تقسيمة سير الكاتينة ؟

[Aquila]

عايز افهم يعنى ايه تقسيمه سير الكاتينه ومعناه ايه انه مقدم سنه ومأخر سنه
واعرف ازاى انه مقدم ومأخر فى ماتور 2000 سي سي اتنين كامه

[اكرم عوض حسن]

متابع

[demonarundo]

سير الكاتينة هو اللى بيربط ما بين دوران الموتور , والعامود اللى مسئول عن فتح وقفل الصمامات بتاعت دخول الهوا وخروج العادم
فا المفروض يكون مظبوت ان لما اسطوانة المحرك تكون فى وضع معين البلف الفلانى يفتح او يقفل

فلما بتكون مأخرة او مقدمة البلف بيفتح قبل او بعد اوانه , فده بيعمل مشاكل فى المحرك سواء بيضيع العزم او بيبقى مبرجل

تعرف ازاى , انت مش حتعرف , بيكون فى علامة الفنى بيعرف الظبطة بتاعته إذا كان مظروط ولا لأ

[meika]

وهو بيظبط بيحط مفك داخل مكان واحد من البوجيهات ولما يوصل لغايت الاخر بيركب السير
ودة بيكون الظبط الصح

[geniusman1]

طيب ده ممكن ياثر على استهلاك البمزين للعربيه

[zillo]

ادي تقسيمة فيكترا B كل اللي تعمله تلف المكنة بالسير القديم لحد علامات الصوره تطابق ,ترخي الشداد شيل القديم وحط الجديد وخلي كل بوش السير ناحيه الشداد ,شد السير ,لف الكرنك لفتين وطابق الزنب ,وممكن تدي مرش وتدور زيادة تاكيد,ركب وش التقسيمة وقفل
ولا تشيل بوجيه ولا تحط مفك ,الطريقه دي تقريبيه كانت بتتعمل زمان لعدم وجود علامات

[samehlila]

Timing Belt

سير الكاتينة او Timing Belt او سير ضبط التوقيت
في غالبية السيارات يكون مصنوع من المطاط المقوي بشرائح داخليه من الخيوط او النيلون و به سنون تعشق علي التروس
و في سيارات اخري يكون علي شكل جنزير كالتويوتا و اللادا
فائدتة
موتور السيارة مكون من جزئين سفلي يحتوي علي البساتم و علوي علي الكامات و الصبابات
و سير الكاتينة فائدتة الربط بين الجزئين في توقيت محدد
و يتم ضبط سير الكاتينة اما بطريقة قديمة و هي تحديد اعلي نقطه ميتة للبستم TDC top dead center
عن طريق وضع مفك مكان بوجيه رقم واحد و ادارة الموتور ببطء حتي الوصول الي اعلي نقطه يبلغها البستم
و فيها تكون الصبابات محررة اي تكون مغلقه و لا يوجد ضغط عليها من عامود الكامه
و بطريقه اخري عن طريق علامات تحددها الشركة المصنه للسيارة علي عامود الكامات و عامود الكرنك و مطابقتها مع علامات ثابتة علي جسم الماكينة كاسهم تشير ناحية اسهم علي التروس
و في سيارات اخري كالرينو و الاسبيرانزا التيجو يتم ضبط عمدان الكامه عن طريق زرجينة توضع في الماتور من الخلف عكس تروس الكامة تحدد افضل ضبط

الي ما يودي عدم ضبط سي الكاتينة
1 اختلاف توقيت الاشعال - تقديم او تأخير ( تسقيف او تأخير )
2 - حدوث الاحتراق خارج الغرفه في حالة فتح صبابات العادم ابكر من المعتاد و يؤدي الي احمرار فرن العادم و ضعف في السحب
3 - حدوث الاحتراق خارج غرفة الحريق في حالة فتح صبابات التغذية ابكر من المعتاد و يؤدي الي حدوث فرقعه بالمانيفولد او ما يسمي باك فاير
4 - رجرجه بالموتور و ضعف السحب و تبطيل علي السلانسية و استهلاك عالي للبنزين و ارتفاع الحرارة بدون سبب واضح
5 - اعوجاج في الصبابات نتيجه للاحتكاك برأس البستم و اصوات نقر مستمرة

و اي خدمة
م - سامح ليله