عطل في الفتيس الاتوماتيك

[mahmoud kamal]

السلام عليكم
ظهرت معايا مشكله في الفتيس روحت كشفت عليه بالجهاز طلع العطل ده
28. Solenoid valve, 2-3 voltage high. مش عارف بثي العطل ده سببه ايه و يتحل ازاي ارجو الافاده

[mahmoud kamal]

المشكله بالظبط ان العربيه بتمشي الصبح عادي جدا وبعدين بعد مشوار اهدي علي مطب مترجعش للاول تفضل علي غيارها لحد لما اللمبه تنور لما بيجيبها علي الاول يدوي بتمشي عادي جدا

[ayman hamdy]

دا اعراض فالف بادى الفتيس ودا اخطر عيب فى الفتيس كدة الفتيس بيودع
شوف حد بيصلح الفتيس الاوتوماتيك خليه الاول يبص عليه وشوف هينفع يتصلح ولا لا
تحياتى

[Mohamed82]

الفتيس إن شاء الله سليم ولا بيودع ولا حاجة، أنا كان عندي نفس العطل دة واتصلح الحمد لله المشكلة دة في السيوتش سيليكتور

[احمد بطه]

بعد اذن الاخوه
بتذكر انها حصلت مع حد نضف السيلكتور وشيك على الفيش والاسلاك بتاعت الفتس
وتاكد كمان من زيت الفيتس ناقص ولا ايه

[احمد فهمى]

فى الغالب الفتيس فى ايامو الأخيره بس حاول تكشف عند حد كويس واوعى تصلح لأنو مبيتصلحش هيخلوك تصرف تمنو جيب استيراد ده طبعآ لو طلع العيب كبير

[احمد احمد]

الفتيس إن شاء الله سليم ولا بيودع ولا حاجة، أنا كان عندي نفس العطل دة واتصلح الحمد لله المشكلة دة في السيوتش سيليكتور

ممكن نعرف من حضرتك صلحت الفتيس عند مين او صلحت عيب السيوتش سيلكتور فين

[mahmoud kamal]

دا اعراض فالف بادى الفتيس ودا اخطر عيب فى الفتيس كدة الفتيس بيودع
شوف حد بيصلح الفتيس الاوتوماتيك خليه الاول يبص عليه وشوف هينفع يتصلح ولا لا
تحياتى

انا فعلا روحت لواحد اسمه احمد اتوماتيك فى اسكندريه فى صلاح الدين وكشفنا عليها بالجهاز وهيشتغل بكره الجمعه ان شاء الله

[mahmoud kamal]

الفتيس إن شاء الله سليم ولا بيودع ولا حاجة، أنا كان عندي نفس العطل دة واتصلح الحمد لله المشكلة دة في السيوتش سيليكتور

هو الجهاز قارى عندى المشكله فى السلونيد جوه الفتيس مش عارف بقى الموضوع ده بيتأثر بالسيلكتور ولا لأ

[mahmoud kamal]

فى الغالب الفتيس فى ايامو الأخيره بس حاول تكشف عند حد كويس واوعى تصلح لأنو مبيتصلحش هيخلوك تصرف تمنو جيب استيراد ده طبعآ لو طلع العيب كبير

بص ياباشا هو العيب اللى طلعوا الكمبيوتر Solenoid valve, 2-3 voltage high والكهرباى لما شاف العيب ده قاللى طب احنا ممكن نتأكد من الفيشه وفتح الفيشه وعمل وصله صغيره من البطاريه وجرب على اول اربع سنون فى الفيشه قالى كل واحد فيهم بيعمل شرز جامد إلا الاولانى شرزه ضعيف اوى ومش بسمع صوته وروحت لبتاع الفتيس كلم الكهرباى وانا عنده وعرف العطل قالى خلاص ياباشا هتجيلى يوم الجمعه وانا مشيت فهل العيب ده ممكن فعلا يتصلح ولا مش هيتصلح واجيب واحد تانى ولا ايه الحل

[mahmoud kamal]

الفتيس إن شاء الله سليم ولا بيودع ولا حاجة، أنا كان عندي نفس العطل دة واتصلح الحمد لله المشكلة دة في السيوتش سيليكتور

صلحته فين ياباشا و كان العطل ايه بالظبط وكلفك كام تقريبا

[ayman hamdy]

العطل دا ملهوش علاقة بتاتا بالسليكتور سويتش
العطل دا معناه ان فى كهرباء زيادة مرت بالسولينوايد دا فى حين ان المفروض تمر فيه تيار اقل اذن المشكلة ان ممكن تكون فى قفلة كهربائية فى دائرة السولينوايد دا او الدائرة مقطوعة اصلا
عموما خلى الكهربائ يشيك كويس على جميع التوصيلات بتاعت الفتيس مع الكنترول بتاع الفتيس
انظر الصورة دا العطل اللى عندك وسببه واعراضه

[mahmoud kamal]

العطل دا ملهوش علاقة بتاتا بالسليكتور سويتش
العطل دا معناه ان فى كهرباء زيادة مرت بالسولينوايد دا فى حين ان المفروض تمر فيه تيار اقل اذن المشكلة ان ممكن تكون فى قفلة كهربائية فى دائرة السولينوايد دا او الدائرة مقطوعة اصلا
عموما خلى الكهربائ يشيك كويس على جميع التوصيلات بتاعت الفتيس مع الكنترول بتاع الفتيس
انظر الصورة دا العطل اللى عندك وسببه واعراضه

الف شكر يا ايمن باشا علي الاهتمام انا المفروض ان الراجل هيحل الفتيس ويغير السلونيد هل كده صح ولا ايه

[ayman hamdy]

الف شكر يا ايمن باشا علي الاهتمام انا المفروض ان الراجل هيحل الفتيس ويغير السلونيد هل كده صح ولا ايه

الشكر لله
من كلام حضرتك واضح ان فعلا السولينوايد عايز يتغير لان دائرته مقطوعة لان لو فى قفلة كانت اتحلت المشكلة بسهولة انك تضبط الأسلاك اللى عاملة القفلة
تحياتى