إعـــــــلان

Collapse

.

,
See more
See less

الحمد لله جبت عربيه اوبل فيكترا 97 وكنت عايز استفسر عن شويه حاجات

Collapse
X
 
  • Filter
  • الوقت
  • Show
Clear All
new posts

  • الحمد لله جبت عربيه اوبل فيكترا 97 وكنت عايز استفسر عن شويه حاجات

    الحمد لله ربنا وفقنى واشتريت عربية اوبل فيكترا 97 1600 سى سى وكنت عايز اسال الاعضاء المحترمين علشان يفيدونا بخبرتهم ايه احسن محل قطع غيار اجيب منه واحسن ميكانيكى وعفشجى اتعامل معاه ؟؟؟
    عموما انا من منيا القمح بس لو فى حد فى القاهرة او بنها او الزقازيق او طنطا يبقى كويس وطبعا انا مش هروحله كل يوم بس عايز واحد ثقة والاعضاء جربوه
    وياريت تكون اسعاره كويسه ؟؟؟


    الحاجة التانية ايه اللى غيره دلوقتى ؟؟؟؟
    وشكرا مسبقا

  • #2
    مبروك. عربيه تستاهل ..
    هتغير سير كاتينه وسير دينامو وما يلزم من بلي .
    فلتر بنزين وبوجيهات
    زيت ولتر زيت .
    ميه الرادياتير

    ده المهم . وهتجيب نوته صغيره تحطها معاك في العربيه تكتب فيها السيرفيس ده عملته والعربيه عامله كام كيلو متر؟؟ علشان تعرف ميعاد الصيانه الجايه..

    في حجات مهمه بس تتغير حسب حالتها زي تيل الفرامل والكاوتش

    لو المنصوره قريبه العربيه دي قطع غيارها منتشره هناك جداا المصريه والبحقيري وغيرهم في الحسينيه
    ولو في القاهره امريكان ستارز او حموده خلف دار القضاء العالي
    اخوكم /فادي محمد عيد ..من مواضيعي المصوره للفيكترا بي ....

    [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
    [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
    [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
    [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
    [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

    hellboy سابقا

    Comment


    • #3
      بص يا سيدى قطع الغيار يا اما زى ما استاذ فادى قال او حتروح الحرفيين
      بالنسبه للميكانيكى فى واحد ف بنها عند الموقف الجديد اسمه صابر واد محترم جدا وبيفهم و مصنعيته معقوله
      هو ليه ورشه جديده ف الحرفيين غير بتاعت بنها ف ممكن تلاقى اخوه احمد هناك و هو كمان شاطر
      و دى نمرة صابر 01012073097

      Comment


      • #4
        المشاركة الأصلية كتبت بواسطة safwat1100 مشاهدة المشاركة
        بص يا سيدى قطع الغيار يا اما زى ما استاذ فادى قال او حتروح الحرفيين
        بالنسبه للميكانيكى فى واحد ف بنها عند الموقف الجديد اسمه صابر واد محترم جدا وبيفهم و مصنعيته معقوله
        هو ليه ورشه جديده ف الحرفيين غير بتاعت بنها ف ممكن تلاقى اخوه احمد هناك و هو كمان شاطر
        و دى نمرة صابر 01012073097

        تسلم ياباشا يعنى صابر ده انت جربته قبل كده وبيفهم ولا ايه
        وبالنسبة للعفشجى ممكن تقولى مكانه برضه

        Comment


        • #5
          خليك فى المنصوره
          عندك قطع غيار اولاد موافى فى الحسنيه جديد
          وعندك استيراد وليد حماد عبد السلام عارف
          وفى سمنود واحد اسمه عبوده استيراد بس اسعار فى الجون
          ميكانيكى فيه شكرى فى شارع عبد السلام عارف وراء سوق الجمله للخضار
          وسعيد عند مساكن العبور
          وعفشه عيد عند ترب المسحيين تخش من عند توكيل منصور فى شارع عبد السلام عارف ناحيه صور الامن المركزى
          وكهرباء ابراهيم تاج جنب ورشه سعيد فى مساكن العبور
          خد بالك فى عمرو عفشة جنبهم بس اسمع انه غالى

          Comment


          • #6
            المشاركة الأصلية كتبت بواسطة geniusman1 مشاهدة المشاركة
            تسلم ياباشا يعنى صابر ده انت جربته قبل كده وبيفهم ولا ايه
            وبالنسبة للعفشجى ممكن تقولى مكانه برضه
            ايوه يا معلم هو الميكانيكى بتاعى اصلا واد محترم اوى و بيفهم و كان شغال اصلا ف التوكيل
            بالنسبه للعفشه انا معملتش حاجه كبيره عنده انا غيرت بطاحات بس و كان بيربط العفشه كل ما اقوله
            ف مقدرش احكم عليه اوى ف العفشه

            Comment


            • #7
              المشاركة الأصلية كتبت بواسطة safwat1100 مشاهدة المشاركة
              ايوه يا معلم هو الميكانيكى بتاعى اصلا واد محترم اوى و بيفهم و كان شغال اصلا ف التوكيل
              بالنسبه للعفشه انا معملتش حاجه كبيره عنده انا غيرت بطاحات بس و كان بيربط العفشه كل ما اقوله
              ف مقدرش احكم عليه اوى ف العفشه
              طيب هوا مكانه فين بالظبط عند الموقف الجديد

              Comment


              • #8
                بص يا باشا حتخلى الموقف على يمينك و النيل وراك و حتدخل الشارع بتاع الموقف و تكمل على طول لحد ما تلاقى قاعة افراح على الشمال ماسكة ناصيه
                حتخش ف الشمال ده و 50 متر حتلاقى الورشه على شمالك
                هو شغال من 11 الصبح لحد 8 بالليل ما عدا الجمعه

                Comment

                Working...
                X