علبة الشكمان فيكترا a

[ahmedkasem]

عندي علبة الشكمان اللي ورا في الفيكترا 95 اتوماتيك 2000 cc
مكتومة والميكانيكي نصحني اغيرها عند حد بتاع شكمانات عشان الكربون الكتير فيها عامل الكتمة دي
المشكلة دلوقتي انا قدامي تلات اختيارات عشان اغيرها ومش عارف ايه الافضل
الاول ان اشتري واحدة فابريكة استيراد ... بس مش عارف الاستعمال هيبقى كويس ولا لأ وخايف تبقى برضه مكربنة

والحل التاني ان بتاع الشكمانات يعمللي واحدة بلدي عمولة وهتبقى جديدة

والحل التالت اني اركب علبة شكمان الديفل اللي بيبقى صوتها عالي بس خايف يكون ليها تأثير سيء على الموتور في المستقبل وكمان موضوع الصوت العالي ده مش بيعجبني عشان ساعتها هحس اني راكب عربية 128 او 127

طبعا انا اول مرة تواجهني مشكلة الشكمان دي وعمري ما عملتها في اي عربية ركبتها قبل كده
عشان كده محتاج النصيحة منكم وياريت الاسعار للاستيراد او العلبة العمولة او الديفلات وانواعها

كمان عايز اعرف ايه الضرر اللي ممكن تسببه علبة الشكمان الما تكون مكربنة ومكتومة
وشكرا ليكم كلكم

[asa3eed]

علبه شكمان خلفيه ماركة ابو اليزيد جديدة ب 250 بلبل وريح دماغك الاستيراد متتضمنهوش ف الحته دى انا مركبها و 100 فل وعشره

[ahmedkasem]

علبه شكمان خلفيه ماركة ابو اليزيد جديدة ب 250 بلبل وريح دماغك الاستيراد متتضمنهوش ف الحته دى انا مركبها و 100 فل وعشره

طيب هي العلبة دي مصري طبعا او بلدي زي ما بيقولوا صح؟

وهل ممكن اركب اي علبة شكمان خلفية من اي عربية نوع تاني ولا بيبقى ليها مقاسات معينة ؟

[asa3eed]

طيب هي العلبة دي مصري طبعا او بلدي زي ما بيقولوا صح؟

وهل ممكن اركب اي علبة شكمان خلفية من اي عربية نوع تاني ولا بيبقى ليها مقاسات معينة ؟

لها مقاس معين طبعا زى ما بيقولوا فتحة الزور بتاعتها