سؤال على السريع .. فيكترا بى 97

[Salamas]

السلام عليكم يا رجاله المنتدى

كان عندى مشكله فى عربيتى فيكتر 97 b .. الموتور الاسود 2000 سى سى

الاربى ام بقالوا فتره مش ثابت بالزات على السلانسيه والموتور شغال على طول .. والموتور صوته بقى اعلى .. وسحب بنزين بالعبيط وحاجه كوميديا كده ... المهم رحت ل 2 ميكانيكيه ووصلت انوا حساس الايدل هيث

نضفتوا مرتين بمنظف انجكشن .. مفيش فايده

فا قولت هشترى واحد جديد وخلاص .. فياريت تقولولى الاحسن اجيب جديد ولا استيراد ويبقى نوعه ايه

وكمان قولت بالمره افوق الموتور بقى فاهجيب شويه حاجات تانيه عايز اسعارها واحسن انواع ليهم .. عشان اعرف النظام ايه وميضحكش عليا كالعاده :d

طولت عليكوا .. دى الحاجه اللى هشتريها

1 - حساس أيدل

2 - طقم بوجيهات

3 - سلوك بوجيهات

4 - غطا جوان تاكيهات عشان الموتور بيعرق شويه زيت والغطا القديم ملزوق عليه من بره سليكون وشكله فضيحه خالص


مستنى ردودكم عشان المفروض بكره بعد الشغل اجيب الحاجه دى واروح للجينيس يركبها وربنا يستر :d

[hagagatc]

حساس ايدل استيراد علي تجربه ولو تفكه من علي مكنه يبقي تمام سيبك من الخلع
طقم بوجيهات جي ١٤٠ جنيه او بوش ٩٠ جنيه اتنين شمعه
جوان غطا التاكيهات الي في السوق كله مضروب وبرضه حتطر تحط سيليكون او تجيبه من التوكيل افضل

[yasser_0339]

عدم ثبات الار بي ام من الايدل او من الجوان نفسه
واحتمال كبير يكون الجوان نشف او متأكل طالما الايدل سليم مش فيه اي شروخ

بالنسبة للبوجيهات هات زي ما الاستاذ قالك كده بس خليها 4 شمعة هتحس بفرق جامد

وشكرا

[yasser_0339]

قبل ما تشتري ايدل تاني .

اعمل الموضوع ده هات طقم النكيه علشان مسمار الايدل وفك صباع البطاية السالب وفك الايدل من مكانه وشوف الجوان لو متأكل او نشف غيره او اعمل زيه بالظبط عند اي حد بتاع جوانات وركبه انت وقرط علي مسامير الالنكيه كويس ودور وجرب .

[Mecha]

يبا شوف تهريب الفاكيوم الاول

[فادى محمد]

عندك دخنه سوداء من الشكمان؟؟
لو شيلت فيشه الايدل الموتور بيرتاح شويه ولا زي ماهو. يعني في تغيير في الصوت حتي بعد شيل الفيشه؟؟

[Salamas]

عدم ثبات الار بي ام من الايدل او من الجوان نفسه
واحتمال كبير يكون الجوان نشف او متأكل طالما الايدل سليم مش فيه اي شروخ

بالنسبة للبوجيهات هات زي ما الاستاذ قالك كده بس خليها 4 شمعة هتحس بفرق جامد

وشكرا

تسلم يا حبيبى على ردك

المشكله بقى ان لما الصنايعينه فكت الايدل مرتين .. مشوفتش الجوان دخ خالص فياريت لو اعرف هو مكانه فين بالظبط .. يعنى جوه الايدل ولا بره ولا بيت الايدل وبيته

والايدل سليم مفهوش اى شروخ خالص .. ده شكله جديد :d

عندك دخنه سوداء من الشكمان؟؟
لو شيلت فيشه الايدل الموتور بيرتاح شويه ولا زي ماهو. يعني في تغيير في الصوت حتي بعد شيل الفيشه؟؟

والله يا استاذ فادى لا مفيش دخنه سوداء خالص من الشكمان
هو بس بوجود الايدل او شيله العادم فى تخبيط بسيط مش منتظم .. وتفسيرى ليه عدم دخول الهواء صح للمتور فعمليه الحريق مش مظبوطه

[Salamas]

حساس ايدل استيراد علي تجربه ولو تفكه من علي مكنه يبقي تمام سيبك من الخلع
طقم بوجيهات جي ١٤٠ جنيه او بوش ٩٠ جنيه اتنين شمعه
جوان غطا التاكيهات الي في السوق كله مضروب وبرضه حتطر تحط سيليكون او تجيبه من التوكيل افضل

