يا نهار اسود على صوت العربيه

[KHALED AYMAN]

معايا استرا 2006 سيدان كنت ماشى بيها و فى طوبه كبييييييييييره فى وسط الشارع (مش عارف ازاى مشفتهاش) المهم دخلت فى الطوبه دى بين العجلتين الى ادام و سمعت الصوت اتفزعت العربيه كانت بتتنطط على الطوبه و قلبى كان بيتقطع و انا امعها بتتمزع من تحت حتى الناس الى ماشيه على رجليهم و الى راكبين عربيات اعدو يضربو كف على كف و يقولو لا حول ولا قوه الا بالله (زى ميكون انا كافر و بكسر فيها بمزاجى) المهم عديت و صوت العربيه قلب بقى عالى و فى رجه خفيفه فى العربيه لما بنقل من ال n لل d او الr يعنى لما بعشقها و حاسس ان العربيه مكتومه شويه و سحبها ضعيف و صوتها بقى زى الشيروكى .!!!!!!!!!!!!!!!!!!!
انا مرعوب و مش عارف ايه ده اروح التوكيل و لا ايه (انا بصيت على الشكمان لقيته سليم مش مخروم)
حد يفيدنى بسرعه يا رجاله

[Ahmed Hassan]

زم تروح التوكيل بسرعه... شكلك يا اما الفتيس اتخبط من تحت... يا اما تكون بسيكه و الخبطه في الشكمان بس.... روح التوكيل و تابع مستوى زيت الفتيس علشان لو فيه ضرر ميزدش

[abdelaziz-waleed]

المفروض انك عندك صاجة حماية تحت الفتيس يعني مستحيل الفتيس يتخبط من تحت
ممكن صاجة الحماية تكون اتأثرت بالخبطة ومحتاجة استعدال
وده بيسبب انها بتعملك دوشة رهيبة نتيجة انها بقت ملامسة لجسم العربية من النص
عموما ان شاء الله بسيطة بس انت اطلع بسرعة على التوكيل واكشف على العربية من تحت

[KHALED AYMAN]

الف شكر يا باشا على ردك السريع اانا فعلا حاسس ان فى حاجه لامسه العربيه من تحت حتى لما بتكون العربيه مش واخد اى تعشيقه على الp مثلا او الn الصوت بيكون الصوت ضعيف ساعه منقل على الd بسمع صوت اكن حاجه خبطت من تحت
يا رب تطلع هى الصاجه دى و تكون بسيطه.
شكرا على ردك يا استاذ عبد العزيز

[abdelaziz-waleed]

الف شكر يا باشا على ردك السريع اانا فعلا حاسس ان فى حاجه لامسه العربيه من تحت حتى لما بتكون العربيه مش واخد اى تعشيقه على الp مثلا او الn الصوت بيكون الصوت ضعيف ساعه منقل على الd بسمع صوت اكن حاجه خبطت من تحت
يا رب تطلع هى الصاجه دى و تكون بسيطه.
شكرا على ردك يا استاذ عبد العزيز

العفو ياباشا
اصل الموضوع ده كان عندي والصاجة كانت لامسة جسم العربية وكانت عاملالي دوشة رهيبة خاصة في النقلات. انما بعد الاستعدال حسيت ان العربية بقت هادية جدا. في التوكيل الاستعدال هايكلفك حوالي 40 جنيه
بس رجاء ماتستناش لازم تروح بسرعة

[KHALED AYMAN]

للاسف الشكمان طلع مخروم بس بره الصاجه طلعت لامسه العربيه من تحت و عدلتها عند ميكانيكى مشهور بالاوبل و الاوكتافيا اسمه ابو جمره
سمع صوت العربيه قالى الشكمان مخروم و فعلا سديت الشكمان و دوست بنزين لقيته بيسرب بكره ان شاء الله هروح الحمه عند اى واحد بتاع شكمانات بس مش عارف اديله كام و يا ترى هيفكه و لا هيرفع العربيه و يلحمه
يا ريت حد يفيدنى:k17:

[M.Osama]

شكماني كان مكسور نصين
رفع العربيه ولحمه والحمدلله ماشي تمام من ساعتها

[KHALED AYMAN]

الحمد لله انا روحت النهارده لواحد بتاع شكمانات بص عليه قالى انه مخروم و علبه الشكمان مخبوطه لحمه و عدل علبه الشكمان و خد 15 جنيه و العربيه بقت زى الفل
انا مش عارف اشكر الاستاذ عبد العزيز على مساعدته و كل الى ساعدونى

[ASKAFRAWY]

متخافش يا باشا بسيطة لحام الشكمان نبيخدش 10 دقايق ومش هيفكه من مكانه وهياخد منك 10_15 جنيه وكله هيرجع احسن!

والحمد لله انها جت على قد كده