صزت ونة في الفتيس الاتوماتك

[amoora]

العربية فيكترا cdx في صوت ون لما اجيب الفتيس على d بتيجي اول اما العربية تبدا تتحرك
رحت لميكانيكي قالي دي من الكرونة وما بتتصلحش مش عارف الكام ده صح ولا ايه ؟؟؟

وفي مشكلة تانية برضه وانا راجع لورا وضع R لما اكبس بنزين بحس العربية بترزع جامد لو حد يعرف ايه السبب ييفدني ..........وجزاكم الله خير

[احمد فهمى]

ده عيب فتيس هي تلعربيه عامله كام الف؟؟ لو فوق ال180 الف فى الغالب فتيس

[windofchange]

صوت الونة ممكن القضاء عليه طالما حاطط الزيت المعتمد للكرونة والفتيس فيه منتج من ليكوي مولي بيضيعه...جربته عندي في الفتيس المانيوال وراح الحمدلله https://www.facebook.com/28465351501...96784537131717

[Anaslbda]

الفتيس بيودّع

[pepo2011]

فتيس طبعا ونصيحة تغيرة كل المسكنات مش هاتنفع

[amoora]

العربية لسه عدادها مش ماشي 180000
وازي المشكلة الفتيس بيودع وبينقل عادي مفيش مشاكل خالص وانا ماشي ف الطوالي ع d وسحب العربية ممتاز
هوا اكيد الفتيس بيودع ؟؟

[Abo_Mazen]

يا سيدي لا بيودع ولا بيستقبل..الونه دي من الكورونا فعلا..والكورونا في العربيات الجر الأمامي بتبقى في الفيتيس..ودي بيكون سببها وجود خلوصات زياده بين التروس أو بليه جوه الكورونه هي اللي بتعمل كده..في جميع الاحوال جرب الاضافات المانعه للونه ..ظبطت معاك كان بها ..مظبتطش يبقى اعمل حسابك على فتيس في اقرب فرصه

[amoora]

طيب بالنسبة للمشكلة التانية الفتيس لما اكبس بنزين بيرزع ومش العربية مش مضبوط لما بكون راجع لورا فقط على وضع r دي ايه السبب

[windofchange]

ممكن الترزيعة ديه تكون قاعدة فتيس مثلا او الفتيس مش مربوط بجسم الموتور كويس