها لعدم صدور الزنة المعتادة مع تشغبل السيارة .. المهم غيرتها علي ايدي وركبت واحدة جديدة ومشيت بيها يوم كامل واتكررت المشكلة تاني .. المهم رحت لميكانيكي جاري وقالي هركبلك واحدة استيراد وعمل كده ومشيت نصف ساعة واتكررت المشكلة .. جبت لمبة وعملت تيست علي فيشة الطلمبة ملقيتش كهرباء فيها وجربت الطلمبات اللي معايا عل بطارية دايركت شغالين تمام .. كلمت كهربائي جالي وشال الكتاوت بتاعت الطلمبة وعمل قفلة واشتغلت وراجع عل سلوك لقي في سلكين كانوا ملمسين .. عزل الكلام ده كله وركب الكتاوت وللاسف عملت نفس المشكلة تاني .. الموضوع بقي في فترة التشغيل ومش ثابته كمان .. اخر ما توصلنا اليه انه اخد ارضي من الكونتاكت بدل الكنترول علشان فصل الطلمبة طلع من الكنترول وقالي ان في حاجة في بورد الكنترول اتأثرت بقفلة السلكتين .. سؤالي لحضرتك بقي هل الوضع الحالي بتشغيل الطلمبة مع الكونتاكت هيأثر علي العربية في اي شئ حتي لو كان طفيف ؟؟

-ashourashour
ياثر لو فضلت فاتح كونتاكت من غير متدور
لكن لو بتدور عادي زي كل يوم مش هتاثر

دي استرا برازيلي ولا فكترا بي ايكوتك ؟

-kiroo85
فكترا 2002 Z16

وبالنسبة للحماية في حال دوارة السيارة بدون المفتاح بتعها يعني ممكن مفتاح من غير فحمة يدورها ؟؟
وهو الكنترول بيدي اوردر في حالات محددة للطلمبة بالفصل المؤقت في حال الاوفر لود علي الار بي ام ؟؟
وهل دي بداية لنهاية الاكنترول يعني سلسلة الفصل ممكن تستمر ؟؟ ولو الاجابة بنعم تنصحني باصلاحه ولا بتغييره ؟؟


-ashourashour
الكنترول فالفكترا بيصمد عن الاسترا

بمعنى سيب الوضع على ما هو عليه ولا تعمل اي حاجه خالص

سيب الطلمبه مع الكونتاكت

الكنترول ممكن يفضل كدا سنه مثلا

ممكن يفصل بدال البنزين

بعد كدا افضلك تغيره بكنترول استيراد