عايز صنايعي

[amr abuelmgd]

مساء الفل لاحلى شباب
كنت محتاج مساعدتكم حد يدلني على صنايعي شاطر
و فاهم كويس اوي في موتور 2000 سي سي اتنين كامة
في اوبل فيكترا 2000 اوتوماتك عشان الزيت بينقط من كل
حتة و كل اما اغير اويل سيل يطلعلي حاجة تانية و بجد انا
كرهت العربية و منهم لله بجد الصنايعية بهدلوني و غرموني
على الفاضي
عايز واحد شااااااااااطر في اي مكان في القاهرة
و شكرا

[automea]

بص نصيحة حاول الاول تشخص العيب قبل متروح للاي صنايعي يعني اعرف العيب فين الالول عشان محدش يلعبلك في المحرك بتاعك
ثانيا ممك حضرتك تقولنا العيب في ايه او الزيت بينقط منين وبينقط امتى ؟؟

وممكن حضرتك ترد على الاسئلة دي
حضرتك لما بتغير زيت بتغيره كل قد ايه
وهل لما بتغير زيت هل بتزوود زيت زيادة ؟؟؟
هل انكسر عندك شنابر قبل كده ؟؟
مين بيغيرلك الفلتر بتاع الزيت هل فني عادي ولا فني متخصص ؟؟؟
هل عندك الفلتر بتاع الزيت بينقط ؟؟؟
العربية فيها تيربو ولا لاء ؟؟؟
هل الفلتر ببلف ولا من غير بلف الاصلي بتاع العربية ؟؟؟

[amr abuelmgd]

الزيت بينقط من عند اولسيه الكرنك الخلفي
وده بعد ماغيرته.
الميكانيكي بيقولي المجرى بتاع الكرنك ما اخدش
سليكون و لازم نحل الفتيس عشان القصه دي
انا مش مقتنع والعربية بتنقص كل تلات ايام كيلو
زيت وانا مخنوق و مش عارف اعملها عند مين

[amr abuelmgd]

ايه رايكوا في محمد عبد الراضي صقر قريش
هو احسن ولا صابر رابعة

[ameros]

محمد عبد الراضي كويس بس مشكلته وقت وممكن ميجبش العيب من عندك من اول مره صابر بالتاكيد هتخرج من عنده وعندك عيب جديد دا لو العيب القديم اتضلح اصلا لانه مبيشخص صح من اول مره هيفك ويعملك اللا زم ولنت وحظك.
محمد هاشم محترم وبيحدد العيب من اول مره ودي اهم حاجه اي حاجه بعد كده فك وتركيب اي عيل سعملها ودي اهم نقطه فالعربيات الاوروبي ( تحدييييييييييد العيب)

[amr abuelmgd]

فين محمد هاشم. و ياريت رقم تليفؤنه و اكون شاكر ليك جدا

[battoot]

متابع

[احمد فهمى]

روح لمحمد هاشم الناس بتشكر فى مكانو محطة وطنيه الوفاء والامل مدينة نصر

[Mohamed Fathy]

طيب ممكن تليفونه لانى كنت عايز اغير سير كاتينه كورسا 2005

[midozx]

كليو كتير ع الاولسيه دة
ممكن يكون النقص من مكان تانى
حاول تغسل العربية من تحت الاول وبعدين
اغسيل الماتور يدوى ع ايدك انتا بالفوم او الجاز الابيض
وشوف تشريح الزيت منين

[bodo]

فى ميكانيكى اسمه رضا فى امبابه بس هتدعيلى....ميكانيكى محترم جدا و هيريحك

[amr abuelmgd]

الحمد لله
غيرت الكرنك بالسبيكة و ركبت اولسيه جديد
و الزيت منع
ربنا يستر

[asa3eed]

اتكلفت كام

[pepo2011]

عندك حسام اوبل في صقر قريش