سنتر الباب الخلفى

[محمود الشافعى]

السلام عليكم ورحمة الله وبركاته

من يومين جيت اقفل العربية بالريموت الباب اللى ورا شمال ما قفلش مع السنتر وجربت كذا مرة وبرده مش شغال ده حله ايه
وبرده من ساعة ما اشتريت العربية والسماعة بتاعة الباب ده مش شغاله ياريت لو حد يفيدنى فيها

ونزلت امبارح فكيت الفرش وبصيت قلت تكون حاجة فاصلة مافهمتش اى حاجه ولا عرفت مكان القربة
وقفلت الفرش تانى وطلعت نمت بقية اليوم وانا متعكنن بس أكيد خير إن شاء الله
ده ممكن يكون فيوز مثلا ولا ايه

[ayman hamdy]

مكينة السنتر باظت ولازم تتغير
مفيش فيوز مسؤول عن مكنة سنتر واحدة ولا كتاوت والوصلات والفيشة راكبة مظبوط
اذن زى ما قلت لحضرتك
ثمنها من 75 الى 100 جنيه
تحياتى

[harphosh]

مكينة السنتر باظت ولازم تتغير
مفيش فيوز مسؤول عن مكنة سنتر واحدة ولا كتاوت والوصلات والفيشة راكبة مظبوط
اذن زى ما قلت لحضرتك
ثمنها من 75 الى 100 جنيه
تحياتى

كلام سليم 100 % ولكن أضيف لحضرتك عدم وجود قربة ( البلف ) لأن البلف والكالون قطعة واحدة فى الأوبل علشان كدة لم تعثر على البلف بعد ما حضرتك فكيت الفرش ، وعموماُ فيه 3 مسامير فى الباب من ناحية الكالون دول هتفكهم بالألنكيه النجمة تلاقى الكالون بالبلف طلع معاك وغيره بواحد استيراد فى حدود ما قاله زميلنا العزيز

[محمود الشافعى]

مكينة السنتر باظت ولازم تتغير
مفيش فيوز مسؤول عن مكنة سنتر واحدة ولا كتاوت والوصلات والفيشة راكبة مظبوط
اذن زى ما قلت لحضرتك
ثمنها من 75 الى 100 جنيه
تحياتى

وهى راكبة فين لأنى فكيت الباب ماخدتش بالى منها ممكن تكون فى الكالون
ودى ممكن انا اغيرها ولا لازم بتاع ابواب او كهربائى لأنى خايف حد يعك و يلغى خاصية الديد لوك

[ayman hamdy]

وهى راكبة فين لأنى فكيت الباب ماخدتش بالى منها ممكن تكون فى الكالون
ودى ممكن انا اغيرها ولا لازم بتاع ابواب او كهربائى لأنى خايف حد يعك و يلغى خاصية الديد لوك

المكينة هى هى الكالون اللى بيقفل الباب حضرتك هتفك ال3 مسامير اللى فى جانب الباب هما دول اللى ماسكين المكينة هتلاقيها طلعت معاك بس لازم تفك فرش اباب والسلك بتاع قفل الباب من الداخل وكله سهل وحضرتك هتعرف تعمله بنفسك
تحياتى

[midozx]

باشا سعر الكالون 50 للواحد
كنت جايب اتنين من عند هانى االعايدى ب 100 الاتنين مكتوب عليهم gm استيراد اصلى

[Hesham.H]

هو تمنه من ٥٠ الى ١٠٠ جنيه على حسب التاجر وشطارتك ... اشتريه على تجربه لانى اشتريت ٣ كل واحد كان فيه مشكله شكل

[محمود الشافعى]

هوا وظيفته السنتر والديد لوك بس كده ولا فى حاجة تانى

[Hesham.H]

هوا وظيفته السنتر والديد لوك بس كده ولا فى حاجة تانى

وظيفته السنتر والديد لوك وفتح الباب من الاوكره الداخليه والخارجيه وغلقه

[سامح السيد]

السلام عليكم ورحمه الله وبركاته
عندى طول ما الباب الشمال مفتوح وقفلت السنتر
مفيش اى حاجه بتتحرك ولو الباب مقفول بيعمل مع بقيه الابوب
وبخصوص الديد لوك موجود عندى فى الابواب الاماميه فقط اما الابواب الخلفيه لايوجد بها ديد لوك
وجزاكم الله خيرا

[محمود الشافعى]

الحمد لله تم حل المشكلة والسنتر اشتغل بعد تعب يومين
رحت اشتريت بلف استيراد وقلت افك القديم واركب الجديد لاقيت انى لازم افك الازاز المهم جربت التانيه من بره على نفس الفيشة ما اشتغلتش ورحت لبتاع ابواب قالى دى مشكلة كهربا ورحت للكهربائى وبعد نا لفينا على كل حاجة طلعت المشكلة فى فردة سلك مقطوعة ومشينا مع السلك لاقينا سلكة مقطوهة من جوه كاوتشة المزيكا اللى داخله للباب من بعد الفيشة واتلحمت وكله بقا تمام
وكمان السماعة بتاعت نفس الباب ماكنتش شغالة من يوم ما جبت العربية وفك الكاسيت ونضف الفيشة بتاعته واشتغلت بفضل الله
وطلب 80 جنيه كانت الفكه اللى معايا 70 اديتو ال 70 كلهم وما فصلتش معاه رغم انى عارف انه كتير بس قلت الحمد لله انها اشتغلت