مراوح التبريد

[hagagatc]

عندي حاجه لاحظتها ان المراوح لما بتشتغل بتحصل رجه في العربيه وتختفي هل ليها علاقه بالارضي مع اني عامل كابل تقويه ارضي للبطاريه

[Hesham.H]

عندى كده برضو مش رجه جامده بس محسوسه

[hagagatc]

هي بتبقي فعلا خفيفه يا هشام بس بحس انها ممكن تكون ضعف ارضي او البطاريه ضعيفه او تكون مش الركومندد لعربياتنا وده السوال البطاريه عندنا المفروض كام امبير 70 ولا ااقل

[amr elsisi]

انا مركب 70 ونفس الكلام
بس علي السرعة التانية فقط

[mrastra]

عندي حاجه لاحظتها ان المراوح لما بتشتغل بتحصل رجه في العربيه وتختفي هل ليها علاقه بالارضي مع اني عامل كابل تقويه ارضي للبطاريه

المفروض تزود ارضى من البطارية لجسم العربية ما تكتفيش بتزويد ارضى الموتور
كمان لازم تفك العلية السودة اللى فوق الركبة الشمال وتفك كابلات الارضى كلها وتعملها عملية نضافة بصنفرة وبنزين وتعيد احكام الرباط تانى
لازم الردياتير يكون متثبت فى مكانة كويس جدا لانى بلاحظ ان معظم العربيات كاوتش تثبيت الردياتير بيكون مقطوع وفى فراغ بينة وبين القاعدة الالومنيوم

[محمود السيد]

نفس المشكلة عندى ومش عارف السبب

[محمود الشافعى]

صعب تبقى البطاريه 70 امبير لان اللى مكتوب عليها 70 دى 62
وعلى العموم لما اروح هبص على الكتالوج واتأكد هى المفروض كام
بس مش هتقل عن 66 أمبير او 72

[محمود الشافعى]

البطارية : الجهد / 12 فولت
القدرة / 44 أمبير/ساعة * 55 أمبير/ساعة * 66 أمبير/ساعة * 70 أمبير/ساعة

دا بالنص اللى مكتوب فى الكتالوج يبقى مش مشكلة بطارية لانها بتشتغل من اول 44 امبير
على كدة انا ممكن يكون عندى مشكلة انا جايب اكبر من الطبيعى 74 أمبير دا غلط ولا ايه

[mrastra]

البطارية : الجهد / 12 فولت
القدرة / 44 أمبير/ساعة * 55 أمبير/ساعة * 66 أمبير/ساعة * 70 أمبير/ساعة

دا بالنص اللى مكتوب فى الكتالوج يبقى مش مشكلة بطارية لانها بتشتغل من اول 44 امبير
على كدة انا ممكن يكون عندى مشكلة انا جايب اكبر من الطبيعى 74 أمبير دا غلط ولا ايه

لا مش غلط ولا حاجة بل بالعكس ممكن يكون للصالح عشان لو حبيت او لو بالفعل مركب كماليات زيادة او حاجة تستهلك كهرباء مش معمول حسابها

انما الملحوظة الوحيدة ان فترة شحن الدينامو هاتكون اكتر من الطبيعى
حضرتك عارف ان الدينامو بيفضل يشحن فى البطارية طالما شحنتها قلت وبمجرد انها تتشحن للخر الكتاوت بيفصل الدينامو
فالدينامو اللى مصمم يشحن بطارية 44 امبير هايقعد فترة اطول لو هايشحن 70 امبير

ودة بيمثل حمل لفترة اكبر على موتور السيارة

[ghamry]

ممكن تكون المراوح عند تقيله وعند تشغيلها بيحصل هبوط فى جهد البطاريه او الدائره الكهربيه عموما وده يقلل كهربه البوجيهات فيؤدى الى رعشه فى تلموتور كأنه خنقه بنزين

[haisam ali]

طاب معلش استحملونى عشان ههرى شويه من بتوعى
مش ممكن نبص على الكاوتش اللى شايل الرداتير بالسربنتينه لانه بيبقى محمل على القنطره وبيتهرى بسرعه جدا من تحت وكمان نبص عليه من فوق من عند القواعد الالمونيوم
لانها لو ملمسه هتعمل معانا المشكله ....... انا كنت برفعهم على كاوتش وكانت الدنيا بتتظبط اوى
اسف للاطاله والهرى وكل سنه وانتم طيبين

[ghamry]

ممكن يكون فى مروحه مش موزونه وبتعمل اهتزازات عاليه وده اوكانت المكنه مستقره على السلانسيه اثناء تشغيل المراوح