مشكلة فى دورة البنزين

[meika]

من حوالى اسبوع كل مرة اجى ادور العربية تاخد وقت اكن مفيش بنزين فى المواسير وبعد حوالى مرتين او تلاتة تدوور من غير مشاكل
ولمة ابطل العربية واجى ادور تانى بعد حوالى عشر دقائق نفس النظام
المشكلة فى اى البنزين بيرجع تانى من المواسير اى السبب

[meika]

هو مفيش حد بيرد لية عايز اقتراح او حل

[meika]

ممكن يكون بلف عدم رجوع البنزين
طب لو هو مكانة فين وبكام

[meika]

ممكن كمان اسال منتدى تانى مش شرط نايل موتورز صح ولا اى

[اشرف الحاوى]

التاخر فى الدوارة لية اكتر من سبب اولا ممكن طلمبة بنزين وممكن بوجهات او اسبرتير او موبينة (كهرباء)

[danash]

شوف الفلتر

[midozx]

اغسيل البوجيهات
ايه نظام فلتر البنزين ؟
وانتا اول ما بتجى تدور بتسمع صوت تحضير الطرمبه ولالا

[meika]

التاخر فى الدوارة لية اكتر من سبب اولا ممكن طلمبة بنزين وممكن بوجهات او اسبرتير او موبينة (كهرباء)

اولا شكرا على الرد
ثانيا بوجيهات غيرتها اسبرتير سليم موبينة ساليمة كل الحاجة الخاصة بلكهرباء سليمة لانها بديتدى شرارة لاسلاك البوجيهات
ام بلنسبة الى الطلمبة انا بسمع صوت الطحضير بتاع الطلمبة

[meika]

شوف الفلتر

الفلتر متغير من شهر

[meika]

اغسيل البوجيهات
ايه نظام فلتر البنزين ؟
وانتا اول ما بتجى تدور بتسمع صوت تحضير الطرمبه ولالا

فلتر متغير
وبوجيهات متغيرة
وصوت الطلمبة بسمعة بتحضر
اى السبب

[فادى محمد]

بلف الراجع ياباشا..
بيبقي في غطاء طرمبه البنزين الصاج المدور ده..ده بيحافظ علي ضغط البنزين بعد ماتطفيء الموتور علشان تدور بسرعه لو دورتها تاني..مسدود سلكه -بايظ غيره

[Abo_Mazen]

نفس المشكله اللي كانت عندي ..كأنك بتتكلم عني بالضبط ..قعدت سنة مش عارف إيه السبب ..وكنت متضايق قوي ..واللي يغيظ إن الموضوع كان بيتطور ..يعني في الأول كانت تدور من أول مرة بس تطول شوية ..بعد كده وصلت إنها ممكن ما تدروش ولا من خمس مرات ..بعد كده وصلت إنها تدور بعد خمس مرات وتطول جدا برضه في المره اللي هتدور فيها ..في خلال السنة دي بقى ..غيرت فلتر بنزين ..غيرت فلتر هوا ..نظفت رشاشات ..نضفت بوابه ..غيرت بوجيهات ..ومكانش جاي في بالي خالص موضوع إنها تطلع موبينه ..لإني كل ما أروح لكهربائي يقوم عامل الإختبار العظيم بتاع أي كهربائي .وهو إنه يقرب السلك اللي طالع من الموبينه ورايح على الإسبراتير يقربه لجسم العربيه ..تدي شرز ..يقولي الموبينه سليمه ..ده حتى في كهربائي قالي دي عربيه حقن إلكتروني ..أي هيس في الموبينه هيلخبط العربيه كلها ..وأنا أدور على العيب وأغير في حاجات ..لغاية ما جه ميكانيكي ربنا يكرمه كان بيعملي وش سلندر في العربيه وبعد ما قفل بيدور قامت عاملاها معاه ..إن هي غابت في الدواره ..قام عامل تجربه السلك اللي طالع من الموبينه رايح على الإسبراتير ..وبعدين قالي الموبينه دي وحشه غيرها ..المهم قام عاملي كوبري كده في الموبينه ..إشتغلت كام يوم كويسه وبعد كده قامت قاطعه خالص ..كنت أبقى ماشي ألاقي العربيه قطعت كهربا..غيرت الموبينه ..العربيه الله أكبر زي الفل ..

[meika]

بس انا الدنيا عندى سليمة
اللى مخلينى متاكد من ان المشكلة فى بلف الراجع ان لمة ابطل العربية بسمع صوت البنزين بينزل فى التنك تانى عبارة عن بقلالة
انا هفك الطلمبة وانظفهة واجرب

[meika]

المشكلة عندى اتحلت والحمد لله
فكيت الطلمبة حتة حتة ونظفتها
فكيت بلف عدم الراجع ونظفتة
فكيت الرشاشات ونظفتة
نظفت الفيشة اللى ورة غطاء الزيت ( قالى علية طناطنى )
وبسسسسسسسسسسسسس
المهم الدنيا ظبطيط معاية من اول تكة