اية العلاقة بين الفرامل والفتيس فى اوبل اوتو؟

[mrastra]

لو تكرمتو عاوز اعرف الموضوع دة
لان زميلى معاة اويل اوتو موديل 96 المكنة السودة طبعا
ولما بيقف فى اشارة مثلا وحاطط الـ d العربية تحس انها معشقة الفتيس وعاوزة تمشى بس الفرامل موقفاها
عكس عربيتى لما بيحصل كدة العربية واقفة هادية
انا بفكر فى تغيير مكنة الاستوب اية رايكم

[almghol]

اما قواعد المتور سليمه او عربيتك فتيسها CDx

[mrastra]

للرفع
=========

[amr elsisi]

انا مش فاهم وضح شوية
يعني اية تغير مكنة استوب
انت قصدك وهوا دايس الفرامل العربية بترجج علي خفيف مش كدة

[ayman hamdy]

اللى عند زميلك طبيعى لو الا RPM بتاع السلانسيه عالى لان العربية لما بتكون على ال d بتكون فعلا واخدة غيار ولازم تتحرك للامام ببطئ لو مش دايس فرامل ولو واقف فى اشارة وهو على ال d لازما حتما تكون دايس فرامل والا العربية لازم تتحرك للامام لانها فعلا واخدة غيار
اما فى عربيتك اكيد الا RPM منخفض على السلانسيه علشان كدة من تقل العربية مبتقدرش تتحرك الحركة البطيئة دى وانت واقف فى اشارة وعلى ال d فمش لازم تدوس فرامل هى كدة كدة مش هتتقدر تتحرك
الخلاصة الوضع طبيعى فى الحالتين عندك وعند زميلك ومفيش داعى لتغيير سويتش الاستوب لانه ملهوش اي علاقة بالفتيس غير انه متصل بالفتيس لاضائة الاضواء الخلفية عند دوستك للفرامل غير كدة ملهوش اى علاقة بحركة العربية
اعتقد هو دة اللى تقصده واتمنى ان اكون قد افدتك
تحياتى

[samo9992003]

اكيد انت عربيتك حديثه شوية او نوع مختلف كده عربيته طبيعيه جدا

[ahmedkasem]

الطبيعي في اي عربية اتوماتيك انك لما تشيل رجلك من الفرامل والعربية واخدة غيار انها تتحرك من غير ما تزود بنزين

لكن العكس هو اللي مش طبيعي عشان كده يبقى السلانسيه مش مظبوط وعايز يعلى شوية
وكده كده لو ال rpm على 1 مثلا والعربية مش واخدة غيار .. اول ما بتدي العربية غيار بتلاقي ال rpm نزل تحت الواحد بدرجتين او تلاتة يعني بتلاقيه على 0.7 او 0.8
انما لو السلانسيه واطي اصلا يعني على 0.5 واول ما تدي الغيار ينزل 0.3 مثلا فطبعا العربية مش هتتحرك وهتلاقي اصلا المكنة بتترج وتحس انها عايزة تبطل

طبعا ارقام ال rpm دي على سبيل المثال لان كل عربية وليها ظبطة سلانسيه وظبطة rpm بتختلف عن التانية
يعني انا عندي في الفيكترا 95 ظبطة السلانسيه على p او n بتكون على 0.8
وعلى ال d بتكون 0.5

[احمد فهمى]

قواعد متور وفتيس محتاجه تغيير ده عيب شائع مع الاستهلاك

[mrastra]

انا مش فاهم وضح شوية
يعني اية تغير مكنة استوب
انت قصدك وهوا دايس الفرامل العربية بترجج علي خفيف مش كدة

تمام يا باش معندس عمرو هو دة اللى اقصدة
بشكر جميع الاخوة اللى شاركو فى الرد على الموضوع
وانا عندى احساس ان فى سوتش متصل مع دواسة الفرامل هو اللى بيفصل الفتيس فى حالة الـ d + فرامل
عشان كدة توقعت ان مكنة الاستوب ليها رجول تانية غير اللى بتوصل لمبات الرجوع للخلف

[amr elsisi]

ابدأ الامل بتغيير بلية شداد الدينمو بالسوستة ب 450 ج
وبعدين شداد موتور علوي 130 ج
وبعدين قاعدتين موتور وواحدة فتيس 1000 ج
بس حقول لك علي حاجة
شيل سير الدينمو من علي الطنبورة
ماشي وبعدين دور العربية
وخلية يعشق d ويدوس فرامل
لو الرعشة راحت يبئي حلينا المشكلة بتغيير البلية بالسستة

[jos116eph]

مساء الخير عليكوا يا جماعة بعد اذن الاخوة الافاضل انا ليا تعليق صغير على موضوع ربط الفتيس بالا فرامل
1-الفيكترا البى اوتو الفتيس بتاعها كهربة يعنى مربوط بسويتش البدال علشان فى حالة لما تكون معشق الdوواقف فى اشارة مثلا الفتيس بيفصل التعشيق طول ما انت دايس فرامل ولوعايز تجرب الموضوع دة جرب تمشى براحة وحط رجلك على الفرامل براحة هتلاقى الفتيس فصل الحركة
2- عوز تتاكد اكتر شيل فيوز لمض الفرامل ودور العربية وعشق الd هتلاقى لمبة الفتيس نورت والعربية فى طلعتها بطة بلدى و كان السيلكتور بايظ تهبد فى ال r
3- انا مش بقول الكلام دا من دماغى دا عن تجربة فى عربيتى لما حصلت قفلة فى الفيوز بتاع لمض الفرامل الفتيس هيس على الاخر ولما غيرت الفيوز رجع كل شئ عادى وكان كل ما الفيوز يضرب يهيس معاة الفتيس لغاية معرفت ان الفتيس والفرامل مربوطين ببعط يعنى ممكن لو حد مش واخد بالة من الموضوع دة ان فيوز الفرامل ضارب والفتيس هيس اول حاجة يراجع عليها هى فيوز الفرمل