برجاء المساعدة :مشاكل ما بعد الصيانة واكواد بعد الاعطال الغير مفسرة

[مجمود فراج]

اول حاجة السلام عليكم وعشمي فيكوا اني الاقي الحل من اهل الخبرة هنا لان انا جيبت اخري مع الميكانيكي والكهربائي

تاني حاجة وهو اني كنت عملت صيانة العفشة وغيرت قاعدة موتور خلفية و اتكلمت عن ده في موضوع سابق من يومين

المهم بقى العربية اتشقلب كيانها اول ما استلمتها وبيحصل فيها الاتي :

اول ما تدور الار بي ام بيفضل يلعب طالع نازل ولو زودت بنزين وهو كده العربية بتبطل وصوت العربية بيعلى ويوطي وممكن بعد شوية الار بي ام يتظبط بس مع المشي بيرجع يلخبط تاني

العربية بتطلع دخنة سودة بطريقة غريبة

لو ماشي بسرعة وهديت العربية بتبطل وساعات في المشي الهادي بتبطل برضو

الميكانيكي اللي عملي الشغل كان شاكك في حساس الاير ماس فجيبنا عربية اخت عربيتي وخلعنا منها نفس الحساس وركبناه عندي ومفيش حاجة اتعدلت

قالي روح للكهربائي يشيك ع الكهربة وروحت وكشف وقالي كله سليم ارجع للمكيانيكي رجعتله وبرضو ولا اي جديد

اخر ما غلبت قولتله اكشف كمبيوتر تاني واخدت الاكواد اللي مكنش عارف يفسرها وقولت اكيد بإذن الله هلاقي تفسيرها هنا لانهم مش راضيين يتمسحوا واكيد هما سبب المشكلة

الاكواد هي:

(P0115-E2 (Ect- circuit malfun-ction

P0410-E1 (secondary Ais -circuit malfunction

ياريت لو حد من الاخوة يعرف تفسير الاعطال دي لان يقولي عليها الميكانيكي مش عارفها وبيقول انها اول مرة تطلعله ع الجهاز ومتعاملش معاها قبل كده

اه العربية بتشرب بنزين وف يومين بس حرقت صفيحة بنزين وزيادة وتعتبر ما مشيتش يدوب من البيت للورشة والعكس والمسافة مش كبيرة

مستني ردودكم ومساعدتكم

[م/أحمد عبد الفتاح]

ياباشا أنا كنت ماشى معاك واحدة واحدة فى الموضوع اللى قبل كده :) مش حتقدر تزوغ منى :)
بس عموماً حصل خير :)
p0115 وجنبه ect يبقى حساس درجة حرارة مياه التبريد Engine Coolant Temperature
P0410 وجنبه secondary ais يبقى حاجه إسمها secondary air injection system عاملة زى الرداخ واسمها air pump (طلمبة الهوا) بتبقى يإما دخلها ميه أو الراجل قطع سلوكها وهو بيصلح العربية ( وده أكبر إحتمال للعطلين بتوعك) أو خراطيم الفاكيوم بتاعة الـ air pump مخلوعة
فتراجع الأول على التوصيلات الكهربية فى الحاجتين وتراجع على خراطيم الـ air pump
شوية كده وحادورلك على مكانهم وابعتلك صور

[ayman hamdy]

معذرة
دا ميكانيكي دا ولا دا كهربائ دول لامواخذة ......!
ازاى ميعرفوش أكواد الأعطال دى ويقولوا عليها غريبة وهى اسهل ما يمكن للشخص العادى
حسبى الله ونعم الوكيل فى الجهلة دول

[احمد فهمى]

معذرة
دا ميكانيكي دا ولا دا كهربائ دول لامواخذة ......!
ازاى ميعرفوش أكواد الأعطال دى ويقولوا عليها غريبة وهى اسهل ما يمكن للشخص العادى
حسبى الله ونعم الوكيل فى الجهلة دول

مفيش فهم ولا ضمير كلهم واخدينها تجاره منغير علم

[مجمود فراج]

