استفسار بخصوص الاستهلاك

[o0Hanafi0o]

دلوقتى انا عربيتى الحمد لله الموتور سحبه فوق الممتاز ما شاء الله وتجميعه سريع وحالته العامه ممتازه لكن بقالى فتره بشتكى من الاستهلاك انا كان عندى مشكلتين انى شايل ترموستات الكوعه من فتره والمروحتين بيشتغلوا فى العربيه فى الاول على طول لان التكييف مش شغال وبصراحه فى الصيف كانت ظبطالى حراره العربيه فمدورتش وراهم كتير

دلوقتى موضوع الاستهلاك انا غيرت فلتر بنزين وبوجيهات وحساس كولانت العربيه فاقت اكتر والسحب باه افضل شويه بس الاستهلاك لسا عالى وساعات بشم ريحه بنزين نى فى العربيه تفتكروا ممكن يكون ايه السبب

حاجه تانيه العربيه تقريبا مبتسخنش تماما المؤشر فى مشوار صغير او كبير مبيعديش الازرق ايه الضرر من كده

اخر حاجه فى موجه البرد الاخيره العربيه ساعات وهيا بتدور الصبح وبمشى بعد خمس دقايق كده تسخين تحس انها متلته بترج على السرعات القليله لكن لو مشيت شويه بتتظبط عادى وبتباه زى الفل

ايه تشخيصكم للحاله بشكل عام ونصايحكم لحسن موضوع الاستهلاك خلص على الى ورايا والى قدامى وغيرت حاجات مع خبطه خفيفه فى الاكصدام الى ورا ومتكلف بتاع الف جنيه بالحاجات الى غيرتها دلوقتى ومعدش معايا فلوس

[melosoma]

متابع نفس المشكلة بكل الاحداث فى لادا 2104 استيشن

[loda80]

Follow

[ayman hamdy]

ركب ترموستات الكوعة وكل حاجة هتظبط هى دى المشكلة الكبيرة اللى عندك وهى اللى عاملة لك زيادة استهلاك البنزين دى وكل الاضطرابات اللى فى العربية دى
تحياتى

[K.Ossama]

ركب ترموستات الكوعة وكل حاجة هتظبط هى دى المشكلة الكبيرة اللى عندك وهى اللى عاملة لك زيادة استهلاك البنزين دى وكل الاضطرابات اللى فى العربية دى
تحياتى

تمام كدة
هو ده الحل ببساطة

[احمد فهمى]

المحرك له درجة حرارة تشغيل ثابته صيف شتاء واللى انت عملتو غلط ومن السهل متورك يفوت بسرعه ﻷنو بيعمل فى درجة حراره اقل من درجتو وكده هتقصر عمر المراوح اللى شغاله من البدايه والمحرك لو اشتغل فى درجة حراره اقل طبيعي يستهلك بنزين

[هشام السيد]

ركب الترموستات وشوف ممكن عندك بوجيه فيه رطوبه

[احمد فهمى]

الناس فمصر فاكرين الترموثتات دي كماليه كده ملهاش لازمه وتأثير فكها او الغائها له ضرر بس على المدي الطويل يعنى لو انت فى اوروبا مثلآ او فى دوله درجة الحراره فيها منخفضه ومشيت منغير ترموستات متورك هيرزع ويتكسر ﻷنو مش بيوصل لدرجة التمدد المطلوبه وفمصر قريبآ هيحصل الكلام ده للي بيسافر فطرق مفتوحه بسبب انخفاض درجات الحراره الشديد افتكر مره كنت على طريق القكاميه فى الشتا وكانت فيكترا 1600 والترموستات كان بايظ عداد الحراره من السقعه نزل للأزرق تحت والعربيه ابتدت تنتش كأنها متلته وطبعآ فهمت فوقفت علي جنب وسبتها دايره لحد ما سخن المتور ومشيت حارق علي الرابع والتالت بسرعه منخفضه لحد ما وصلت كان الجو فرق عن طريق القطاميه

[o0Hanafi0o]

جزاكم الله خيرا طيب انا لما كنت شايل القديمه كانت شغاله ومكنش فى فيها مشاكل دلوقتى طلعتها وبرش عليها كل يوم wd40 علشان لو فيها صدا يفك اعرف منين انها شغاله كويس او فيها مشاكل ولا اركبها على بركه الله وخلاص ؟؟؟ وبالنسبه للبوجيهات لسا مغيرها ببوش اصلى من توكيلها ومعتقدش ان فيها اى حاجه وانا بقول بردو ان المشكله فى الترموستات وانا كنت عمرى ما هشيلها بس العربيه كانت مع اخويا عند الميكانيكى وعرفت بالصدفه بعد فتره انه شايلها

[هشام السيد]

اصلي اليومين اللي فاتوا كنت جايب بوجيهات ngk من اسبوعين ومن التوكيل وطلع واحد فيه رطوبه وكانت بتنتش برضه غيرته وكله تمام

[o0Hanafi0o]

خلاص هكشف عليهم بردوا ان شاء الله بس فى حاجه انا جربت الترموستات الاصليه الى كانت فى العربيه وحرارتها 82 / 97 فى ميه مغليه ومكنش فيه اى اختلاف فتقريبا هيا بايظه السؤال دلوقتى علشان الواحد شطب فلوس الصراحه ايه بديل للترموستات نفس الشكل بالظبط سمعت ان بتاع ال 128 بتركب وارخص بكتيير لان الترموستات اقل حاجه ب 150 فى حين ان بتاعه عربيات تانيه الاصليه ب 40 و ب 50 جنيه ؟؟؟؟؟؟؟؟؟؟؟ الموضوع داه مهم اوى ياريت رد يا رجاله

[midozx]

انا فاكر انى بتااع الفيات التمبر بيركب
بس استنى حد ياكد ليك
ع فكره سعرها 110 مش غاليه
يبقا توكل ع الله واشترى الاصلى وفى الصفراء بتضبط الحراره جدا

سوالى لاهل الخبره انا مركب الساعه الصفراء دى فيه مشكله
ولا ارجع الاصلى بتاعت العربيه
ياريت حد يرد عليه

[اشرف الحاوى]

انا عندى مروحة الرداتير بتشتغل عند درجة حرارة 89 تقريبا لما اركب ترموستات الكوعة درجة حرارة الماكنة هتكون كام ولو اكتر هتفضل المروحة شغالة على طول