أعمل إيه علشان أركن الفيكترا صف تاني

[samaty]

دلوقتي انا لو حكمت ظروفي اركن صف تاني
اعمل إيه
المفروض اللي راكن صف تاني ده يسيب عربيته على وضع المور
علشان اللي يحب يخرج يزق العربية يوسع لنفسه
لكن لو العربية مكلبشة في ناس بتكسر مرايات وفوانيس وازاز
طيب الفيكترا أوتوماتيك والمفتاح مش بيخر غير على وضع p
مش معقولهسيب المفتاح في العربية
اعمل إيه طيب علشان العربية تكون في وضع المور

[embabi]

انا فكترا سي ايزي ترونيك
مفيش p
وبركن ممور عادى

[safwat1100]

ازاى المفتاح مش بيخرج الا على ال p ؟؟؟؟؟
المفروص المفتاح يخرج على اى وضع مجرد ما تبطل على ما افهم يعنى
الاتوماتيك اه مش بتدور الا على ال n او ال p انما المفتاح ميخرجش دى جديده

[ayman hamdy]

الطبيعي ان المفتاح يخرج فى اى وضع يا شيخ أكيد الكنتاكت عندك بيعلق ولا حاجة
تحياتى

[samehlila]

بسم الله الرحمن الرحيم
روح لاي كهربائي كويس خليه يفك غطاء الكونسول بتاع الفتيس هتلاقي فيه سولينويد بيقفل يمنع عصا الغيار من الحركه
قدامك حل من اتنين
1 - هتعمل له بلوك يعني هتفكه من مكانه و تسيبة داخل الكونسوله و بكده العصاية مش هتقفل و ده اسهل حل و لو حبيت تركبة تاني هترعه مكانه بسهوله
2 - هيعمل لك زرار تاتش ف التابلوه هتدوس عليه هيفتح اللوك طول ما انتا ضاغط عليه تحرك العصاية بسهوله و ده سهل يتعمل هوه هيوصل سلك واحد من الزرار للسولينويد

و ده من غباء التصميم في العربيات دي لان الموديلات التانية الكوري !!!! فيها طبة بلاستيك امام العصاية بتدخل فيها اي مفتاح و تحرك العصاية عادي بس الفيكتر مفيش فيها ده للأسف
و اي خدمة
م - سامح ليله

[ahmedkasem]

عربيات كتير فيها نظام الكونتاكت ده اللي مش بيخلي المفتاح يخرخ الا على وضع ال p بس
والاوكتافيا a5 نفس النظام ده برضه
يعني ده مش عيب في عربيتك انت بس
ده نظام معمول في عربيات كتير كده واكيد ليه فايدة معينة .. والخواجة مش بيعمل اي حاجة وخلاص
ممكن يكون نظام امان معين والله اعلم

[samehlila]

كل فايدته انك لو نسيت تشد فرامل اليد العربيه تبقي متامنه لان البارك بيكلبش العربية كانها واخده غيار

[al_manara]

مرة لقيت واحد عامل اعلان لعربية اوبل للبيع ومعاها مفتاح احتياطي للركن

(عامل مفتاح من غير شفرة عشان يحطة في الكونتاكت اما يحب يركن ويسيبة فيها)

[ayman hamdy]

مرة لقيت واحد عامل اعلان لعربية اوبل للبيع ومعاها مفتاح احتياطي للركن

(عامل مفتاح من غير شفرة عشان يحطة في الكونتاكت اما يحب يركن ويسيبة فيها)

دا يا باشا علشان مفهوش الفحماية بتاعت إشارة الايموبلايزر اللى بيشغل العربية علشان كدة هو بيسيبه مع بتاع الجراج علشان يعرف يفتح الباب ويحرك الدركسيون ويجيب العربية على ال n علشان يعرف يركنها كويس من غير ما تدور مش علشان المفتاح مبيطلعش من الكونتاكت لا علشان منعا للسرقة وعلشان مش هيعرف يدورها بالمفتاح العادى اللى بدون شفرة
تحياتى

[al_manara]

دا يا باشا علشان مفهوش الفحماية بتاعت إشارة الايموبلايزر اللى بيشغل العربية علشان كدة هو بيسيبه مع بتاع الجراج علشان يعرف يفتح الباب ويحرك الدركسيون ويجيب العربية على ال n علشان يعرف يركنها كويس من غير ما تدور مش علشان المفتاح مبيطلعش من الكونتاكت لا علشان منعا للسرقة وعلشان مش هيعرف يدورها بالمفتاح العادى اللى بدون شفرة
تحياتى

(عامل مفتاح من غير شفرة )

ومن غير شفرة يعني من غير فحماية .

وبيستعملة اما بيركن صف تاني
بعد مايقف يطفي العربية ويجيبها علي ال p ويشيل مفتاحة
وبعدها يضع (الي من غير فحماية ) عشان يجيب العربية علي ال n ويسيبها .
(انا كنت مستغرب من طريقة تفكيرة )