استفسار هام لرجاله الفيكترا سى وبالاخص المهندس احمد عاشور والاستاذ احمد فهمى

[dr_medoo]

انا كان عند ونه كده فى العربيه وكنت سالت عليها مرة والجميع قالى انها احتمال البلى والسرة
المهم اخوى راح للميكانيكى وغير له السرة الشمال وقاله ابقى غير الطنابير
وقام بقى البيه قال له زيت الفتيس ناقص وزود 2 كيلو الا ربع زيت فتيس
وقاعد يقوله اصل الفتيس وحورات كده مش فاهم ايه
المهم تانى يوم الf المحترمه ظهرت قاعدت العب شويه وفكيت التعشيقه بتاعت العربيه واستنيت شويه والعربيه اشتغلت ومشيت بيها كام مشوار والعربيه حاسس ان الفتيس الرزعه الى فيه مش طبيعيه مختلفه وخايف حاجه تحصل تانى ايه العمل يا جماعه

[ashourashour]

الفتيس كله على بعضه 1.6 لتر !!

الزيت الزياده غلط جدا هيضرب اولسيهات و هيطلع على مواتير التعشيق

لازم تروح لحد بيفهم يظبطلك الزيت

وزود زيت نوعه اه مش اي زيت يتحط

[dr_medoo]

يعنى انزل الزيت كله واحط زيت من اول وجديد واحط 1.6 لتر بس ولا ايه علشان مفيش حاجه تبوظ
اصل الى بيفهم فى المنصورة قليل

[ashourashour]

يعنى انزل الزيت كله واحط زيت من اول وجديد واحط 1.6 لتر بس ولا ايه علشان مفيش حاجه تبوظ
اصل الى بيفهم فى المنصورة قليل

دلوقتي الونه كانت من الفتيس !!!! يعني الفتيس مكنش فيه زيت ؟ الكرونه كدا ممكن تكون لسعت خلاص ؟

الصوت راح بعد مزود زيت ولا قبل ؟

في تسريب زيت ؟ الصوت ظهر امتى ؟ ولا مشتريها كدا


لو الفتيس سليم وابن ناس .. روح التوكيل غير زيت فتيس

[dr_medoo]

الونه من زمان بس لما رحت للميكانيكى قالى السرة الشمال وغير السرة
وبعدين قال القتيس عاوز زيت وراح مزود 1.75 لتر الونه قالت شويه بس حسيت ان الفتيس صوت نقلته مش عجبانى
وبعدين فى تسريب زيت تحت العربيه على المصفحه

[Abdo Taha]

روح اعملها في التوكيل يا باشا محدش بره بيعرف يظبطها خالص نزل الزيت ده و خليهم يحطو زيت تاني من اول 1.6 لتر فقط

[dr_medoo]

طب يا باشمهندس احمد
اعرف من فين ان الونه من الفتيس والكرونه
او من السرة والبلى علشان اعرف اتصرف علشان الميكانيكى مش عرف يدلنى هو قال السرة بس العربيه مش عجبانى
وبعدين فى واحد قالى ان فيه طبه فايظ جنب مخرج الكوبلن الشمال افتحها تنزل الزيت الزياده وبعدين اقفلها تانى كانوا عملوا له كده فى التوكيل الكلام ده اعمله ولا ايه