استهلاك البنزين

[samaty]

عندي مشكلة في استهلاك البنزين
1- جوا المدينة في الزحام 80كم/الصفيحة
2- جوا المدينة من غير زحام 100 -120 كم/ الصفيحة
3- سفر سرعة 100-120 الاستهلاك 150-160 كم /الصفيحة
4- سفر سرعة 180-200 الاستهلاك 200 كم/الصفيحة (970 كم / 100 لتر)
غيرت حساس الاكسجين والايدل والاير ماس وحساس حرارة الكوعة
العربية بتدور بون مشكلة
ضغط طلممبة البنزين 45 بار
العربية بتدور حتى وانا فاتح بلف البنزين اللي في المسطرة
البوجيهات بيضا والحريق كويس
مفيش دخان غير الصبح اول ما أدور والعربية بتنقط ميا
مفيش بنزين تحت الكنبة الورانية
تفتكروا ايه المشكلة

[exelence]

متابع

[gold_777]

استهلاك زى الفل

[Haitham Gamal]

لا طبعا الاستهلاك عالي
حاول تشوف حساس الشكمان بيكون سبب في زيادة استهلاك البنزين

[mohamedshaban1]

انا عندى 140 كيلو فى الصفيحة وبعتبروا عالى جدا . وغيرت حاجات كتير والموضوع مفرقش خالص
مش عارف اية السبب فى كدة

[hagagatc]

العربيه لازم يتكشف عليها بالجهاز وتشوف قيم الحساسات
حساس الكولانت
حساس الشكمان
الايرماس
وبالمره نضف الرشاشات ممكن تكون السبب

[amr elsisi]

انا مش حرد علشان انت مختفي

[ayman hamdy]

السبب زى ما قال الزميل العزيز عبد الرحمن لازم تكشف جهاز علشان ممكن الثلاث حساسات دول بيعطوا قراءة مش مضبوطة وبالتالى هيبقى فى استهلاك فى البنزين بس مش جامد اللى يخلى الاستهلاك عالى كدة هو بنسبة 90 % رشاشات مسيلة او مش نظيفة
عموما اولا وقبل عمل اى شيئ تقيس قيم مقاومة الاربع رشاشات وشوفهم قيم متقاربة من بعض ولا لا الرشاش السليم مقاومته تقريبا 15 اوم ولو لقيت واحد او اثنين مقومتهم اقل غيرعلى طول شوف كدة الاول وبعدين اعمل تنظيف للرشاشات بالالترا سونيك وكل حاجة هتضبط
تحياتى

[mohamedshaban1]

بالنسبة لعربيتى هى رشاش واحد .انا غيرتة من فترة بواحد استيراد بس المشكلة موجودة
هل الرشاش دة يتنضف بالالترا سونيك ولا الموضوع دة للرشاشات الاربعة بس

[mohamedshaban1]

عندى استفسار هل لو خرطوم الراجع بتاع البنزين الى عند الطرمبة مش راكب يؤثر على الاستهلاك
انا ركبتة فالعربية مكنتش بتسحب خالص وظبطت بعد ما شلتة