مكمل زيت جديد

[safwat1100]

ده مكمل زيت الراجل قالى عليه لما كنت بسأله علة نوع زيت فيه مكمل ذرى
قالى تحطه قبل ما تغير زيت على طول و متمشيش كتير و تنزل الزيت على طول عشان ينزل رايش
الزيت و ينضف المكنه بس انا بصراحه بقلق من الحاجات دى خصوصا ان اول مره اشوفه
هو امريكى فقولت اصوره يمكن حد يعرف عنه حاجه
و ايه رأيكم ف المكملات دى اصلا؟

[Amr.Fathy]

اولا نصيحة بلاش
ثانيا هو بيتحط و انت بتغير زيت تحطه على الزيت القديم تقريبا كده خمس دقائق و بعد كده تنزله لاكن ما تمشيش بيه

[Hesham.H]

ده مش مكمل زيت .. ده موتور فلاش .. ولا ليه ريحه اللازمه وممكن يكون مضر لان فى انواع بيبقى عليها ميه نار
الرايش بينزل مع الزيت وفلتر الزيت طبيعى انه بينضفه اول بأول
بلاش منه

[mrastra]

وانت بتغير الزيت خلى العربية دايرة وحط على فلتر الزيت مغناطيس لمدة خمس دقايق
وبعدها فك الفلتر والمغناطيس على الفلتر هتلاقى الفلتر لم كل رايش الزيت

[safwat1100]

وانت بتغير الزيت خلى العربية دايرة وحط على فلتر الزيت مغناطيس لمدة خمس دقايق
وبعدها فك الفلتر والمغناطيس على الفلتر هتلاقى الفلتر لم كل رايش الزيت

طب هو مش غلط ان العربيه تفضل دايره و الزيت بينقص منها بسرعه؟؟؟

[احمد فهمى]

مكمل زيت؟؟؟؟ الفني وصل للدرجه دى اسمو فلاش يبقى مكمل ازاي؟ ابعد عنو وده لمعلوماتك لتنظيف المحرك بس ده لعربيه تعبانه معديه ال300 الف مثلآ بس رجاء تحذر الناس من الراجل ده ﻷن لو حد سمع كلامو وكمل الزيت بي ومشي بالعربيه متورو هيتبهدل اكيد الراجل ده من اللى بيقولو على الشمس سمس والمرسيدس مرشيدس

[safwat1100]

مكمل زيت؟؟؟؟ الفني وصل للدرجه دى اسمو فلاش يبقى مكمل ازاي؟ ابعد عنو وده لمعلوماتك لتنظيف المحرك بس ده لعربيه تعبانه معديه ال300 الف مثلآ بس رجاء تحذر الناس من الراجل ده ﻷن لو حد سمع كلامو وكمل الزيت بي ومشي بالعربيه متورو هيتبهدل اكيد الراجل ده من اللى بيقولو على الشمس سمس والمرسيدس مرشيدس

ههههههههههههههههههههههههههههههههههههههههههههه
المشكله ان الراجل ده وكيل زيت مانول و الموزع الوحيد عندنا و شغال ف موضع الزيوت ده من زماااان
يعنى المفروض يبقا فاهم زى ما بتقول .... ربنا يسترها بقا

[احمد فهمى]

ههههههههههههههههههههههههههههههههههههههههههههه
المشكله ان الراجل ده وكيل زيت مانول و الموزع الوحيد عندنا و شغال ف موضع الزيوت ده من زماااان
يعنى المفروض يبقا فاهم زى ما بتقول .... ربنا يسترها بقا

المفروض بس ده مش حاصل كلو بيفتي ومحدش فاهم قولو اقراء كده اللى علي علبة الزيت وشوفو هيعمل ايه

[safwat1100]

المفروض بس ده مش حاصل كلو بيفتي ومحدش فاهم قولو اقراء كده اللى علي علبة الزيت وشوفو هيعمل ايه

يقرا مين يا باشمهندس دى العلبه معليهاش كلمه عربى مش لازم نحرجه بقا
بس هو زى ما بيقولو " اعرف صاحبك و علم عليه " هو اخره اشترى من عنده الزيت و خلاص
و الحمدلله انى قولت اسألكم الاول و محتطهوش على طول
شكرا جدااااااااا