الغول الألمانى ،،،،{ الإنسيجنيا } وحقيقه الإشاعات حولها

[Ayman_saad]

ولكن يكفينى احساس انى وانا راكبها فعلاً مبحتجش ابص على عربيه تانيه نهائى مهما كان موديلها وهو ده اهم ميزه فيها،،،،ماليه عينك ومكفياك جداً ومش كده وبس،،كمان دايماً لافته الانظار ليك

الكلمتين دول هما خلاصة الكلام لأي حد بيفكر يشتري أي عربية ،
وأهم سؤال الواحد لازم يسأله لنفسه هو : أنت بتشتري عربية لك ولا للناس ؟
أشكرك يافندم ، فعلا الرضا بما في يدك هي أجمل العبادات .

[Abdo Taha]

حمدالله على سلامتك يا هوندا نورت المنتدى من جديد ، و ان شاء الله ترجعلنا بكل ما هو مميز و جميل عن الانسجنيا الناس محتاجاك هنا اوي عشان الدنيا توضح شوية هنا في المنتدى عن العربية دي

[hany63]

منور يا استاذ مهند انا عرفتك من الصوره بس قلت اتاءكد برضه معاك هاني نجيب صديقك من جروب بيجو ٥٠٨
بس عايز اقول لك فيه فرق جامد بين مهند نايل موتورز و مهند فيس بوك اللي دخل فيا شمال اخر مره هههههههه بس واضح انك معذور من كتر الفتي اللي بتشوفه
اسمح لي اخد راحتي هنا بعيدا عن الفيس و مشاكله
مما لا شك فيه الانسجنيا و ال ٥٠٨ يعتبروا من احسن العربيات في فئتها و خصوصا ان سعرهم مناسب جدا جدا بالنسبه لامكانياتهم و انا الصراحه اول مره شفت الانسجنيا في معرض اوتوماك اللي فات بالامانه اتوهمت من فخامتها و سبب تفضيلي لل ٥٠٨ انها متجربه نسبيا و قلت مفيش مانع قدام شويه ابقى اجيبها و ادي ال ٥٠٨ للمدام و ده يمكن سبب متابعتي للجروب على الفيس
نييجي لموضوع الاشاعات و من واقع متابعتي برضه للجروب خلينا الاول نتفق على كام نقطه انا شايف العربيه انتشرت بطريقه معقوله في فتره قصيره و دي حاجه كويسه و المشاكل اللي حصلت برغم جسامتها انا شايف ان نسبتها قليله ايه يعني لما ١٠ ولا ٢٠ عربيه فيهم مشكله من ٢٠٠٠ مثلا ؟ طب مش احسن من شركة فولكس اللي غيرت الفتيس بعدد العربيات المباعه تقريبا ؟
و رد فعل التوكيل كان محترم بدليل رضاء معظم الناس عن عمليات الاصلاح اللي خلت العربيه ترجع كالزيرو بعكس شركات تانيه عن تجربه تاخد منها العربيه متلصمه و تحس انها هتضرب منك على ناصية التوكيل
طب فين المشكله ؟
للاسف المشكله في بعض الملاك اللي اتعاملوا مع الموضوع بمنتهى الحساسيه و بيعملوا بوستات بتهاجم اصحاب المشاكل بداعي ان ده يسئ لسمعة العربيه و ان الريسيل هيقع و يا ريت ان الجروب يكون قاصر على الملاك فقط و بالمناسبه انا عارف ان حضرتك مش من اصحاب الراءي ده ؟!!!!!
طب نفرض ان فيه واحد بيفكر يشتري انسجنيا و شاف مشكله معينه و مستني حلها عشان يتشجع هيكون ايه رد فعله لما يلقى الحروب كله اتقلب و الموضوع كبر من لا شئ و الناس اختلفت مع بعض ؟
وبعدين ريسيل ايه اللي هنفكر فيه و متوسط عمر اي عربيه زيرو ٤ سنين يعني يا مين يعيش
بالمناسبه قبل ما تخش فيا شمال كالعاده هههههه احب اقول لك اني شغال في نفس المجال بتاعك و ممكن اشتكيك لرؤسائك هههههه
تحياتي و عقبال ما تعمل بيها مليون كم

[ENG.MaRk]

