العربيه شكلها جابت كوبلن

[medosalah]

وانا ماشي باعربيه سعات بسمع طرقعه او خبطه من ناحيه العجله اليمين الاماميه خاصه لما اطلع علي مطب بسرعه شويه او ابقي ماشي بسرعه واهدي مره واحده .. هل ده كوبلن ولا ايه

ملحوظه .. ان كنت لبست مطب من حوالي شهرين والموضوع ظهر من اسبوع كده

[ayman hamdy]

ممكن تكون بطاحة المساعد اليمين عايزة تتغير حضرنك متاكد من مصدر الصوت انه من تحت عند العجلة اليمين؟ لان لو صوت الخبطة جاي من فوق تبقىى ممكن من البطاحة لو من تحت فى احتمالات لحاجات كتيييير

[medosalah]

ممكن تكون بطاحة المساعد اليمين عايزة تتغير حضرنك متاكد من مصدر الصوت انه من تحت عند العجلة اليمين؟ لان لو صوت الخبطة جاي من فوق تبقىى ممكن من البطاحة لو من تحت فى احتمالات لحاجات كتيييير

هو الصوت يا استاز ايمن جاي من ناحيه اليمين .. بس مش قادر ااكد مكانه تجديدا فين

بس علي العموم في نقطه كمان عايز اتكلم عنها

لما غيرت المساعدين الاتنين الامامي وكانوا استيراد العفشجي قالي ممكن برفع العربيه من قدام شويه وتقريبا ركب البطاحات بتاعه المساعد القديم تحت البطاحات بتاع المساعد الاستيراد فهل ممكن يكون المشكله.. وهل ده غلط

شكرا مقدما

[ayman hamdy]

اعتقد يا دكتور ان البطاحات لما تتحط فوق بعض اكيد ضغطوا بعض واكيد واحدة منهم انقطعت لما اخدت المطب وكدة فقدوا وظيفتهم الاساسية اللى هى امتصاص صدمات المطبات كدة احتمال كبير تكون من البطاحات الاثنين اللى فوف بعض دول
واكيد طبعا الجنب التانى ممكن يعمل الخبطة دى بس بعدين مش شرط يكون مع التانى فى نفس الوقت
عموما وضع بطاحتين فوق بعض غلط لانهم هيكبسوا اليايات وهيقصروا عمر المساعد
الاحسن وضع الفبريكة حفاظا على العفشة بجميع مشتملاتها
على فكرة الموضوع بعيد تماما عن الكوبلن لان اعراض عيب الكوبلن حاجة تانية غير الخبطة دى لو كوبلن يبقى يفضل يتكتك طول ما حضرتك ماشى بالعربية
تقبل تحياتى يا دكتور

[medosalah]

اعتقد يا دكتور ان البطاحات لما تتحط فوق بعض اكيد ضغطوا بعض واكيد واحدة منهم انقطعت لما اخدت المطب وكدة فقدوا وظيفتهم الاساسية اللى هى امتصاص صدمات المطبات كدة احتمال كبير تكون من البطاحات الاثنين اللى فوف بعض دول
واكيد طبعا الجنب التانى ممكن يعمل الخبطة دى بس بعدين مش شرط يكون مع التانى فى نفس الوقت
عموما وضع بطاحتين فوق بعض غلط لانهم هيكبسوا اليايات وهيقصروا عمر المساعد
الاحسن وضع الفبريكة حفاظا على العفشة بجميع مشتملاتها
على فكرة الموضوع بعيد تماما عن الكوبلن لان اعراض عيب الكوبلن حاجة تانية غير الخبطة دى لو كوبلن يبقى يفضل يتكتك طول ما حضرتك ماشى بالعربية
تقبل تحياتى يا دكتور

الف شكر ليك استاز ايمن.. تحياتي لحضرتك.. وكل سنه وحضرتك طيب

علي العموم هروح للعفشجي واحاول ارجع كل شيء لاصله

[اشرف الحاوى]

الكوبلن بيظهر عند تحريك العجل اقصى اليمين او اليسار اما الصوت هذا ممكن يكون بطاحة بيضة مقص قاعدة مانور حجات كثيرة مش كوبلن

[geniusman1]

ربنا يعينك

[medosalah]

الكوبلن بيظهر عند تحريك العجل اقصى اليمين او اليسار اما الصوت هذا ممكن يكون بطاحة بيضة مقص قاعدة مانور حجات كثيرة مش كوبلن

شكرا لحضرتك علي الرد

بس هو الصوت مش مستمر .. ده ممكن يظهر كل نص ساعه خاصه مع طلوع المطب

[Abo_Mazen]

بص ...هو الكوبلن ليه صوت طقه كده مميز ...يعني صوت كده لما تسمعه تقول ان ده كوبلن كوبلن يعني ..السؤال بقى ..هو الصوت اللي عندك صوت كوبلن