مشوره فى شراء استرا انجوي او كوزمو

[andrew uwj]

انا معايا فكترا بي2 و بفكر جديا ابيعها و اجيب استرا زيرو
ايه رائيكم
و ياريت لو حد مجربها يقول ايه عيوبها و هل فعلا فيها عيب صناعه و هل فعلا مش بتقبل 92

معلش طولت عليكم

شكرا

[احمد فهمى]

الفيكترا بي مش هتتعوض لو مفيهاش مشاكل خليها فى نظرى افضل من الاسترا وحتى الفيكترا سي وطبعآ ﻷنها مستقره وقليلة الاعطال ولو مصمم تغيير خليك فى الياباني mazda 3 مثلآ دى اختراع بصراحه اركبها وقرر بنفسك

[ARKOON]

عربية ممتازة لو مفهاش مشاكل من اروع السيارات الالماني . الاسترا الانجوي والكوزمو الفرق في كماليات ونفس الشاسية والمحرك والفتيس بتاع الكروز .
بس خسارة الفيكترا لو هتبعها بكام مثلا 55 او 60 بس عربية تستاهل اكتر من كدا ودا سعرها في السوق .

لو عاوز تعمل upgrade يكون لالماني الانجوي كويسة الفرق بينهم 15 الف الكوزمو تتفوق في الكماليات .

[ashouhdy]

هات الاسترا اعلي فئة عشان تحس بنقلة نوعية , البنزين مفيش مشاكل والحمد لله

[ayman hamdy]

انا معايا فكترا بي2 و بفكر جديا ابيعها و اجيب استرا زيرو
ايه رائيكم
و ياريت لو حد مجربها يقول ايه عيوبها و هل فعلا فيها عيب صناعه و هل فعلا مش بتقبل 92

معلش طولت عليكم

شكرا

يا راجل يا طيب حد يعمل كدة دا الفيكترا بى٢ دى تحفة فنية اللى هيبعها مش هيعرف يعوضها تانى اهم شىء تكون مضبوطة ومفيهاش لعب الصنيعية بتوع الكفتة ثانيا العربية دى جميلة جدا شكلا وموضوعًا حضرتك عايز ايه أكتر من كدة
طبعا دا رأى شخصى وشوف رأى باقى الزملاء
تحياتى

[andrew uwj]

يا جماعه انا بحب العربيه اوي اصلا انا بس عايز حاجه اعلي و مش لاقي فكترا سي نضيفه فقلت اجيب اوبل زيرو بقي
لكن طبعا متفق معاكم ان الفكترا بي عربيه جميله جدا و محترمه جدا

[mohamedshaban1]

انا كمان نفسى اغير الفيكترا واجيب جديد ( الكوزمو تحديدا) بس مش هاين عليا العشرة
فعلا قرار مش سهل