Tweet
الزملاء الأعزاء ... السلام عليكم ورحمه الله وبركاته
من فتره مش بسيطه وأنا بعانى من تسريب زيت ونقصان فى مستوى الزيت .. وكل ما أبص على الموتور ألاقى كارتيرات الزيت غرقانه ... أقول دى جوانات عاوزه تتغير ... أقوم مغيرها وبعدين ألاقى نفس الوضع ... مره اعملها بسيلكون ومره بجملكه ومره من غير أى إضافات وبرضو نفس الوضع ... وده كان خطأ من البدايه لأن AB تسريب زيت هو غسيل مكان الزيت القديم وملاحظه أول مكان هايخرج منه الزيت الجديد ... وده اللى عملته آخر مره
وطلعت المفاجئه إن تسريب الزيت جاى من طرمبه الزيت والكارتيرات زى الفل ... والسبب كان غلطه صنايعى كنت عملت عنده شغل فى الموتور من فتره وركب جوان طرمبه الزيت وجوانها مقطوع ... شوفوا بقى بسلامته كلفنى زيت قد ايه راح على الارض وكام جوان للكارتيرات غير حرقه الدم والأعصاب
وبصراحه لما لاقيت كده قررت إنى أعمل الشغل ده عندى وبإيدى ... ولو حاجه باظت هاتبقى حاجتى وأنا اللى بوظتها
عشان ما أطولش عليكو ... كده هبدأ اعرض لحضراتكو
طريقه تغيير جوان طرمبه الزيت
عشان نوصل لطرمبه الزيت فى موتور الاوبل الإيكوتيك شغلانه صعبه ومرهقه .. وهانحل حوالى نص الموتور
هانبدأ بأول صوره
A هانفك طبه الزيت ونصفى الزيت بتاعنا
B هانفك الكارتيره الصغرى
C جوان الكارتيره الصغرى
هانفك مشترك فرن الجكمان عشان نريحه على تحت عشان نقدر نفك الكارتيره الكبرى
D هانفك الكارتيره الكبرى
E مكان اتصال الكارتيره الكبرى بالفتيس هانفكه هن طريق ٤ مسامير مقاس ١٥
F جوان الكارتيره الكبرى
أهم خطوه عشان نخرج الكارتيره الكبرى هى فك صاموله قاعده الموتور اليمنى اللى خلف العجله اليمين ... ونرفع الموتور بالكوريك حوالى ٥ سم وبكده تخرج الكارتيره
كده مبروك احنا خلصنا الشغل اللى تحت ... وهانروح لأهم نقطه وهى فك سير الدينامو وسير التقسيمه وإزاله كل الطنابير والبلى
كده احنا فكينا سير الدينامو وهانبدأ نشيل شداد الموتور ده ( الصوره مش من عربيتى )
بعد ما شيلنا الشداد هانفك الوش الفبر الاسود بتاع الكاتينه زى كده
بعد كده هانفك ٤ مسامير بتوع طنبوره سير الدينامو عشان نشيلها
بعد كده هانعمل اهم خطوه اللى هتساعدنا فى تقفيل الكاتينه عند التركيب ... هاتلف طنبوره الكرنك اللى راكب عليها سير الكاتينه لغايه اما تظبط علامات ظبط الكاتينه قبل تسقيط السير بالشكل ده
طبعا دى مش مظبوطه اوى بس انا ظبطتها بعد التصوير
وكذلك علامات طنابير الكامات
وبكده جاهزين نفك سير التقسيمه .. اللى هانفكه عن طريق تهويه مسمار ١٣ بتاع بليه الشداد ولف الشداد بمفتاح ألانكيه رقم ٥ بإتجاه السهم لغايه اما تهوى السير
شيله بقى وارميه جنبك وريح شويه واشرب فنجان قهوه عشان تفوق للى جاى
هانبدأ نفك بليه الشداد والبليتين التانيين وطنابير الكامات ... طنبوره الكرنك بتحتاج زرجينه عشان تخرج
بعد ما خرجت طنبوره الكرنك كده وصلنا للى احنا عاوزينه عشان نفك الصاجه السوداء اللى تحت الطنابير اللى واضحه فى الصوره دى قبل ازاله طنبوره الكرنك الخاصه بسير التقسيمه
دلوقتى احنا وصلنا للمنظر ده ... منظر يخض بصراحه
كده الوقت جاهز لاستخراج طرمبه الزيت عن طريق فك خمس مسامير الانكيه عادى مقاس ٥ ومسمارين مقاس ١٠ بتوع مصفاه الزيت
