تسقيط ماتور وفتيس اوتوماتيك

[medosalah]

هو انا لو هسقط ماتور وفتيس اوتو

الماتور والفتيس القدام بتوعي اعمل فيهم ايه؟؟

الميكانيكي قالي هياخدهم خرده ب 500 جنيه فقط علما بان الماتور ماشي 60000 الف فقط

[omar khaled]

هياخدهم خردة ازاي الموتور و الفتيس لو حالتهم كويسة هياخدهم منك باسعر الي بيتباعو بيه مش خردة يعني و باين ان الموتور بتاعك نظيف 60000 كيلو يعني كويس اوي

[jos116eph]

لو الموتور بتاعك حالته كويسة والفتيس كويس انا ممكن اشتريهم منك ونتفق على سعر يرضى الطرفين رقمى ٠١٢٢٥٦٤٤٢٥٠

[sherif moneer]

بتجيب شهادة باينات موجهه للشهر العقاري
وتروح تبيعه ف الشهر العقاري للمشتري
وبكده انت ماشي قانوني واللي هيشتري يعرف يثبته علي الرخصه

[اشرف الحاوى]

هو حضرتك مسقط ماتور لية بما ان ماتورك حالتة جيدة وهل غيرت الماتور كامل يعنى مرش ودنامو وعلبة دريكسون ....... ونصيجة متبعش القديم غير لما تثبت الجديد فى الرخصة

[احمد فهمى]

60 الف ده متور جديد واكيد فتيسو جديد انت تجيبلو شهادة بيانات وتبيعو بره ده يجيبلك رقم كويس جدآ واللى بيقولك خرده و500 جنيه ده معندوش ضمير اصلآ ونصيحه متعملش شغل عندو

[medosalah]

هياخدهم خردة ازاي الموتور و الفتيس لو حالتهم كويسة هياخدهم منك باسعر الي بيتباعو بيه مش خردة يعني و باين ان الموتور بتاعك نظيف 60000 كيلو يعني كويس اوي

للاسف التاجر بيقول ان الماتور اللي هيتفك مش هيبقي ليه ورق وبكده يستعمل كقطع غيار او يتباع خرده

لو الموتور بتاعك حالته كويسة والفتيس كويس انا ممكن اشتريهم منك ونتفق على سعر يرضى الطرفين رقمى ٠١٢٢٥٦٤٤٢٥٠

ما يغلاش عليك يا باشا ..بس للاسف الماتور ده بتاع عربيه اختي بيجو 206 .. وانا طبعا كتيت الموضوع هنا في قسم ال اوبل لان قسم بيجو صحراء جرداء بلا زرع او ماء وانا كنت عايز اعرف المبدا بشكل عام

بتجيب شهادة باينات موجهه للشهر العقاري
وتروح تبيعه ف الشهر العقاري للمشتري
وبكده انت ماشي قانوني واللي هيشتري يعرف يثبته علي الرخصه

الف شكر استاز شريف .. انا اول مره اسمع الكلام ده لان بتوع قطع الغيار الاستيراد كلهم اجمعوا ان الماتور الخلع ما لوش ورق.. بس الف شكر علي المعلومه الجديده.. وهحاول اشوف الحوار ده علشان تكلفه التسقيط تقل شويه

هو حضرتك مسقط ماتور لية بما ان ماتورك حالتة جيدة وهل غيرت الماتور كامل يعنى مرش ودنامو وعلبة دريكسون ....... ونصيجة متبعش القديم غير لما تثبت الجديد فى الرخصة

الماتور ده بتاع عربيه اختي بيجو 206 .. وانا طبعا كتيت الموضوع هنا في قسم ال اوبل لان قسم بيجو صحراء جرداء بلا زرع او ماء وانا كنت عايز اعرف المبدا بشكل عام
علي العموم الماتور سليم بس ضعيف جدا 1100 سي سي فقط والفتيس اوتو عايز شغل ومصارف

60 الف ده متور جديد واكيد فتيسو جديد انت تجيبلو شهاجة بيانات وتبيعو بره ده يجيبلك رقم كويس جدآ واللى بيقولك خرده و500 جنيه ده معنوش ضمير اصلآ ونصيحه متعملش شغل عندو

الف شكر استاز احمد.. وفعلا لو بعت الماتور بره اكيد يجيب اكتر بس المشكله انه عايز وقت ولو فكيت الماتور مش هعرف انقله احطه فين عندي

[احمد فهمى]

المتور تنقلو فشنطة تاكسي عادي حجمو مش زى ما انت متخيل وممكن تحطو فى البلكونه عندك الموضوع مش كبير بس حرام يترمي كده متور اليجو غالى اصلآ

[a7mad_mo7amad6]

مفكرتش قبل كده في الموضوع ده..
هو لو الواحد فك ماتور عربيته وعاةز يبيعه..يتباع زي وملوش ورق!