يا باشا ازوغ منك ايه ده انا كنت هروح اناديك من قسم الدفع الرباعي

الله ينور عليك يا باشا هو فعلا ممكن يكون دخلها مية لان الباشا قولتله غيرلي زيت فرامل فسحب الزيت القديم بسرنجة وفضى الخزنة وبعدين فضل يكب فيها مياه عشان يطلع الشوائب ولما قولتله انت بتعمل ايه قالي متقلقش انا بعيد عن الكهربة وانا بغسلها كده دايما قولتله مش هتفضي الزيت م العجل قالي لأ هو كده نزل كله وده اول احتمال ان يكون دخل مياه

تاني احتمال بتاع قطع الاسلاك ده معتقدش لانه راجعت وراه

تالت احتمال وانا برجح انه السبب هو توصيل خراطيم الفاكيوم لانه كان غرقان في شبر مية وهو بيوصلهم وكل شوية يجرب حاجة مكان حاجة

[مجمود فراج]

معذرة
دا ميكانيكي دا ولا دا كهربائ دول لامواخذة ......!
ازاى ميعرفوش أكواد الأعطال دى ويقولوا عليها غريبة وهى اسهل ما يمكن للشخص العادى
حسبى الله ونعم الوكيل فى الجهلة دول

هعمل ايه يا أ. ايمن

ده المتاح هنا والمفروض انه اشطر واحد وكمان معاه عربية اوبل وابوه صاحب الورشة ميكانيكي برضو ومعاه اوبل وهو اللي بيشتغل في الاوبل

[م/أحمد عبد الفتاح]

أعتقد إن ال air pump أو الـ secondary air injection system ليه فيوز أو ريلاى فى علبة الفيوزات برضه بص عليه الأول

[مجمود فراج]

أعتقد إن ال air pump أو الـ secondary air injection system ليه فيوز أو ريلاى فى علبة الفيوزات برضه بص عليه الأول

طب ال air pump ممكن تخلى استهلاك البنزين بالطريقة العجيبة دي يا بشمهندس؟

انا كده همشي ببنزينة ورا العربية

[ayman hamdy]

طب ال air pump ممكن تخلى استهلاك البنزين بالطريقة العجيبة دي يا بشمهندس؟

انا كده همشي ببنزينة ورا العربية

بعد اذن طبعا الباشمهندس / احمد عبد الفتاح
سبب استهلاك البنزين الاساسى هو من الكولانت سينسور لانه المسؤول الرئيسى لارسال اشارته مباشرة لكمبيوتر الموتور عن درجة حرارة ماء تبريد الموتور يعنى بالبلدى كدة يقول لكمبيوتر الموتور ان الموتور سخن ولا لسة محتاج يسخن شوية ليصل الى درجة حرارة التشغيل الطبيعىية وبالتالى كمبيوتر الموتور بياخد الاشارة غلط من الحساس دة علشان بايظ او مفصول فيشته مثلا ويقوم كمبيوتر الموتور مباشرة معطى امر للرشاشات بزيادة ضخ كمية البنزين فيها كتصرف تلقائ او احترازى على اساس ان الموتور لسة بارد ومحتاج يسخن ليصل الى درجة حرارة التشغيل الطبيعية وبالتالى هتظل الرشاشات ترش بنزين كتير على طول على هذا الاعتقاد وتركب ورا حضرتك شاحنة نقل بترول علشان تكفى هههههههههه
وبالتالى هتلاقى برجلة فى دوران الموتور ودخنة سوداء نتيجة عدم الحرق الجيد( بنزين زيادة والموتور اصلا سخن يعنى المفروض يقل مش يزيد مع كمية الهواء اللى داخلة مع شحنة البنزين )
شوف فيشة الحساس دا الاول او غيره لو بايظ وكل حاجة هتظبط
تحياتى

[م/أحمد عبد الفتاح]