تسلملى يا باشا على المعلومات دى .. وشكلى فعلا هشوف التوكيل فى موضوع الجوان

يبا شوف تهريب الفاكيوم الاول

ايه علاقه الفاكيوم بالحساس معلش

[Mecha]

الموتور ع السلانسيه بيكون حساس لاي تهريب في الفاكيوم وصوت المكنه يعلي ,او ينتش ويبرجل
وتختفي مع ضغط الاكسيراتير

[yasser_0339]

الجوان تعمله عند اي حد اي حد بتاع جوانات فكت الايدل وافصل الفيشة بتاعته وقول الراجل اعملي جوان علي التصميم بتاعه بمعني ( نفس الرسم بتاعته دورانات وكله مع التفريغ طبعا في النص للفتحات وحطه علي الايدل واشبك المسمارين وركب وجربي وابقي قولي ايه الاخبار . مش هتخسر حاجة حاول تعمل في العربية بايدك علي قد ما تقدر

[yasser_0339]

هيبقي ما بين الايدل وجسم العربية وركب المسمارين وقرط سنة بسيطة ووصل فيشة البطارية وسمي ودور وشوف ايه الاخبار . في حاجة مؤقتا ممكن تعملها علشان تتاكد لو مستعجل .

افصل فيشة البطارية وفك الايدل وهات اي ورقة كرتونة عادية بس تكون طبقة خفيفة وحاول تقطعها علي قد الايدل نفس التصميم بالظبط علي وشد الايدل اللي بيركب في جسم العربية وافتح زي التفريغات اللي في الايدل وركب وجرب لو الدنيا انشاء الله تمام . يبقي روح اعمل جوان عند اي حد بتاع جوانات هيعملك طبقة من الجرنجريت . ( ده حل مؤقت علشان تتاكد بس وبعد كده اعمل الجوان ) .
تقبل تحياتي

ربنا يوفقك

[Salamas]

هيبقي ما بين الايدل وجسم العربية وركب المسمارين وقرط سنة بسيطة ووصل فيشة البطارية وسمي ودور وشوف ايه الاخبار . في حاجة مؤقتا ممكن تعملها علشان تتاكد لو مستعجل .

افصل فيشة البطارية وفك الايدل وهات اي ورقة كرتونة عادية بس تكون طبقة خفيفة وحاول تقطعها علي قد الايدل نفس التصميم بالظبط علي وشد الايدل اللي بيركب في جسم العربية وافتح زي التفريغات اللي في الايدل وركب وجرب لو الدنيا إن شاء الله تمام . يبقي روح اعمل جوان عند اي حد بتاع جوانات هيعملك طبقة من الجرنجريت . ( ده حل مؤقت علشان تتاكد بس وبعد كده اعمل الجوان ) .
تقبل تحياتي

ربنا يوفقك

تسلم يا حبيبى على اهتمامك ... انا هنزل اجرب الموضوع ده بأيدى دلوقتى وانشاء الله ينفع

وشكرا على ذوقك

[Maghraby1987]

السلام عليكم يا رجاله المنتدى

كان عندى مشكله فى عربيتى فيكتر 97 b .. الموتور الاسود 2000 سى سى

الاربى ام بقالوا فتره مش ثابت بالزات على السلانسيه والموتور شغال على طول .. والموتور صوته بقى اعلى .. وسحب بنزين بالعبيط وحاجه كوميديا كده ... المهم رحت ل 2 ميكانيكيه ووصلت انوا حساس الايدل هيث

نضفتوا مرتين بمنظف انجكشن .. مفيش فايده

فا قولت هشترى واحد جديد وخلاص .. فياريت تقولولى الاحسن اجيب جديد ولا استيراد ويبقى نوعه ايه

وكمان قولت بالمره افوق الموتور بقى فاهجيب شويه حاجات تانيه عايز اسعارها واحسن انواع ليهم .. عشان اعرف النظام ايه وميضحكش عليا كالعاده :d

طولت عليكوا .. دى الحاجه اللى هشتريها

1 - حساس أيدل

2 - طقم بوجيهات

3 - سلوك بوجيهات

4 - غطا جوان تاكيهات عشان الموتور بيعرق شويه زيت والغطا القديم ملزوق عليه من بره سليكون وشكله فضيحه خالص


مستنى ردودكم عشان المفروض بكره بعد الشغل اجيب الحاجه دى واروح للجينيس يركبها وربنا يستر :d

غطا جوان تاكيهات في التوكيل سور نادي الزمالك عامل حوالي 250 جنيه من غير جوان