وبقى معانا المنظر ده
وده منظر الطرمبه بعد خروجها وتنضيفها بحرص بالفرشه السلك
وده الناحيه التانيه منها اللى هايركب فيها الجوان الجنجريد الرقيق اللى هانفصله عليها بأمر الله
هانحط طبقه سليكون فرنساوى نضيف ( لازم نوع كويس لانها مابتتفكش كل يوم ) وبعدين نحط الجوان وبعدين طبقه سليكون ونركب الطرمبه مكانها تانى وبحرفنه عشان ما تفسدش اويل سيل الكرنك
وبعدين نبدأ نجيب الخطوات دى من الاخر للأول تانى لغايه أما توصل إن آخر حاجه تركبها هى طبه الزيت ان شاء الله
الكارتيرات فصلت ليها جوانات .. الكبرى جوان جنجريد بيركب بسيليكون والصغرى جوان فللين وبسيليكون برضو وهايلين ما شاء الله كلفونى ٣٠ جنيه مع العلم ان جوانتها الاصليه ب ٣٠٠ جنيه
كده قفلنا شغلنا ندخل بقى على التقسيمه يا رجاله ... وما ادراك ما التقسيمه
فاكرين طبعا لما قلت ليكو اننا لازم نظبط العلامات قبل فك الطنابير ... وده هاينفعنا دلوقتى ... ركبنا طنابيرنا وهانظبط طنابير الكامه على علامتهم ونفرملهم بالمنظر ده
ونظبط طنبوره الكرنك ونفرملها بأى حاجه .. ونركب سيرنا على الطنابير ونبدأ نشد السير ببليه الشداد عكس طريقه التهويه السابق شرحها
قبل ما ندور العربيه لازم نلف سير التقسيمه لفتين على الاقل من صاموله الكرنك عشان نتأكد ان التقسيمه سليمه
والحمد لله رب العالمين وربنا يوفق الجميع مع شكرى وتقديرى لكل الاعضاء المحترمين وبالخصوص
عمرو السيسى وفادى محمد اللى ما بخلوش بأى معلومه إحتجتها وانا شغال
صور كتير من الموجوده فى الموضوع من على النت لانى ماكنتش عارف اصور كل الخطوات بس هى دى الطريقه اللى انا اتبعتها
من فتره مش بسيطه وأنا بعانى من تسريب زيت ونقصان فى مستوى الزيت .. وكل ما أبص على الموتور ألاقى كارتيرات الزيت غرقانه ... أقول دى جوانات عاوزه تتغير ... أقوم مغيرها وبعدين ألاقى نفس الوضع ... مره اعملها بسيلكون ومره بجملكه ومره من غير أى إضافات وبرضو نفس الوضع ... وده كان خطأ من البدايه لأن AB تسريب زيت هو غسيل مكان الزيت القديم وملاحظه أول مكان هايخرج منه الزيت الجديد ... وده اللى عملته آخر مره
وطلعت المفاجئه إن تسريب الزيت جاى من طرمبه الزيت والكارتيرات زى الفل ... والسبب كان غلطه صنايعى كنت عملت عنده شغل فى الموتور من فتره وركب جوان طرمبه الزيت وجوانها مقطوع ... شوفوا بقى بسلامته كلفنى زيت قد ايه راح على الارض وكام جوان للكارتيرات غير حرقه الدم والأعصاب
وبصراحه لما لاقيت كده قررت إنى أعمل الشغل ده عندى وبإيدى ... ولو حاجه باظت هاتبقى حاجتى وأنا اللى بوظتها
عشان ما أطولش عليكو ... كده هبدأ اعرض لحضراتكو
طريقه تغيير جوان طرمبه الزيت
عشان نوصل لطرمبه الزيت فى موتور الاوبل الإيكوتيك شغلانه صعبه ومرهقه .. وهانحل حوالى نص الموتور
هانبدأ بأول صوره
A هانفك طبه الزيت ونصفى الزيت بتاعنا
B هانفك الكارتيره الصغرى
C جوان الكارتيره الصغرى
هانفك مشترك فرن الجكمان عشان نريحه على تحت عشان نقدر نفك الكارتيره الكبرى
D هانفك الكارتيره الكبرى
E مكان اتصال الكارتيره الكبرى بالفتيس هانفكه هن طريق ٤ مسامير مقاس ١٥
F جوان الكارتيره الكبرى