طب ال air pump ممكن تخلى استهلاك البنزين بالطريقة العجيبة دي يا بشمهندس؟

انا كده همشي ببنزينة ورا العربية

ببساطة ال حساس بتاع ميه التبريد إللى هو أول عطل ده مصيبة فى البنزين علشان المفروض والعربية باردة وتيجى تدورها بيبعت إشارة للكمبيوتر بإنه يفتح البنزين كتير علشان العربية تدور وكل العربية ماتسخن الإشارة إللى رايحة من سنسور التبريد للكمبيوتر بتخلى الكمبيوتر يقلل البنزين شوية بشوية - طبعاً لما يكون السينسور بايظ حايعمل نفسه من بنها ولا حيقول للكمبيوتر إن العربية سخنت ولا أى حاجه وحايفضل الكمبيوتر عايش فى سعادة زى الأهبل ومش حاسس إن العربية سخنت ويفضل يدى فى بنزين وإنت تدفع :)
بالنسبة للأخت التانية الإير بمب دى بتسبب إن عدد لفات الموتور يعلى ويقل وكمان بتعمل صوت عالى شوية وعادم كتير ودى وظيفتها إنها تدخل شوية هوا بالأكسجين على العادم فى المانيفولد بتاع العادم علشان تحرق البنزين إللى متحرقش فى الموتور قبل مايطلع من الجاكمان تقوم تقلل التلوث علشان البيئة وكمان فى بداية التشغيل بتخلى الكتاليست ( علبة البيئة فى الجاكمان) تسخن بسرعه علشان المواد اللى فيها تتنشط وتنقى العادم ومياثرش على البيئة وطبعاً لما مابتقومش بدورها والعادم يطلع فيه شوية بنزين يقوم حساس الأكسجين يدى إشارة للكمبيوتر بإن البنزين كتير ولازم تقلل البنزين يامعلم :) بس على مين :) الأخ بتاع بنها الأولانى (حساس حرارة التبريد) ده هو الكبير بتاع القعدة :) وإشارته هى رقم (١) فى التنفيذ فالكمبيوتر يروح مزود البنزين لأنه حاسس إن العربية باردة وبالخناق ده العربية بتلعب معاك ار بى ام
ده الموضوع ببساطة لأنه معقد شوية بس أتعشم تكون هرشت القصة وربنا يوفقك

[م/أحمد عبد الفتاح]

بعد اذن طبعا الباشمهندس / احمد عبد الفتاح
سبب استهلاك البنزين الاساسى هو من الكولانت سينسور لانه المسؤول الرئيسى لارسال اشارته مباشرة لكمبيوتر الموتور عن درجة حرارة ماء تبريد الموتور يعنى بالبلدى كدة يقول لكمبيوتر الموتور ان الموتور سخن ولا لسة محتاج يسخن شوية ليصل الى درجة حرارة التشغيل الطبيعىية وبالتالى كمبيوتر الموتور بياخد الاشارة غلط من الحساس دة علشان بايظ او مفصول فيشته مثلا ويقوم كمبيوتر الموتور مباشرة معطى امر للرشاشات بزيادة ضخ كمية البنزين فيها كتصرف تلقائ او احترازى على اساس ان الموتور لسة بارد ومحتاج يسخن ليصل الى درجة حرارة التشغيل الطبيعية وبالتالى هتظل الرشاشات ترش بنزين كتير على طول على هذا الاعتقاد وتركب ورا حضرتك شاحنة نقل بترول علشان تكفى هههههههههه
وبالتالى هتلاقى برجلة فى دوران الموتور ودخنة سوداء نتيجة عدم الحرق الجيد( بنزين زيادة والموتور اصلا سخن يعنى المفروض يقل مش يزيد مع كمية الهواء اللى داخلة مع شحنة البنزين )
شوف فيشة الحساس دا الاول او غيره لو بايظ وكل حاجة هتظبط
تحياتى

ياباشا ده أنا إللى بعد إذنك .... لايفتى ومالك فى المدينة

[مجمود فراج]