العربيتين على قدر متقارب من القوه والاحترام والتميز
،،،،،بس لكونى انسيجناوى حتحيز لعربيتى شويه مش عشان يمكن هى الافضل ولكن يكفينى احساس انى وانا راكبها فعلاً مبحتجش ابص على عربيه تانيه نهائى مهما كان موديلها وهو ده اهم ميزه فيها،،،،ماليه عينك ومكفياك جداً ومش كده وبس،،كمان دايماً لافته الانظار ليك

أنا متحيز لحبيبة قلبي ال508 و هي مالية عيني (في مصر) ... برة مصر الكلام يختلف

[حاتم م م]

انسجنيا تكسب .. انا حجزت و احده tlو
ميمنعش ان ال٥٠٨ عربيه ليها قبمتها ..مفيش كلام ..و الزوق الفرنساوي عالي ..
بس الانسجنيا فعلا ملت عيني انا كمان و بالمقارنه بكل السيارات الزيرو في رينج ٢٥٠-٤٠٠ تقريبا هي الكسبانه .. دون الدخول في تحيز الماركات ..
١- اتقل و اثبت --١٦٥٠ ك
٢- اوسع
٣-اوبشنز
٤-ارخص
٥-الماني
و علي فكره معظم اللي بيجيب ٥٠٨ سببه الرئيسي انها متجربه ..
و مع واحد لا يثق في الاوبل و لا يعرفها هذا عذر لا نلومه عليه..و اقوله هتندم يا جميل

[ameros]

دا اللي انا قولتوا هنا وفمنتديات تانيه وعالفيس بوك بس كم الانتقاد يزهق
الحاجه الوحيده اللي مضيقاني مالعربيه دي اني مبعرفش استمتع بيها مالزحمه وقرف مواعيد الصيانه
فيما بعد ذلك معنديش ادني تعليق

[احمد فهمى]

الموضوع مش خلاف شخصي بل تجارب واقعيه كالأتي:
هل تم تغيير معظم محركات انسيجنيا اول دفعات؟؟ نعم
هل هناك شكاوي بسبب تقطيع او تنتيش من مجموعة ملاك؟ نعم
هل منصور كفاءة لدرجة تحمل المسؤولية واصلاح العطل بلا تشكيك وتشتيت العميل؟ لا طبعآ
يا ساده انسيجنيا حطمت الارقام القياسيه مبيعات فى اوروبا العيب يكمن فى بنزين مصر ووكيلها ليس اكثر ولا اقل

[aly_hosny]

wrong post

[hany63]

دا اللي انا قولتوا هنا وفمنتديات تانيه وعالفيس بوك بس كم الانتقاد يزهق
الحاجه الوحيده اللي مضيقاني مالعربيه دي اني مبعرفش استمتع بيها مالزحمه وقرف مواعيد الصيانه
فيما بعد ذلك معنديش ادني تعليق

مختلف مع حضرتك انها مش ممتعه في الزحمه
انا هتكلم عن العربيات التربو عموما بحكم اني امتلكت عربيتين تربو و ما اتشرفتش بتجربة الانسجنيا بس المفروض انها نفس الموضوع
دي احلى حاجه في التربو ان العربيه بتستجيب من قبل ما تلمس البنزين و ده بيديك اولويه في المرور بكل رشاقه في المواقف الصعبه قبل ما اللي جنبك يزنقك
تاني حاجه ان عزم الموتور جامد على اقل ار بي ام فمش محتاج تعمل كيك داون باستمرار
تالت حاجه بتستمتع بكل دوسه على البنزين عند كل طلعه
و اخيرا حتى لو ماشي على الدايري بسرعه شبه منتظمه على ٨٠ كم مثلا احساس العزم ممتع بصرف النظر انك ماشي براحه

[Abdo Taha]

مختلف مع حضرتك انها مش ممتعه في الزحمه
انا هتكلم عن العربيات التربو عموما بحكم اني امتلكت عربيتين تربو و ما اتشرفتش بتجربة الانسجنيا بس المفروض انها نفس الموضوع
دي احلى حاجه في التربو ان العربيه بتستجيب من قبل ما تلمس البنزين و ده بيديك اولويه في المرور بكل رشاقه في المواقف الصعبه قبل ما اللي جنبك يزنقك
تاني حاجه ان عزم الموتور جامد على اقل ار بي ام فمش محتاج تعمل كيك داون باستمرار
تالت حاجه بتستمتع بكل دوسه على البنزين عند كل طلعه
و اخيرا حتى لو ماشي على الدايري بسرعه شبه منتظمه على ٨٠ كم مثلا احساس العزم ممتع بصرف النظر انك ماشي براحه

هو اكيد يقصد انه في الزحمة بيبقى خايف عليها لتتحك

[Mr_revenger]

الكلمتين دول هما خلاصة الكلام لأي حد بيفكر يشتري أي عربية ،
وأهم سؤال الواحد لازم يسأله لنفسه هو : أنت بتشتري عربية لك ولا للناس ؟
أشكرك يافندم ، فعلا الرضا بما في يدك هي أجمل العبادات .

