لعنة abs

[samaty]

العربية من يوم ما شتريتها من 8 شهور والحمد لله ما احتجتش الفرامل الشديدة إلا على سبيل التجربة علشان أطمن إن abs شغال
ورغم إني في السفر بعدي ال200 إلا إني عمري ما حتجت اني اضغط فرامل بشدة
لغاية أمس
داخل علي مطب جنب بلدنا وبضغط فرامل
السيد المتحترم اللي اسمه abs شغال وحاسس بالذبذبة بتاعته في الدواسة
والعربية فضلت منطلقة ولا كأني دست فرامل اصلا والنتيجة لبست في العربية اللي قدامي و تلفيات بحوالي 3500 جنيه
صحيح الاوبل جابت اكصدام وشبكة
لكن الفيرنا انتهت من ورا
السؤال بقى
يا ترى إيه اللي مزعل ال abs علشان يعمل معايا كده؟؟؟؟؟

[aymanshebl]

شيك على منظومة الفرامل مهم جدا

[هشام السيد]

مش ممكن حضرتك السرعه كانت اعلي من ان الفرامل توقفها في المسافه دي ؟ اصل طالما حسيت بذبذبه تحت رجلك يبقي اشتغل !! بس انا علي حد معلوماتي هو مش وظيفته يزود الفرامل

[john55]

وظيفته الاساسيه منع انزلاق العربيه وانت بتدوس فرامل يعني العربيه متزحف علي الاسفلت لكن ملوش علاقه بتقصير فتره ايقاف العربيه يعني حضرتك ماشي 200 عايز علي الاقل 10 متر علشان العربيه تقف مكانها انت حسبتها غلط مابين قوه السرعه وسرعه رد الفرامل للايقاف والحمد لله ان حضرتك سليم وبخير وشكرا

[adelghanem]

السرعه عاليه جدا
ربنا ستر وجات على كده
العيب فى السرعه وليس الabs.

[kbarema]

كلام سليم
واللي اعرفه ان العربيه اللي مفيهاش اي بي اس بتقف اسرع من اللي فيها
الفرق ان اللي مافيهاش ممكن تتزحلق لكن اللي فيها لاء
القصه كلها انك لما تركب عربيه فيها اي بي اس تدوس فرامل بدري شويه
طبعا انت محتاج تكشف علي الفرامل والتيل
وخلي بالك ان معظم الناس مش مهتمه بالتيل اللي ورا وده غلط كبير دا مهم جدا علشان لا قدر الله العربيه ممكن تلف منك

[eng_amg]

أولا حمدا لله علي سلامتك أنت ومن كان أمامك.

لكن إسمحلي بتوضيح بسيط يا أستاذي

أولا: هل فرامل abs تقصر المسافة الي بيتم فيها التباطئ؟
= نعم.. ولكن ليس بالقدر المحسوس.
يعني لو ماشي 100 كم/س وجنبك واحد معهةش abs يبقى فرق المسافة في التوقف التام لن تتعدى 3 أو 4 أمتار بالكتير.

ثانيا: ما فائدة abs؟
= لا يحدث توقف تام للعجلات فتستطيع المناورة بالدريكسيون أثناء التوقف. وهذا هو الميزة. أنك المفروض تعمل مناورة يمين أو شمال وليس الإستسلام للفرامل والسير في خط مستقيم.

ولكن قدر الله ما شاء فعل والحمد لله علي كل حال.

[Mecha]

حضرتك بتمشي 200 كم/س ,دا لو تسعميت abs علي eps علي ats
ولا هيعملو حاجة

[eng_amg]

حضرتك بتمشي 200 كم/س ,دا لو تسعميت abs علي eps علي ats
ولا هيعملو حاجة

يا باشا الراجل قايل بياخد مطب جنب بلدهم . يعني أكيد كان مهدي السرعة من 200 ولا حاجة. الموضوع كله سوء تقدير للمسافة ..

[Mecha]

يا باشا الراجل قايل بياخد مطب جنب بلدهم . يعني أكيد كان مهدي السرعة من 200 ولا حاجة. الموضوع كله سوء تقدير للمسافة ..

ماهو ال abs حتي لو عطلان خالص ,الفرامل الاساسية هتوقف العربيه,في حدود اي نظام فرامل,الزيت هيكبس التيل هتقف
وفي مصر السرعة القصوي 100 ,داخل المدن 60,طرق ترابيه مش هتعدي 50 الا لو راكب 4X4 ,هو حديد الماني بس الرحمة حلوة

[IYousseff]

بس تلفيات 3500 جنيه دا معناه انه كان ع الأقل ماشى ع الـ80 كم/س.

أنا معرفش حاجة عن الـ abs غير انه مثبت للسيارة ومنعها من الانزلاق لكنى مش هخسر حاجة لو اتعلم منكم.

[Shiref_mohamed]

Abs على اسفلت نظيف بدون تراب ولا مياه ولا زيت بتكون مسافة التوقف بيها اطول من مسافة التوقف للعربية الى من غير abs

لو حضرتك ماشي على اسفلت عليه تراب ودوست فرامل abs هيشتغل عشان العجل ميقفلش بس لو السرعه عاليه جدا ولو دوست على الفرامل جامد جدا في النهايه العجل بيقفل برضه والعربيه بتزحف طالما السرعه عاليه

[eng_amg]

طيب هو السؤال لصاحب الموضوع... حضرتك كنت ماشي علي سرعة كام وقت مدوست فرامل قبل الخبطة؟

[amr elsisi]

قدر الله وماشاء فعل
انت غيرت زيت الفرامل اول لما جبتها ولا لا
هل كشف علي التيل الامامي والخلفي

[مُصْطٓفٓى]

وظيفته الاساسيه منع انزلاق العربيه وانت بتدوس فرامل يعني العربيه متزحف علي الاسفلت لكن ملوش علاقه بتقصير فتره ايقاف العربيه يعني حضرتك ماشي 200 عايز علي الاقل 10 متر علشان العربيه تقف مكانها انت حسبتها غلط مابين قوه السرعه وسرعه رد الفرامل للايقاف والحمد لله ان حضرتك سليم وبخير وشكرا

ماشي على 200 وعايز العربية تفرمل تماما بعد 10 متر فقط
على فكرة طول العربية حوالي 5 متر

عشان ياخد باله ان فيه مطب ويشيل رجله من على دواسة البنزين وبدأ الضغط على دواسة الفرامل يحتاج على الاقل 40 متر
ثم يحتاج إلى مسافة 8 متر على الأقل وهو الوقت اللازم لتحميل الفرامل

تقريبا 50 متر لازمة للانتباه لوجود مطب ثم رفع القدم عن بدال البنزين ثم الانتقال الى دواسة الفرامل ثم بدأ الضغط عليها
وبعد هذه المسافة تبدأ السيارة في خفض سرعتها إن شاء الله

Stopping Time and Distance- زمن ومسافة التوقف