اسئلة فنية لملاك فيكترا b

[superherocivil]

لو سمحتم يا جماعة عايز اعرف ازاى افك الولاعة من التابلوه لانها مش شغاله وانا ملقتش فيوز ليها في عليه الفيوزات فحابب افكها واشوف العيب منين
تانى حاجه اوصل ازاى لمكان الكلكس في العربيه عشان اغيره لانه وقف عندى
اخر سؤال علبة الفيوزات الى بين البطاريه ووش العربيه فيها كتاوت على الشمال ده اربعه طرف ولا 6 طرف
ياريت حد يجاوبنى وجزاكم الله خيرا

[superherocivil]

فين الردود يا جماعة هو الموضوع صعب اوى كده :)

[hagagatc]

الولاعه بتنطر الفيبره المثلثه الي حوليها وحتلاقي في مسامير مثبتاها
الكلاكس ورا الاكصدام في الناحيه اليمين لو فكت كارتيره العجله اليمين ممكن تشوفه او تسقط الاكصدام افضل

[فادى محمد]

الولاعه ليها فيوز غيرته قبل كده.. الكتاوت اللي في العلبه مش 4 رجل . اكتر

[Hesham.H]

زى ما قال عبد الرحمن هاتفك المسمارين اللى تحت المثلثين اللى واحد منهم يمين الولاعه والتانى على شمال الباب الصغير اللى جنب الولاعه اللى بيفتح ويقفل بالضغط
هاتخرج المنطقه دى كلها معاك وحاول تشد براحه عشان سلك الولاعه واللمبه بتاعتها مايتقطعوش ... افصل السلكين من الفيش الصغيره اللى راكبه فى الولاعه واللمبه وابدا اللى انت عاوز تعمله
بس هى طبعا ليها فيوز خاص بيها زى ما قال فادى وانا كمان غيرته لانه اتحرق عندى كذا مره من كمبروسر نفخ العجل لانه شديد شويه على قدره الكهرباء الخارجه من الولاعه

[superherocivil]

جزاكم الله خيرا عن الردود ولكن انا فعلا فكيت المسمارين لكن الجزء الى فيه الولاعه مخرجش معايا زى ميكون مشبوك في الكونسول من تحت فياريت تفيدونى اشده جامد ولا ممكن يتكسر ولا فيه طريقه تانيه

[فادى محمد]

عاوز تخرجه ليه؟؟ المشكله عندك في الفيوز بس ان شاء الله..
الجزء ده بيخرج كله مع بعضه . الولاعه بالطفايه بحامل الاكواب. بعد فك المسامير يمين وشمال بتشد لبره وانت بتقلب لفوق..بس مش هتعرف تركبه تاني . له طريقه مختلفه في التركيب لان في سيخ حديد هينزل من الجزء اللي فوق فور الفك وله ظبطه معينه رخمه شويه..
الموضوع ده فيه صوره ممكن توضح كلامي..

http://www.nilemotors.net/Nile/150353-b.html#post3872669019

[superherocivil]

فادى باشا انا شفت علبه الفيوزات لقيت كل الفيوزات سليمه فمضطر افك الجزء بتاع الولاعه وحمال الاكواب عشان اشوف لو فيه حاجه بايظه اصلحها فحاولت افك الجزء ده لكن مش بيخرج معايا لانه ممسوك من فوق ومن تحت فياريت شرح طريقه الفك والتركيب عشان اعملها

[فادى محمد]

بعد ماتفك مسمارين يمين ومسمارين شمال تحت الفبر المثلث ده .شد الجزء ده كله لبره وانت بتقلب لفوق .كانك ( بتغرف من تحت لفوق) هيخرج معاك بسهوله.
التركيب بقي..
في سيخ حديد هتلاقيه مدلدل من الجزء اللي فوق. السيخ ده ظبطه بحيث يدخل ورا الجزء المخلوع من فوق ( يعشق في الشفه العلويه منه) ودخل الجزء لجوه وابدا من فوق .