صدقنى يا باشا فيه ناس راكبه عربيات اعلى من الانسيجنيا بس داخلياً معندهمش القناعه ان عربيتهم ماليه عينيهم فدايماً تلاقيه دائم التذمر والشكوى من على اتفه العيوب،،،عكس الانسيجنيا اللى مهما ظهر فيها مشاكل،،،،رصيدها عندك يسمحلك تتجاوز عن اى عيوب فيها مهما كان حجمها

ربنا يكرمك ويرضيك بالعربيه اللى تملى عينك ان شاء الله

[Mr_revenger]

حمدالله على سلامتك يا هوندا نورت المنتدى من جديد ، و ان شاء الله ترجعلنا بكل ما هو مميز و جميل عن الانسجنيا الناس محتاجاك هنا اوي عشان الدنيا توضح شوية هنا في المنتدى عن العربية دي

الله يسلمك يا عبدو باشا،،،،المنتدى منور بيك وبالناس الصفوه اللى هنا،،،،،ان شاء الله نرجع الذكريات الجميله بتاعت زمان،،المنتدى ده بيتى وليه فضل عليا لا يمكن انكره وتحت امر اى حد هنا على المنتدى

[Mr_revenger]

منور يا استاذ مهند انا عرفتك من الصوره بس قلت اتاءكد برضه معاك هاني نجيب صديقك من جروب بيجو ٥٠٨
بس عايز اقول لك فيه فرق جامد بين مهند نايل موتورز و مهند فيس بوك اللي دخل فيا شمال اخر مره هههههههه بس واضح انك معذور من كتر الفتي اللي بتشوفه
اسمح لي اخد راحتي هنا بعيدا عن الفيس و مشاكله
مما لا شك فيه الانسجنيا و ال ٥٠٨ يعتبروا من احسن العربيات في فئتها و خصوصا ان سعرهم مناسب جدا جدا بالنسبه لامكانياتهم و انا الصراحه اول مره شفت الانسجنيا في معرض اوتوماك اللي فات بالامانه اتوهمت من فخامتها و سبب تفضيلي لل ٥٠٨ انها متجربه نسبيا و قلت مفيش مانع قدام شويه ابقى اجيبها و ادي ال ٥٠٨ للمدام و ده يمكن سبب متابعتي للجروب على الفيس
نييجي لموضوع الاشاعات و من واقع متابعتي برضه للجروب خلينا الاول نتفق على كام نقطه انا شايف العربيه انتشرت بطريقه معقوله في فتره قصيره و دي حاجه كويسه و المشاكل اللي حصلت برغم جسامتها انا شايف ان نسبتها قليله ايه يعني لما ١٠ ولا ٢٠ عربيه فيهم مشكله من ٢٠٠٠ مثلا ؟ طب مش احسن من شركة فولكس اللي غيرت الفتيس بعدد العربيات المباعه تقريبا ؟
و رد فعل التوكيل كان محترم بدليل رضاء معظم الناس عن عمليات الاصلاح اللي خلت العربيه ترجع كالزيرو بعكس شركات تانيه عن تجربه تاخد منها العربيه متلصمه و تحس انها هتضرب منك على ناصية التوكيل
طب فين المشكله ؟
للاسف المشكله في بعض الملاك اللي اتعاملوا مع الموضوع بمنتهى الحساسيه و بيعملوا بوستات بتهاجم اصحاب المشاكل بداعي ان ده يسئ لسمعة العربيه و ان الريسيل هيقع و يا ريت ان الجروب يكون قاصر على الملاك فقط و بالمناسبه انا عارف ان حضرتك مش من اصحاب الراءي ده ؟!!!!!
طب نفرض ان فيه واحد بيفكر يشتري انسجنيا و شاف مشكله معينه و مستني حلها عشان يتشجع هيكون ايه رد فعله لما يلقى الحروب كله اتقلب و الموضوع كبر من لا شئ و الناس اختلفت مع بعض ؟
وبعدين ريسيل ايه اللي هنفكر فيه و متوسط عمر اي عربيه زيرو ٤ سنين يعني يا مين يعيش
بالمناسبه قبل ما تخش فيا شمال كالعاده هههههه احب اقول لك اني شغال في نفس المجال بتاعك و ممكن اشتكيك لرؤسائك هههههه
تحياتي و عقبال ما تعمل بيها مليون كم

