الدوران بـيأخــر

[ADM]

الســادة الافاضل
اتمنى اجد عندكم رد على الموضوع الاتى:
انا عربيتى فيكترا 2000 سىسى 1995 130000 km
العربية بتأخر فى الدوران على غير العادة بقالها شهرين
الاول كانت الموضوع دة فى الصبح بـس - او لو سيبتها اكتر من 5 ساعات لما تبرد خالص
اليومين دول لو سيبتها حتى ساعتين بتأخر عن العادى و ممكن تطول
هى كانت الاول بتدور من اول تكة حتى فى الشــتاء الصبح اما الان فا ممكن تفضل تحاول مع المرش لمدة عشر دقائق متواصلة لحد ما تلقط
الا لو شعرت الدوران مرة و بعد كدة حاولت تانى تروح دايرة طوالى كاعادتها القديمة
فى التوكيل قالو لى غير الطلمبة بتاعة البنزين فا روحت كشف عليها برة لكنها طلعت تمام و ضغطها جامد و هى سليمة اكيد لدرجة انى ماعرفتش اقفل بيدى على البنزين الى طالع من الخرطوم عند التجربة
فى واحد كهربائى قالى كهربائى ان أحتمال تكون الرشاشات تعبت و عاوزة تتغير - قومت جربت حطيت رشاشات بس مش اوبل و كانت نفس المشكلة
لو عندى تصور او تفسير اكون شاكر
ADM

[ENG\AHMED]

صوت المارش عادى ولا تقيل؟؟

[Ahmad Allawy]

انا كنت هاقولك طلمبة البنزين برضه..
طيب صوتها عامل ازاي لما بتدور تكة المفتاح قبل ما تدور..
المفروض لما بتدور.. اول تكة و تسيبها كده ثانيتين.. بليكون في خلال الثانيتين دول صوت زنة كده مسموع.. ده صوت الطلمبة و هي بتحضر بنزين..
لو الصوت ده مش طبيعي او عالي او كده.. و ممكن يكون عيب الطلمبة برضه حتي لو ضخها جامد.. بس مش كفاية للموتور..

[danash]

هو ممكن يا جماعة تكون البطارية أو فلتر البنزين ولا إية رأيكو:k37::k37:

[Ahmad Allawy]

وارد جدا البطارية.. بس بيكون ليها اعراض تانية.. وحتي لو البطارية ميته او شبه ميته.. بتقوم الطلمبة شوية.. .. مش بيتهيألي بطارية..
ولو الفلتر.. كانت هتغيب كل مرة.. مش اول مرة وبس..

[ADM]

شكرا يا جماعة على الاهتمام
المارش صوتة عادى هو المارش الى انا عارفة بالسرعة الى انا عارفها - البطارية جديدة و نوعها كويس جدا - فلتر البنزين بغيرة كل 5000 - فلتر الهواء كل 10000 -
نرجع تانى للاحتمالين الاولين الطلمبة و الرشاشات - لكن ؟؟ فى حاجة غريبة شوية عاوز انبة او الفت النظر ليها ؟ انا لمابحضر فرامل قبل المرش و بدوس عليها و انا بدور بتكون الحالة احسن او اسرع - لكن ما جربتش قبل كدة ادوس بدال البنزين وانا بدور - حسب ما قرأت فى كتيب العربية انة مش مفروض او مش صح
و شكرا

[ADM]

على فكرة نسيت اقول حاجة - انا فى مقار لما كشفو عليها و انا بعمل صيانة ال5000 الاخيرة
قالو لى لما قولت لهم على الموضوع دة و اتكلمت مع المستقبل هناك و شرحت لة الموضوع و الاحتمالات - طلع بعد كدة بيقولى ان الطلمبة ضعيفة و عاوزة تتغير و بالتغير تكلف (حوالى 1000)
طبعا ما اهتمتش لانى انا الى شرح العيب و و ضع احتمالات
انا بس حابيت اوضح حاجة يمكن تساعد - وشكرا

[M.Mokhtar]

انا كانت بتحصلى المشكله دى وراحت تماما بعد تغير البطاريه
مع ان البطاريه كانت بتقوم بالعربيه كويس
بس لما جبت بطاريه جديده بقت بتلقط من اول تكه

على فكره الاوبل بيحتاج امبير عالى عشان كده لو البطاريه بتاعتك بدات تتعب هتلاقيها بتشتغل عادى بس مش بتقوم العربيه من اول مره

[ADM]

البطارية 70 امبير فارتا المانى و راكبة من شهر 3 الماضى و لما بقيسها عندى فى البيت بالافوميتر بتدى 12 فولت
شكرا على الرد

[ADM]

برضة نسيت اقول حاجة - معلش
لسادة الافاضل مجموعة اوبل البطارية لما بتضعف و بتكون و صلت لدرجة انك لازم تغيرها العربية بتدى انذار عن طريق لمبة الكمبيوترالى بتفضل مولعة بعد الدورن لفترة تطول على حسب حالة البطارية
علشان الكهربا الى داخلة للكمبيوتر بتكون ضعيفة
انا و اجهت الموضوع دة قبل ما اغير البطارية و كان حايجننى
حتى انى سئلت مهندسين فى مقار و جينرال موتورز و الكل و الحمد الله افتى على حسب الموود ساعة السؤال
و طبعا انا لما كنت اول مرة اواجة الموضوع دة مخطرش على بالى البطارية و لما ماتت منى بعد شهر او يذيد تقريبا و كنت بالصدفة و الحمد لله واقف عند بتاع بطاريات بسئل على الانواع والاسعار مقامتش بعدها - كتر خيرها عملت الى عليها وو صلتى لحد هنا
و لما ركبت الجديدة اختفى الموضوع دة نهائى -
شكرا

