مؤشر البنزين

[amr abuelmgd]

مساء الفل يا شباب
عندي مشكلة اني كل ما افول العربية بنزين المؤشر يفضل على الاخر لغاية حوالي سبعة لتر استهلاك و بعد كدة يغطس
مرة واحدة و يبدا ينزل بشكل مبالغ فيه عن الاستهلاك اللي باين على الشاشة و يقف عند اخر شرطة صفرا قبل الاحمر وانا
لسة مكملتش حتى 25 لتر استهلاك في البنزين
عوامة مهيسة و لا ايه
للمعلومة يما ارجع افول الاقي اللي بحطه في العربية على قد الاستهلاك تقريبا
عشان محدش يقولي التنك مخروم او الجوان بتاع غطا الطرمبة بيسرب
طب لو عوامة اجيبها كاملة بالطرمبة و لا لوحدها
فيكترا بي ٢
شكرا

[asa3eed]

متاااااااابع

[harphosh]

العوامة استيراد لوحدها بس بعد التأكد من أنها العوامة فى حدود 50 جنيه ومش محتاج تغير الطرمبة بالكامل
فى الغالب بتكون الشريحة الموجودة بالعوامة تآكلت أو تكون بعض أسلاك الطرمبة بتعوق حركة العوامة اكشف عليها الأول وبعدين لو احتاجت غير العوامة فقط

[فادى محمد]

نظف الشريحه النحاس اللي بيتحرك عليها مؤشر العوامه بمنظف مناسب الاول قبل التغيير

[amr abuelmgd]

شكرا شباب و تسلم ايديكوا

[neou]

كانت عندي المشكلة دي وغيرت العوامة بس المؤشر مش مظبوط برضه بيدي قراءات مختلفة يعني لما اجي افول يقف عند 20 لتر و مرة عند 40 ومرة عند 15 وكل دة بعد تغيير العوامة يأست من المحاولات فتعايشت مع الموقف ياربت اللي وصل لحل يقلي لحسن انا مببأش عارف التنك فية قد اية

[rabeden]

كان عندي نفس المشكلة وطلع الحل ف لوحة العدادات نفسها كان مؤشر البنزين هو اللي بيخرف