طب مش تقول يا هانى بيه من الاول عشان كنا نتحيز للعربيه ونخبط فى البيجو

اولاً بعتذر لمعاليك ان كان حصل بينا تنشنه فى الكلام او سوء تفاهم،،،بس الجو العام السائد فى الجروب ساعتها كان مشحون وخلانى اتشحن زياده،،،،وده يمكن سبب ابتعادى عنه الفتره دى عشان عاوز اهدى اعصابى شويه،،،وبعدين والله مهند هنا هو هواه مهند هناك،،،،بس الظروف مكنتش مناسبه بس مش اكتر

نرجع لموضوعنا بقى،،،،مش عارف حتصدقنى لو قولتلك ان البيجو. ٥٠٨ كانت اقرب منافس جداً للغول قبل ما اجبها وكنت منبهر بيها لانها فعلا عربيه محترمه،،بس السبب القاطع اللى خلانى اصرف نظر عنها هو ان هيئه قناه السويس هنا فى الاسماعيليه جابت شحنه ٥٠٨ لطقم مرشدين عندها فى الاسماعيليه فالبالتالى رطرطت اوى فى حين ان الانسيجنيا لحد دلوقتى مكملتش ٧ بس هنا،،، وانا نوعاً ما بحب اركب حاجه مفيش منها كتير على الرغم من انتشار البيجو ده مؤشر على نجاحها ورغم ان معظم الناس خوفتنى من منصور وكوارث منصور بسس خدت المخاطره وجبتها برده والشهاده لله،،،بتعامل معامله البشوات هناك بكل ما تحمله الكلمه من معنى

نيجى للانسيجنيا ومشاكلها،،،،اللى كبر وضخم الموضوع اوى كده من وجهة نظرى هو أن الجروب مقفول وعدد عليه مش كبير فلما كان بيحصل حاجه مع عضو بيدخل يصوت ويشتكى ويعمل حوار كبير فبيسمع بسرعه مع العدد الصغير فيبدا الموضوع يتضخم ويكبر لدرجه تحس ان كل الانسيجنيا بتجيب موتور رغم ان العكس صحيح جداً

محتاجين حبه تعقل ومنطقيه وحياديه فى كلامنا والامور حتمشى بشكل ممتاز
وفى نهايه حفضل وراك لحد ما اكبك الانسيجنيا مفيش مفر هههههههه

ربنا يباركلك فى عربيتك يا باشا وسعيد انى شوفتك هنا

[Mr_revenger]

[QUOTE=hany63;3875826351بالمناسبه قبل ما تخش فيا شمال كالعاده هههههه احب اقول لك اني شغال في نفس المجال بتاعك و ممكن اشتكيك لرؤسائك هههههه
تحياتي و عقبال ما تعمل بيها مليون كم[/QUOTE]


ههههههه كمااان طلعنا ولاد كاار واحد،،،،طب بالذمه ده ينفع !؟

بنك ايه يا باشا،،،،،،وبالمناسبه نص المديرين اللى فى البنك عندى انا اللى اقنعتهم بالانسيجنيا وبقيت مستشارهم الاوبلاوى فى الترويش والتظبيط للعربيه،،،فمتقلقش مسطر على البنك من كبيره لصغيره،،،لو احتجت انت اى توصيه تحت امرك

[mastr_n]

الاوبل عربية بكل ماتحملة الكلمة من معانى
انا مرة كنت مع واحد صاحبى سايق على 160 ب اوبل كورسا سيدان بس موديل 2000
العربية واحنا ماشيين انفجرت الفردة اللى قدام يعنى لاقدر اللة احتمالية انها تتفلب عالية جدااا

الحمد للة العربية ماتقلبتش وعرف يسيطر عليها كويس االالمان فى ال safety حاجة تانية

ربنا يحميهالك ويكفينا ويكفيكم جميعا شر الحوادث

بس سؤال bww كسر زيرو افضل ولا اوبل انسجنيا زيرو افضل لو السعر واحد؟