lمساعدة ضرورى

[mezo_88]

انا ان شاء الله مقدم على شراء اوبل كورسا موديل من 95 ل 2000 لأنها هتبقى فى حدود امكانياتى
كنت عايز اجابات على شوية حاجات:
1- التقييم العام للعربية؟
2- استهلاك البنزين يعنى التانك يمشيها كام كيلو؟
3- اخبار العفشة ايه؟
4- قطع الغيار اسعارها و متوفرة ولا لأ؟
5- عيوب العربية؟
6- لو شوفت عربية ايه اهم حاجة اكشف عليها؟ و اكشف عليها عند مين؟
7- لو حد قداموا واحدة نضيفة و مش محتاجة مصاريف ياريت يساعدنى
و جزيل الشكر لكم جميعا

[احمد فهمى]

انا ان شاء الله مقدم على شراء اوبل كورسا موديل من 95 ل 2000 لأنها هتبقى فى حدود امكانياتى
كنت عايز اجابات على شوية حاجات:
1- التقييم العام للعربية؟
2- استهلاك البنزين يعنى التانك يمشيها كام كيلو؟
3- اخبار العفشة ايه؟
4- قطع الغيار اسعارها و متوفرة ولا لأ؟
5- عيوب العربية؟
6- لو شوفت عربية ايه اهم حاجة اكشف عليها؟ و اكشف عليها عند مين؟
7- لو حد قداموا واحدة نضيفة و مش محتاجة مصاريف ياريت يساعدنى
و جزيل الشكر لكم جميعا

1 زى كل الالمانى صناعه متقنه
2 بتعمل 200 كيلو فى الصفيحه
3 عفشه ممتازه وانعم من عفشة الموديل اللى بعدها
4 اسعارها منطقيه ومتوفره جديد واستيراد ومن عدة دول
5 العيوب صعب تلاقى حاله كويسه ﻷنها هتكون مستهلكه ومش هتعرف تعتمد عليها
6 تكشف عند حد بتاع الماني ويفضل اوبل وتشوف فى تسريب زيوت عند المحرك وتحت العربيه
7 ربنا يوفقك

[Shido]

نصيحه كمان ماحدش يقولك مش محتاجه جنيه و تصدقه. هات اقل سعر تقدر توصله وغير انت علي مزاجك عشان هتلاقي اللي بيبيع مغير كل حاجه استيراد وبعد كام شهر تحتاج تغير كل حاجه تاني.
قطع الغيار متوفره جدا مافيش مسمار مش موجود جديد واستيراد
اخر حاجه تاخد بالك منها: موتور ال 1200 الواحد كامه وال 1000 ايكوتك حاجتهم موجوده جديد
ال 1000 حاجه الموتور غاليه وموجوده بس موتور ممتاز واعتقد فيه حاجات مشتركه بينه وبين 1200 بتاع الاسترا واغلب الناس مش بيصلحوه وبيسقطوا مكنه 1400
ال 1200 الناس بتفضله اكتر عشان سهوله تصليحه ورخص قطع غياره
ويبقي الفيصل حاله السياره عموما وسعرها. وربنا يوفقك

[mezo_88]

بشكركوا جدا طيب لو حالة نضيفة تعمل كام و تستحمل كل يوم مشوار 100 بس مش فى الزحمة من الشروق للتجمع ؟؟؟
و استهلاك البنزين على السريع كام
و ممكن مواصفات الموتور ال 1200؟؟؟