استحلفكم بالله ساعدوني اوبل فيكترا مشكلة دوختني

[subzero772]

لو انتا قلت انك تممت علي كل الحجات دي الحمد لله طلع تمام

يبقي تبص علي الحجات دي
1 ترموستات الحرارة دول عبارة عن 2 فوق بعض ركبين في الرداتير تغيرهم احسن النوع الي جبتو كان توبران بس اسال الاعضاء هما يقدرو يفيدوك اكتر مني في المركات
ودور علي الي بتشتغل علي رقم قلييل الي في الرداتير

2 ترموستات الكوعة بتاعت المية دي بتبقي علي المتور علي كوعة المية الداخلة للمتور مش الخرجة

ولافضل انك تبدا بتغيير ترمستات كوعة المية وزود مية مقطرة وشوف الدنيا ظبطت ولا لا او لا شوف
التنيين الي في الرداتير

[احمد فهمى]

بما ان معندكش ترموستا راجع حساس الحراره ولو الميه بتنقص عندك يبقى جوان وانا مستبعد ده

[Abo_Mazen]

بص في حركة مشهورة قوي ينعملها في أي عربيه عشان نشوف المكنه بتنفخ هوا سخن في دورة المياه ولا لأ ..هتخلي العربيه تبرد خاااااااااااااالص ..خالص خالص يعني ..وبعدين تزود المياه لغاية قمة الريداتير ..وطبعا كل ده والعربيه باااااااااااااارده ..وبعدين تقوم مدور العربيه ..لو لقيت المياه نطت من فوهة الريداتير لفوق ..يبقى كده المكنه دي بتنفخ هوا ..وتبدأ بقى الشكوك حوالين جوان السلندر ..

ثانيا ..حضرتك بتقول إن ثرموستات الكوع متشال أصلا ..طيب سؤال ..قبل ظهور المشكلة دي كنت لما بتمشي على طريق مفتوح على سرعه عاليه مؤشر الحرارة كان بينزل معاك لتحت ؟؟..وبعدين لما ظهرت مشكلة المراوح دي ما بقاش مؤشر الحرارة ينزل على السرعات العاليه ..والسؤال ده بمناسبة إن ثرموسات الكوع متشال ..

ثالثا ...أنا بقى متهيألي إن ثرموستات الحرارة أو حساس الحرارة اللي بيقرا حرارة المياه ويوصلها للكنترول ومنها إلى مؤشر الحرارة ..أنا بقى شايف إن حساس الحراة ده نايم على ودانه ..وإن حرارة العربيه أصلا أكتر من كده ..والدليل على كده إن المرواح بتشتغل ما بتسكتش خالص ..ممكن توصل العربيه على كمبيوتر وتشوف درجة حرارة الكولانت بتوصل لكام والمراوح لما بتشتغل وتفضل تهري في نفسها بتوصل درجة حرارة الكولانت لكام ..عشان تقدر تقرر في هيبره أصلا في درجة حرارة المحرك ولا حساس الحراره مهيس ولا المراوح هي اللي مهيسه

كل اللي أنا قلته فوق ده مش حلول ..دي كلها أفكار تساعدك على التفكير وتفتخ معاك تساؤلات تقدر تخليك تربط المشكلة بحاجه حصلت في العربيه ..زي مثلا مشوار طويل أو مياه نقصت يعني حاجه معينة حصلت بعدها علطول ظهرت المشكلة دي ..أنا لما بيبقى عندي مشكلة بربط ظهور المشكلة بحدث ..حاول تعمل كده وخصوصا الجزئية بتاعة نزول مؤشر الحرارة على السرعات في غياب ثرموستات الكوع