[shankosi]

جرب تغير الموبينة

[ENG\AHMED]

شكرا يا جماعة على الاهتمام
المارش صوتة عادى هو المارش الى انا عارفة بالسرعة الى انا عارفها - البطارية جديدة و نوعها كويس جدا - فلتر البنزين بغيرة كل 5000 - فلتر الهواء كل 10000 -
نرجع تانى للاحتمالين الاولين الطلمبة و الرشاشات - لكن ؟؟ فى حاجة غريبة شوية عاوز انبة او الفت النظر ليها ؟ انا لمابحضر فرامل قبل المرش و بدوس عليها و انا بدور بتكون الحالة احسن او اسرع - لكن ما جربتش قبل كدة ادوس بدال البنزين وانا بدور - حسب ما قرأت فى كتيب العربية انة مش مفروض او مش صح
و شكرا

اية علاقة الفرامل بالتدوير !!
لو الرشاشات فيها مشكلة هتبان فى استهلاك البنزين ودى سهل تعرفها بالكمبيوتر
اية اخبار البوجيهات؟

[ADM]

االبوجيهات جديدة
و علاقة الفرامل بالتدوير ان الاتنين بيخدو الهواء من مكان واحد من المنيفولد
على العموم شكرا للسادة الافاضل الى اهتمو بالموضوع انا عرفت السبب تقريبا و بعد زيارة للتوكيل و الكلام مع اكتر من واحد و التفكير فى كل الاحداث اللى بتحدث فى العربية
فى الغالب و مفيش غير الماف
السادة الافاضل فى مقار لما بعمل صيانة كل 5000 بينضفو الماف الى هو حساس الهواء واكيد اللعب فية بيبوظ الدنيا
اخر مرة لما عملت السيرفيس الى فات كانت السيارة ادئها مش العادى و لما رجعت لهم مرة تانية و تالتة ظبطو زى مانا عاوز بس على ما يبدو انة مبقاش زى الاول
لسببين 1- ان ابوجيهات بعد ما كانت بتطلع زى الفل و نظيفة حتى و لو بعد 30000 كلم - اصبحت من اول دوران تطلع هباب دة معناة ان الحرق مش مضبوط
2- العربية كانت بتعرق او تجيب مياة العادى طول عمرها لانالحرق مظبوط بالشعرة الان اصبحت مش بتعمل كدة
يبقى المشكلة كلها فى الماف
وبقى امامى انى لو مش قادر استحمل التأخير فى الدوران انى اغير الماف
المشكلة انة عندهم تمنة 4000 ج ولو جبتة استيراد ما تضمنشيطلع عامل ازى

شكرا لكم جميعا

أخبار المقابلة بتاعتنا اية ؟

[ENG\AHMED]

االبوجيهات جديدة
و علاقة الفرامل بالتدوير ان الاتنين بيخدو الهواء من مكان واحد من المنيفولد
على العموم شكرا للسادة الافاضل الى اهتمو بالموضوع انا عرفت السبب تقريبا و بعد زيارة للتوكيل و الكلام مع اكتر من واحد و التفكير فى كل الاحداث اللى بتحدث فى العربية
فى الغالب و مفيش غير الماف
السادة الافاضل فى مقار لما بعمل صيانة كل 5000 بينضفو الماف الى هو حساس الهواء واكيد اللعب فية بيبوظ الدنيا
اخر مرة لما عملت السيرفيس الى فات كانت السيارة ادئها مش العادى و لما رجعت لهم مرة تانية و تالتة ظبطو زى مانا عاوز بس على ما يبدو انة مبقاش زى الاول
لسببين 1- ان ابوجيهات بعد ما كانت بتطلع زى الفل و نظيفة حتى و لو بعد 30000 كلم - اصبحت من اول دوران تطلع هباب دة معناة ان الحرق مش مضبوط
2- العربية كانت بتعرق او تجيب مياة العادى طول عمرها لانالحرق مظبوط بالشعرة الان اصبحت مش بتعمل كدة
يبقى المشكلة كلها فى الماف
وبقى امامى انى لو مش قادر استحمل التأخير فى الدوران انى اغير الماف
المشكلة انة عندهم تمنة 4000 ج ولو جبتة استيراد ما تضمنشيطلع عامل ازى

شكرا لكم جميعا

أخبار المقابلة بتاعتنا اية ؟

السيرفو فكرتة انة ديافرام بياخد ضغط من المانيفولد مش بيسحب هوا يعنى هو مجرد ضغط بيحركة

الماف بيحس بكمية الهوا علشان يظبط نسبة الخليط A/F ratio ومعنى ان البوجيهات مهببة ان فى بنزين زيادة بيتحرق وتنضيفة مش هو اللى بيبوظة الكلام دة لو واحد لعب فية او عمل فية حاجة
فى حاجة انا شاكك فيها الرشاشات
الموضوع محتاج كشف كويس الاول علشان متغيرش على الفاضى

[dodo8499]

حصل عندي الحوار ده في الكورسا وظبط لوحده