شرخ في الماتور

[adelhamed]

السلام عليكم ورحمة الله وبركاته
من فترة والماية بتنقص عندي بس بنسبه بسيطه اليومين اللي فاتو لقيتها بتقل جامد
الموضوع بدأ ان في مايه بتتنطر من وش الماتور مع بداية الدوارة وافتكرتها طبب المايه واول امبارح وصلت لرجة في العربيه وهي علي السلانسيه ودخان ابيض من الشكمان استنتجت ان في ماية في غرفة الاحتراق ودي كارثه طبعا
كنت مع الميكانيكي النهارده وفكينا العلبة السودا اللي في وش الماتور لقيناها طحينه
والغريبه ان مقياس الزيت طالع منه زيت سليم ومش واصله طحينه
فما هي اقتراحاتكم واستنتاجاتكم ادام الله فضلكم

[SAMEH_FOUAD]

وش السلندر ضرب بس من ناحية مجرى المياة , مش الزيت , عشان كدة الزيت ماتأثرش ودة فى حد ذاتة شىء كويس وتكلفتة اقل من ان يكون الجوان ضرب من ناحية الزيت

[الهواء]

عايزينك توافينا بم تم معاك بخصوص موضوع نقص المياه ومشكله جوان والسلندر نرجو نقل التجربه للاستفاده للجميع..

[احمد فهمى]

الجوان ضرب وحاول تصور مراحل التغيير وتضيفها هنا للأفاده

[mrafie]

الماية من وش الماتور تمام وش سليندر بس ايه حكاية الدخان الابيض من الشكمان
اعتقد دي قصه بوجيهات وضبط الماتور نفسه، صح؟

[mrastra]

دحان ابيض يعنى زيت دخل غرف الحريق
الموضوع دة بعيد عن جوان وش السلندر
الزيت يدخل غرف الحريق اما عن طريق عدم احكام شنابر الزيت
او عن طريق جلد الصباب او من دليل الصباب نفسة
فبما انك هاتفك الوش عشان تفير الجوان يبقى تراجع على الوش بالكامل بالكااااامل وانا اتوقع انة شرخ فى الوش وهو اللى كان بينقص المية وبعدين دخل زيت على الغرفة