اوتوسمير ريان يعرض اوبل فكترا ايزى ترونيك ب......

[tootankhamoon]

اوبل فكترا مانيوال ب 145000
واوبل فكترا ايزى ترونيك 159000
وسكودا اوكتافيا هاف اليجانس خليجى 165000
كل ده عند سمير ريان والمصدر اهرام الجمعة
وهناك اوكتافيا خليجى كاملة عند الطارق ب 173000
بصراحة اسعار كويسة جدا

[Ahmad Allawy]

يبدو انه عنده ستوك.. و عايز يخلص منه عشان الموديلات الجديدة غالبا هتكون اغلي.. و هيكسب فيها اكتر.. حتي لو مكسبه نل شوية في دول.. هيطلع جامد ف التانيين..
يا اما السبب التاني انه بدأ يحرق اسعار عشان يخلص من اللي عنده..
جايز عريبات تقيلة و مش بتتباع كويس..

[hoba_ahmed2008]

اه وقريت ان في سكودا برده ب 136 طب مواصفاتها ايه دي اليوم في اهرام الجمعه

[hoba_ahmed2008]

قريت برده في في سكودا A5ب 136

مواصفاتهاايه

[Nile Heart]

هو واخوه احمد الريان بتاع المصريه اكبر نصابين فى مصر
تلاقيهم مخبوطين واترشوا
ياما فى عربيات زيرو اتبهدلت فى النقل والشحن والتفريغ

[ahmad7610]

مستحيل الأسعار دى تشترى بيها ..
-
أقسم بالله العظيم المصرية كانت كاتبة فكترا ايزى ب 169 ولما روحت أسال بنفسى .. قاللى سعرها 175000 .. قولتله حأدفع كاش قاللى ممكن تقف على 174500 !!!!!!
-
وعند أوتو سمير ريان اللى هو ابن صاحب المصرية ..:) كاتب فكترا ب 156000
طلعت الأسعار عنده زى التوكيل تبدأ من 163000 لكن فى قطعة واحدة بس لونها فضى مانوال
مو 2007 ما اتباعتش لحد النهاردة وسعرها 158000 والتوكيل عنده علم بيها
-
فهمت بقى هو بيكتب الأسعار بطريقة فيها نصب ازاى .. يعنى بيكتب سعر عربية ما تكونش اتباعت وعايز يخلص منها فيغرى الناس بسعرها وفى نفس الوقت الناس لما تقرا الجرايد حتقول ايه ده ! ده عنده العربية أرخص من التوكيل ب 5000 -- لأ وايه كمان بيكتب جنبها ( قبل الخصم :( ) نصب نصب
نصب ...:( وكمان كان فيه عربية والله العظيم عارف من الوكيل ان فيه عربية زجاجها الامامى مكسور
والعربية دى اتباعت بعد تغيير الزجاج والتابلوه .. تفتكر اتباعت فيييين :) !1!؟!؟!
-
أسعار السيارات ثابتة بالكتير قوى تنزل 1000 او 2000 فى الكاش .. لكن كل دى عروض وهمية-
-
فى واحد أعرفه اشترى من أوتوسمير ريان عربية سوبارو وحتى الان مخدش الورق ومخدش معاها
كتيب الصيانة :(.!؟!؟!؟ يعنى حتى التخفيضات بتاعتهم على حساب مصاريف الترخيص والورق