مطلوب علي وجه السرعة استرا هاتشباك 2007

[Mamoud salah H]

السلم عليكم رجالة الاوبل
من ساعة ما بعت الفيكترا بي بتاعتب من شهررين وانا متسوح ومش عارف اركب ايه ودخلت في دوامة اني اركب زيرو تقسيط وكانت هتبقي شارك الفئة الاولي متنفضة بدون اي وسائل امان تقريبا زكنت عاصر علي نفسي لمونة بس جت من عند ربنا والموضوع متمش وقررت ادور في المستعمل تاني وعجباني اوي وداخلة دماغي اوبل استرا هاتشباك 2007

هل العربية تستحملني كشاب ومشاوير كل يوم في الزحمة واخبار التكييف ايه في الصيف
الفتيس انا جربته ومعنديش منه مشاكل كاستخدام بس هل عملي ولا مش هيستحمل الزحمة في الصيف بالذات وبالنسبة لقطع الغيار معنديش فيها مشكلة ولا الصنايعي

معلش اسف طولت عليكم وبصراحةعامل الموضوع عشان اطلب رايكوا وكمان لو حد معاه عربية او قدامه حاجة نضيفة يقولي

مطلووب:::

اوبل استرا 2007:2008 يفضل اعلي فئة بصمة
مهم جدا حالة العربية من عفشة وموتور وصالون ويفضل عداد معقول مش اكتر من 120 الف
مش هتفرق اوي تكون راشة برة اولا
اهم نقطة::
عايز العربية من صاحبها مباشرة من غير توكيلات

واتمني السعر يكون معقول

[sherif moneer]

طب ما تجيب فيكترا سي مانيوال

[Mamoud salah H]

مانيواااال دة مستحييل بالنسباالي اساسا سبب التغيير من عربيتي القديمة انها كانت مانيوال

[osamaos20022]

01282288242
اسمه د.رامي كان معاه واحده فقط 2008 بس معرفش بعاها ولا لا
قوله واخد الرقم من د.اسامه زغلول

[مُصْطٓفٓى]

شوف العربية ده في اسكندرية

https://egypt.dubizzle.com/ar/alexandria/cars/opel/listing/7-listings-104c14fb72cd5f17a1eebdc8beea0628/show/?back=L2FyL2FsZXhhbmRyaWEvc2VhcmNoLz9rZXl3b3Jkcz0lRDglQTclRDglQjMlRDglQUElRDglQjElRDglQTcmaXNfc2VhcmNoPVRydWUmcGFnZT0x

بس خد بالك انها موجودة في صالة
احتمالية ان العداد ملعوب فيه واردة وده طبعا ملهاش علاقة بان العربية موجودة في صالة او لا
ولكن عشان عدادها قليل وعشان خد لازم تقارن حالة العربية بعدادها وخاصة حالة الصالون

[Abdo Taha]

انا معايا فيكترا سي و تعتير زي الاسترا العربية لو تكييفها مظبوط مش هيضايقك ابدا جميل جدا مش زي الياباني بس حلو جدا

الفتيس لو عجباك يبقى تمام بس اعمل حسابك ان كل 90 او 100 الف بتغير طقم دبرياج و هيبقى فلة معاك و لو اتعودت عليه مش هتواجه مشكلة في الزحمة ان شاء الله

المهم ان العربية اللي تجبها تكون مظبوطة ميكانيكا و عفشة و كهربا و دورة تبريد محرك و دي تحط تحتيها 100 خط

و ياريت تكشف عليها في التوكيل او عند حد متخصص العربيات دي مش بيتبص عليها في بنزينات

و ربنا يوفقك و تلاقي حاجة كويسة

[Mamoud salah H]

شكرا يا رجالة وجاري البحث

[a7mad_mo7amad6]

انا معايا استرا انجوي 2009 اعلى فئة
ماشية 110000 حالتها فوق الممتازه مش محتاجة جنيه غير لو هترشها..
احتمال كبير ابيعها كمان اسبوعين..
مستتي حوار سفر لو مشي هبيعها

[Mamoud salah H]

انا معايا استرا انجوي 2009 اعلى فئة
ماشية 110000 حالتها فوق الممتازه مش محتاجة جنيه غير لو هترشها..
احتمال كبير ابيعها كمان اسبوعين..
مستتي حوار سفر لو مشي هبيعها

ممكن تعرفني السع المبدئي كام لان غالبا 2009 اعلي من المبلغ المتااح فعرفني عشان لو قريب مني انتظر حضرتك

[احمد فهمى]

لو احمد مش هيبيع الاسترا بتعتو منصحكش تدور ﻷنك مش هتلاقى حاجه مضمونه ونصيحه اخويه اشترى ماذدا 3 موديل 2008 اوتوماتيك ومش هتندم والله وهتفتكر كلامي

[Mamoud salah H]

لو احمد مش هيبيع الاسترا بتعتو منصحكش تدور ﻷنك مش هتلاقى حاجه مضمونه ونصيحه اخويه اشترى ماذدا 3 موديل 2008 اوتوماتيك ومش هتندم والله وهتفتكر كلامي

انا فعلا عملت موضوع في قسم الماذدا وبدور عليها بردو
وربنا ييسر الحال ةشكرا جدا عالنصيحة

[Migo123]

هو السعر الطبيعي للعربية 2007 - 2009 دي كام لاني بلاقي من اول السبعينات لغاية 100 الف .... مش قادر احددلها سعر

[Mamoud salah H]

من خلال البحث واللف في السوق والنت شايف ان 2007 حالة ممتاز تكون من 78:82 الف

[Migo123]

طيب لو 2009 ممتازة 30 الف كيلو

[Mamoud salah H]

طيب لو 2009 ممتازة 30 الف كيلو

توصل 90 الف مستريح خصوصا لو اعلي فئة بصمة