رسالة شكر للاخ الكريم kornclub

[mrastra]

kornclub طبعا كلكم عارفينة يمكن اكتر منى

الراجل دة كان عارض عربيتة اوبل للبيع عشان مسافر

كان عامل ليها موضوع هنا وانا قابلتة واخت العربية منة

انا اشترتها منه فى اول شهر نوفمبر 2014 واستنيت لغاية النهردة عشان اكتشف عيوبها
بصراحة عربية فى منتهى الجمال من شخص اجمل وكان امين جدا معايا فى كل حاجة وانا عن نفسي ما تعبتوش فى الفصال وكانت بيعة ربنا مبارك فيها

حتى امبارح قلت اكشف على البوجيهات اشوف حالتها اية ولما فكتها لقتها جديدة وGM اصلى

وانا الحمد لله مرتاح معاها اوى وحاببها كدة شوية وهاتبدا بينى وبنها قصة حب قوية

وما ندمتش انى بعت عربيتى الجالينا موديل 2011 فبريكة بالكامل برة وجوة وعداد 30 الف

المشكلة الوحيدة بس ان الاوبل عاوزة تترش من الخارج لان اولادى مستغربين شوية لانهم اتعودو على العربيات الجديدة
بجدد شكرى للاخ الكريم kornclub والى الاخوة الكرام المتواجدون بقسم اوبل

[ayman hamdy]

هى دى اخلاق وطباع رجال نايل موتورز
وربنا يبارك لك فى العربية ويعطيك خيرها ويكفيك شرها
تقبل تحياتى

[mhmd_farouq]

ربنا يباركلك فيها والف مبروووك العربيه الجديده

[amr elsisi]

ربنا يبارك لك فيها ويرزقك خيرها ويكفيك شرها

[a7mad_mo7amad6]

راجل معروف بالاحترام
كان محتاج ايديل قبل كده وخلاني اجبهوله من انجلترا ..قلي انضف حاجة واحسن حاجة وفعلا جبتله اغلى واحد

[kornclub]

الله يكرمك و يباركلك في العربيه و يجعلها قدم السعد ان شاء الله
بالنسبه لاحمد تستاهل كل خير والله و اكيد في يوم هردلك الجميل - الايدل فعلا كان مضايقني و ريحتني كتير - علي فكره الاكسجين سنسور برضه جبته من انجلترا جديد بعد ما لفيت مصر كلها علي جديد
شكرا لكل نايل موتورز -انا افتخر فعلا بعضويتي هنا