بعد اذن طبعا الباشمهندس / احمد عبد الفتاح
سبب استهلاك البنزين الاساسى هو من الكولانت سينسور لانه المسؤول الرئيسى لارسال اشارته مباشرة لكمبيوتر الموتور عن درجة حرارة ماء تبريد الموتور يعنى بالبلدى كدة يقول لكمبيوتر الموتور ان الموتور سخن ولا لسة محتاج يسخن شوية ليصل الى درجة حرارة التشغيل الطبيعىية وبالتالى كمبيوتر الموتور بياخد الاشارة غلط من الحساس دة علشان بايظ او مفصول فيشته مثلا ويقوم كمبيوتر الموتور مباشرة معطى امر للرشاشات بزيادة ضخ كمية البنزين فيها كتصرف تلقائ او احترازى على اساس ان الموتور لسة بارد ومحتاج يسخن ليصل الى درجة حرارة التشغيل الطبيعية وبالتالى هتظل الرشاشات ترش بنزين كتير على طول على هذا الاعتقاد وتركب ورا حضرتك شاحنة نقل بترول علشان تكفى هههههههههه
وبالتالى هتلاقى برجلة فى دوران الموتور ودخنة سوداء نتيجة عدم الحرق الجيد( بنزين زيادة والموتور اصلا سخن يعنى المفروض يقل مش يزيد مع كمية الهواء اللى داخلة مع شحنة البنزين )
شوف فيشة الحساس دا الاول او غيره لو بايظ وكل حاجة هتظبط
تحياتى

الله يباركلك يا استاذ ايمن

هو شكله موصلهاش او مركبهاش كويس اكيد لان قبل الصيانة العربية كانت تمام ميكانيكة وكهربة

بس الحساس ده فين واوصله ازاي؟

[م/أحمد عبد الفتاح]

الله يباركلك يا استاذ ايمن

هو شكله موصلهاش او مركبهاش كويس اكيد لان قبل الصيانة العربية كانت تمام ميكانيكة وكهربة

بس الحساس ده فين واوصله ازاي؟

أعتقد بيبقى فى كوعة الترموستات

[مجمود فراج]

ببساطة ال حساس بتاع ميه التبريد إللى هو أول عطل ده مصيبة فى البنزين علشان المفروض والعربية باردة وتيجى تدورها بيبعت إشارة للكمبيوتر بإنه يفتح البنزين كتير علشان العربية تدور وكل العربية ماتسخن الإشارة إللى رايحة من سنسور التبريد للكمبيوتر بتخلى الكمبيوتر يقلل البنزين شوية بشوية - طبعاً لما يكون السينسور بايظ حايعمل نفسه من بنها ولا حيقول للكمبيوتر إن العربية سخنت ولا أى حاجه وحايفضل الكمبيوتر عايش فى سعادة زى الأهبل ومش حاسس إن العربية سخنت ويفضل يدى فى بنزين وإنت تدفع :)
بالنسبة للأخت التانية الإير بمب دى بتسبب إن عدد لفات الموتور يعلى ويقل وكمان بتعمل صوت عالى شوية وعادم كتير ودى وظيفتها إنها تدخل شوية هوا بالأكسجين على العادم فى المانيفولد بتاع العادم علشان تحرق البنزين إللى متحرقش فى الموتور قبل مايطلع من الجاكمان تقوم تقلل التلوث علشان البيئة وكمان فى بداية التشغيل بتخلى الكتاليست ( علبة البيئة فى الجاكمان) تسخن بسرعه علشان المواد اللى فيها تتنشط وتنقى العادم ومياثرش على البيئة وطبعاً لما مابتقومش بدورها والعادم يطلع فيه شوية بنزين يقوم حساس الأكسجين يدى إشارة للكمبيوتر بإن البنزين كتير ولازم تقلل البنزين يامعلم :) بس على مين :) الأخ بتاع بنها الأولانى (حساس حرارة التبريد) ده هو الكبير بتاع القعدة :) وإشارته هى رقم (١) فى التنفيذ فالكمبيوتر يروح مزود البنزين لأنه حاسس إن العربية باردة وبالخناق ده العربية بتلعب معاك ار بى ام
ده الموضوع ببساطة لأنه معقد شوية بس أتعشم تكون هرشت القصة وربنا يوفقك

اللهم صل على النبي

ايه الحلاوة دي يا بشمهندس شرح وافي وكافي وفعلا السهل الممتنع

جزاك الله كل خير انت وكل اهل المنتدي ع العلم اللي بتزودونا بيه

[مجمود فراج]

أعتقد بيبقى فى كوعة الترموستات

هبص عليه الصبح واحاول اوصله ان شاء الله

معلش تعبتك معايا يا بشمهندس