قلب مفتاح الباب لفيكترا b1

[ghamry]

هل ممكن تغيير قلب مفتاح الباب لو اتكسر من جوه لانه بيلف فى اتجاه الفتح على الفاضى ولم يفتح اللوك ولو تم تغيره ممكن يتظبط على نفس المفتاح الاصلى بتاعها ولا لابد من تغير الكونتاكت والشنطه معه وفاتيح جديده ياريت لو كان اتكسر من جوه يتم تغيره او اصلاحه على نفس المفتاح ولو حد يعرف حد كويس يعمل يصلح قلب المفتاح على نفس المفتاح يرسل رقمه او عنوانه علشان مش عايز ادخل فى موضوع تغير الكونتاكت والشنطه والمفتاح الاصلى وشكرا للزملاء المشاركين

[sunsonson]

بيلف علي الفاضي بس بتحس ان المفتاح بيعشق في البنزات الداخليه يبقي القلب سليم وممكن يكون الوصله من القلب للطرمبه بتاعه الباب قطمت او سقطت من مكانها .
انما لو المفتاح ناعم قوي او ممكن تدخل اي مفتاح مكانه ويلف عادي يبقي القلب نفسه وده بيتباع استراد ب ١٠٠ جنيه وبتوديه لبتاع مفاتيح يشفرهولهك علي المفتاح بتاعك وبياخد بتاع ٥٠ جنيه بس اشرط عليه يركب الست شفرات مش اتنين تلاته عشان تكون اكثر حمايه .

[ghamry]

بيلف علي الفاضي بس بتحس ان المفتاح بيعشق في البنزات الداخليه يبقي القلب سليم وممكن يكون الوصله من القلب للطرمبه بتاعه الباب قطمت او سقطت من مكانها .
انما لو المفتاح ناعم قوي او ممكن تدخل اي مفتاح مكانه ويلف عادي يبقي القلب نفسه وده بيتباع استراد ب ١٠٠ جنيه وبتوديه لبتاع مفاتيح يشفرهولهك علي المفتاح بتاعك وبياخد بتاع ٥٠ جنيه بس اشرط عليه يركب الست شفرات مش اتنين تلاته عشان تكون اكثر حمايه .

متشكر ليك جدا ان شاء الله لما افتح العربيه هاأقولكم عملت ايه وطلعت المشكله فى ايه ويارب مايكون القلب اتكسر من الداخل وتكون حاجه بسيطه لانى مش عايز اغير مفاتيح العربيه الاصليه
الف الف شكر لك ياأخى الفاضل

[ghamry]

أسف ياجماعه على السؤال التافه ..كيف يتم فتح الشنطه بالمفتاح هل لازم نلف المفتاح فى اتجاه معين

[elpasha1]

ممكن حل نفس المشكلة فى اوكتافيا
بمعنى ان المفتاح بيفتح الكونتاكت بس لكن الابواب والشنطة لا

ولو عاوز اغير جميع البيبان والكنتاكت بمفتاح جديد بتكون الموضوع سهل ولا صعب والتكلفة اد اية

[sunsonson]

ممكن حل نفس المشكلة فى اوكتافيا
بمعنى ان المفتاح بيفتح الكونتاكت بس لكن الابواب والشنطة لا

ولو عاوز اغير جميع البيبان والكنتاكت بمفتاح جديد بتكون الموضوع سهل ولا صعب والتكلفة اد اية

امامك حل من اتنين تجيب طقم كامل بالمفاتيح كونتاكت وباب وشنطه بس هيكلف ....
او تجيب قلب الباب وقلب للشنطه وتشفرهم علي المفتاح وطبعا متجيش جمب الكونتاكت طالما شغال بالمفتاح عادي .

[sunsonson]

أسف ياجماعه على السؤال التافه ..كيف يتم فتح الشنطه بالمفتاح هل لازم نلف المفتاح فى اتجاه معين

طبعا تضغط وتلف يمين او شمال علي حسب فتحت القلب .

[medosalah]

ممكن حل نفس المشكلة فى اوكتافيا
بمعنى ان المفتاح بيفتح الكونتاكت بس لكن الابواب والشنطة لا

ولو عاوز اغير جميع البيبان والكنتاكت بمفتاح جديد بتكون الموضوع سهل ولا صعب والتكلفة اد اية

انا كان عندي الشنطه مش بتفتح يمفتاح العربيه

رحت لواحد في السابع بتاع ابواب ومفاتيح وفك قلب الشنطه وقعد يغير في اجزاء فيه والمفتاح بتاع الكونتاكت بقي يفتح الشنطه عادي