طلمبه الزيت!!

[sword00]

السلام عليكم عندى مشكله ومحتاج اتناقش مع الزملاء الكرام
معايا فيكترا 1997 2000 سىى سى اتوماتك ماشى فى امان الله والجو كان بيمطر وباليل وطراخ اكل مطب محترم لقيت كل لمبات التابلوه نورت والعربيه صوتها اتغير ودقيقه طفت دورى تانى حلفت ما تدوور
المهم جيب واحد جرنى للبيت وتانى يوم قولت اشوف فيها ايه
البطاريه نايمه شحنتها
فى فيشه حساس مفصوله عملتها
وبدور مش بتدور فضلت اجرب شويه ومش بتدور
وفجاه صوت المرش كانه عليه حمل وراح من عليه سير الكاتينه اتقطع
مش مشكله الماتور كامه واحده وده مش هياثر على الصبابات بس اتقطع ليه؟
عمود الكامه قفش مش بيتحرك من مكانه فكيته
ورحتت للخراط عشان يفكه فعمله و قالى اشترى ماتور جديد يا ابنى المكنه دى خلاص باظت لان مادام عمود الكامه قفش يبقى مفيش زيت بيوصل له والمطب اللى انت اخدته بوظ طرمبه الزيت
طرمبه الزيت ؟؟
هل المطب ممكن يبوظ الطرمبه؟
طب لو باظت هتتصلح ؟
التكلفه هتكون كام؟
طب تاثير مشكلتها على الماتور ايه ؟
محتاج مشوره من الزملاء الافاضل

[Hesham.H]

على حسب كلامك كده الموتور قفش .. والسبب هو عدم وجود زيت .. المطب بقى اللى بوظ طرمبه الزيت أو عمر افتراضى او اى سبب تانى الله اعلم
بس خلى بالك طالما الكامه قفشت يبقى اكيد حصل تآكل فى البساتم كمان
لو عاوز تصلح عادى ... بس هتاخد شغل كتير وعاوزه صنايعى يشتغلها وهاتصرف ... وبرضو الموتور الجديد مش ببلاش وبفلوس كتير
اعمل مقايسه وشوف انهو أوفر وربنا معاك

[اشرف الحاوى]

هو اكيد فى حاجة غير المطب بس المطب ظهرها عموما انتا محتاج طلمبة زيت وهى 550 جنية ج م كورى وعلى فكرة قفش الكامة عادى لما الطلمبة تفصل . فى ميكانيكية بيحضرو للطرمبة زيت بعد تغيرها عشان الكامة متقفش لو عايز تحل الماكنة وتكشف هقولك اسعار تقريبية طقم سبيكة 250 طقم بستم 1500 واكيد هتشتغل فى وش السلندر طقم دليل وصببات 500 دة غير الجونات والسيور والزيت والمصنعية بس كدة انتا عارف الماكنة حالتها اية الاستيراد انتى وبختك وربنا معاك

[amr elsisi]

توكل علي الله
مكنه استيراد بالفتيس

[sword00]

الموتور مش قافش يا جماعه عمود الكرنك بيتحرك ومفيش فيه مشكله اللى قفش عمود الكامه
وعملته فى المخرطه
فتحت الوش والبساتم كويسه والشميز مفيس تسليخ ولا حاجه
ومفيش اى حاجه فيها والمكنه مفيش فيها ترزيع وهشيك على السبايك النهارده

فكيت طرمبه الزيت ولقيت ان فى تسريب فيها من جوان فى النصف مكان ما هيا بتركب على عمود الكرنك السوال
هل الطرمبه ممكن تتصلح او الاقى طقم اصلاح ليها
ولا اشترى طرمبه جديده ؟ ومنين
ولو جديده جديد ولا استراد ؟
وللواستيراد سالت على الاستيراد قالوا لى ان سعرها 500 جنيه فى بنها هل ده سعرها ولا فى مكان تانى ارخص

[هشام السيد]

طرمبة البنزين دي مستحيل تجيبها استيراد دي هي روح الموتور

[اشرف الحاوى]

G m كورى 550 جنية جديدة مفهاش تجارب دى

[احمد فهمى]

متور جديد ومتشغلش بالك بالأسباب ﻷنها كتير والمطب ممكن يكون سبب لو عندك الكرنك كان على وشك اوعي تصلح اشترى متور استيراد

[sunsonson]

هو اكيد فى حاجة غير المطب بس المطب ظهرها عموما انتا محتاج طلمبة زيت وهى 550 جنية ج م كورى وعلى فكرة قفش الكامة عادى لما الطلمبة تفصل . فى ميكانيكية بيحضرو للطرمبة زيت بعد تغيرها عشان الكامة متقفش لو عايز تحل الماكنة وتكشف هقولك اسعار تقريبية طقم سبيكة 250 طقم بستم 1500 واكيد هتشتغل فى وش السلندر طقم دليل وصببات 500 دة غير الجونات والسيور والزيت والمصنعية بس كدة انتا عارف الماكنة حالتها اية الاستيراد انتى وبختك وربنا معاك

باشا بعد اذنك ممكن تقولي مين الي بيبعها ولو تلفون ليه عشان دايخ عليه مش لاقي بتاعت ال ٢٠٠٠ .

[sword00]

الحرفيين
جديده 450 جنيه
استيراد ب 250 ومحلوله من على مكنه استيراد مش خلع من واحد اسمه السورى قبل العايدى على اليمين

[sunsonson]

الحرفيين
جديده 450 جنيه
استيراد ب 250 ومحلوله من على مكنه استيراد مش خلع من واحد اسمه السورى قبل العايدى على اليمين

تسلم يا باشا الله يكرمك .
معلش بس الجديده ديه صناعه ايه ؟؟ وياريت رقم السوري ده ؟؟
وفيه حاجه تانيه انتا عملتها قريب او حاجه اصلي مش بحب الاستراد وبخاف منه بس مشكله الجديد اني هعدل في القاعده بتاعتها ايه رايك اجيب انهي ؟؟

[sword00]

الجديده كانت مكتوب عليها حى ام والصناعه كورى حسب كلام البائع بس نصحونى بالاستيراد
انا جيبت الاستيراد و كان معاها ماسوره سحب الزيت ومعاها حساس الزيت يعنى على التركيب على طول لكن الجديده كنت هنقل عليها الحاجات دى

[sunsonson]

الجديده كانت مكتوب عليها حى ام والصناعه كورى حسب كلام البائع بس نصحونى بالاستيراد
انا جيبت الاستيراد و كان معاها ماسوره سحب الزيت ومعاها حساس الزيت يعنى على التركيب على طول لكن الجديده كنت هنقل عليها الحاجات دى

تمام طيب وجبت الاستراد من الحرفيين ؟؟؟
والعربيه كانت بتعمل معاك ايه الصبح في الدواره ؟؟