مؤشر الحرارة لفيكترا بى 2

[محمود الشافعى]

السلام عليكم
انهارده الصبح وانا رايح الشغل لاقيت الحرارة بتوصل ل 97 وبعدين تنزل ل 90
ممكن تكون واخدة هوا ولا ايه الاخبار
وكمان بعد ما ركنت العربيه بدقيقة المراوح اشتغلت لوحدها فتحت الكونتاكت لاقيت الحرارة 97

[hagagatc]

ممكن يكون في مشكله في السرعه الاولي في المروحه راقب المراوح والعربيه واقفه لو اشغلت عند ال ٩٠ يبقي المروحه مفيهاش مشكله والسويتش شغال انا شاكك في سويتش المراوح

[اشرف الحاوى]

السرعة الاولة للمروحة مش شغالة

[محمود الشافعى]

ممكن يكون في مشكله في السرعه الاولي في المروحه راقب المراوح والعربيه واقفه لو اشغلت عند ال ٩٠ يبقي المروحه مفيهاش مشكله والسويتش شغال انا شاكك في سويتش المراوح

هوا فين سويتش المراوح وازى اتأكد انه شغال او لا
المراوح بتشتغل عند 95 بس مش عارف سرعة اولى ولا تانية

[هشام السيد]

كده السرعه الاولي مش شغاله المفروض تشتغل علي ٩٠ بص السويتش علي ايدك الشمال في الردياتير تحت الخرطوم التخين بين الكوعه والردياتير

[محمود الشافعى]

كده السرعه الاولي مش شغاله المفروض تشتغل علي ٩٠ بص السويتش علي ايدك الشمال في الردياتير تحت الخرطوم التخين بين الكوعه والردياتير

ايوة انا عارف الحساسين دو هما اتنين تحت بعض كنت عايز افكهم من فترة وانضفهم لاقيت المكان ضيق ما عرفتش افكهم

[محمود الشافعى]

لاقيت انهاردة حاجة ممكن تكون هى السبب
الصبح قبل ما اشغل العربية قلت ابص على المياه لاقيتها ناقصة وخدت اقل من لتر بحاجة بسيطة ببصل لاقيت فيه مياه بتنقط من الكوعة بتاعة الثيرموثتات فكيتها لاقيتها مخرومة نضفتها كويس وصنفرتها ولحمتها بالمدتين كويس من برا ومن جوا لحد ما شوف موضوعها ايه
بس لاقيت الجوان بتعها متاكل خالص هينفع اركبها على كدة ولا ايه الاخبار
معلش رخمت عليكم اوى اليومين دول
وهى تمنها كام جديدة والثيرموثتات كمان بالمرة علشان ملغى عندى

[andrew uwj]

لازم تتغير الكوعه دى