أهم خطوه عشان نخرج الكارتيره الكبرى هى فك صاموله قاعده الموتور اليمنى اللى خلف العجله اليمين ... ونرفع الموتور بالكوريك حوالى ٥ سم وبكده تخرج الكارتيره
كده مبروك احنا خلصنا الشغل اللى تحت ... وهانروح لأهم نقطه وهى فك سير الدينامو وسير التقسيمه وإزاله كل الطنابير والبلى
كده احنا فكينا سير الدينامو وهانبدأ نشيل شداد الموتور ده ( الصوره مش من عربيتى )
بعد ما شيلنا الشداد هانفك الوش الفبر الاسود بتاع الكاتينه زى كده
بعد كده هانفك ٤ مسامير بتوع طنبوره سير الدينامو عشان نشيلها
بعد كده هانعمل اهم خطوه اللى هتساعدنا فى تقفيل الكاتينه عند التركيب ... هاتلف طنبوره الكرنك اللى راكب عليها سير الكاتينه لغايه اما تظبط علامات ظبط الكاتينه قبل تسقيط السير بالشكل ده
طبعا دى مش مظبوطه اوى بس انا ظبطتها بعد التصوير
وكذلك علامات طنابير الكامات
وبكده جاهزين نفك سير التقسيمه .. اللى هانفكه عن طريق تهويه مسمار ١٣ بتاع بليه الشداد ولف الشداد بمفتاح ألانكيه رقم ٥ بإتجاه السهم لغايه اما تهوى السير
شيله بقى وارميه جنبك وريح شويه واشرب فنجان قهوه عشان تفوق للى جاى
هانبدأ نفك بليه الشداد والبليتين التانيين وطنابير الكامات ... طنبوره الكرنك بتحتاج زرجينه عشان تخرج
بعد ما خرجت طنبوره الكرنك كده وصلنا للى احنا عاوزينه عشان نفك الصاجه السوداء اللى تحت الطنابير اللى واضحه فى الصوره دى قبل ازاله طنبوره الكرنك الخاصه بسير التقسيمه
دلوقتى احنا وصلنا للمنظر ده ... منظر يخض بصراحه
كده الوقت جاهز لاستخراج طرمبه الزيت عن طريق فك خمس مسامير الانكيه عادى مقاس ٥ ومسمارين مقاس ١٠ بتوع مصفاه الزيت
وبقى معانا المنظر ده
وده منظر الطرمبه بعد خروجها وتنضيفها بحرص بالفرشه السلك
وده الناحيه التانيه منها اللى هايركب فيها الجوان الجنجريد الرقيق اللى هانفصله عليها بأمر الله
هانحط طبقه سليكون فرنساوى نضيف ( لازم نوع كويس لانها مابتتفكش كل يوم ) وبعدين نحط الجوان وبعدين طبقه سليكون ونركب الطرمبه مكانها تانى وبحرفنه عشان ما تفسدش اويل سيل الكرنك
وبعدين نبدأ نجيب الخطوات دى من الاخر للأول تانى لغايه أما توصل إن آخر حاجه تركبها هى طبه الزيت ان شاء الله
الكارتيرات فصلت ليها جوانات .. الكبرى جوان جنجريد بيركب بسيليكون والصغرى جوان فللين وبسيليكون برضو وهايلين ما شاء الله كلفونى ٣٠ جنيه مع العلم ان جوانتها الاصليه ب ٣٠٠ جنيه
كده قفلنا شغلنا ندخل بقى على التقسيمه يا رجاله ... وما ادراك ما التقسيمه
فاكرين طبعا لما قلت ليكو اننا لازم نظبط العلامات قبل فك الطنابير ... وده هاينفعنا دلوقتى ... ركبنا طنابيرنا وهانظبط طنابير الكامه على علامتهم ونفرملهم بالمنظر ده
ونظبط طنبوره الكرنك ونفرملها بأى حاجه .. ونركب سيرنا على الطنابير ونبدأ نشد السير ببليه الشداد عكس طريقه التهويه السابق شرحها
قبل ما ندور العربيه لازم نلف سير التقسيمه لفتين على الاقل من صاموله الكرنك عشان نتأكد ان التقسيمه سليمه
والحمد لله رب العالمين وربنا يوفق الجميع مع شكرى وتقديرى لكل الاعضاء المحترمين وبالخصوص
عمرو السيسى وفادى محمد اللى ما بخلوش بأى معلومه إحتجتها وانا شغال
صور كتير من الموجوده فى الموضوع من على النت لانى ماكنتش عارف اصور كل الخطوات بس هى دى الطريقه اللى انا اتبعتها
Comment