اوبل فيكترا a موديل 1991 ارجو المساعدة

[moatazharb]

السلام عليكم
اخوكم معتز من اسوان , انا عندى اوبل فيكترا a اتوماتيك موديل 1991 , 1600 سى سى (استيراد)
مبدأيا فى اسوان مفيش قطع غيار متوفرة ولا فى صنايعية فاهمين كويس فيها

كنت عايز اعرف اراء حضراتكم , فى مشكلة عندى فى العربية
لما بدور وانا واقف وازود بنزين بلاقى زى تنتيش فى الصوت وتقطيع فى الهوا اللى طالع من الشكمان
وانا ماشى بيها العربية مكتومة وكأنى ماشى ع الاول ولو على مطلع تقطع وكأنها هتفصل وتنتش
فاركنتها وبطلت امشى بيها لحد مااشوف حل ليها
الكهربائى قالى الكهربا سليمة , والميكانيكى قالى المكنة مفيهاش حاجة , وبتاع الكربيراتير قالى مش مشكلة كربيراتير

ف انا مش عارف فيها ايه وصعب ماديا بالنسبالى اشحنها واوديها القاهرة

تانى حاجة الدريكسيون تقيل جدا معايا مش عارف حله ايه

تالت حاجة ممكن اعرف اسعار قطع الغيار دى
اسبراتير - طلمبة بنزين - ماستر فرامل رئيسى - تيل فرامل امامى وخلفى - طنابير امامى وخلفى - مساعدين امامى وخلفى - فانوس اشارة -ترموستات حرارة -مرايات جانبية (النوع اللى بيتقفل)

ارجو انكم تساعدونى عشان انا محتار جدا والله ومش عارف اعمل ايه وشكرا ليكم

[yasser_0339]

تنتيش في العربية حساس الايدل عايز يتنظف باسبريه وممكن يكون الجوان بتاع الحساس عايز يتغيير

مبدئيا فك الحساسات كلها بعد ما تفصل صباع البطارية السالب ونظف الحساسات كلها هتحس بفرق في العربية

[loda80]

وعليكم السلام ورحمة الله وبركاتة
اولا أحب أرحب بيك هنا يا معتز وسط أخواتك فى قسم الاوبل
ثانيا أنا مش هقدر أفيدك كتير فى اللخبطة اللى عندك دى رغم معايا فيكترا اية بس ممكن (مش متأكد) النتشة والكلام دا ممكن يكون من الايدل أنا مش عارف عندك ولا لأ أو فعلا ممكن السبب التانى طرمبة البنزين طالما الكهربا والميكانيكا عندك مظبوطة بس نصيحة شوف حد فاهم فى الاوبل قبل ما تعمل اي حاجة
ثالثا بالنسبة لطع الغيار
التيل أمامى 140 جنية ريمسا أسبانى بس خلى بالك ان الموجود معظمة مضروب وفى المايلى من 160-180 جند فى الرينج دا الخلفى نفس الماركة يزيد من 20 الى 30 جنية المساعدين الساكس أمامى من 800 الى 1000 بس خلى بالك بردوا فية منة مضروب بس نوع ممتاز انا مجربة وناعم بالنسبة للطنابير استيراد من 200 الى 300 حسب الحالة أما المرايات مش عارف استيراد بكام بس هى بتاعة الايبيزا ال94 أرجوا أكون أفادتك
معاش سؤال
العربية أصلى أوتوماتيك ولا انت معدل علية وكمان العربية جبتها بكام وازاى ما هى الكماليات معلش بتقل عليك

[moatazharb]

فى ميكانيكى فكه ونضفه والمشكلة فضلت زى ماهى
شكرا ع الاهتمام استاذ ياسر

[moatazharb]

شكرا ليك loda80
طيب لو طلمبة جديدة اجيبها من فين وبكام تقريبا وهل اى طلمبة تركب عليها ؟

فى مكان حضرتك بتتعامل معاه ثقة عشان لما انوى اجيب اسافر وعارف اروح فين بالظبط ؟

العربية اتوماتيك اساسا ووالدى الله يرحمه جابها من الجمرك فى الاسكندرية تبع مصابى القوات المسلحة

مظنش فيه كماليات من اللى تقصدها دركسيون عادى وقزاز عادى و فيها مثبت سرعة

[moatazharb]

طيب بالنسبة لحساس الكرنك ممكن يكون السبب؟؟؟

[moatazharb]

متابع