أوبل فكترا c 2006

[Bassam Zaki]

ياجماعة أنا معروض عليا عربية فكترا سي 2006 حالتها كويسة بس مغيرة سقف
ومطلوب فيها سعر كويس وفرق بسيط لأن الراجل اللي هيدهالي هياخد الفكترا 2000 اللي معايا
والسؤال هنا العربية قطع غيارها متوفرة ولا لأ...؟
الصيانة بتعتها سهلة ولا حاجة عايزة خبراء أجانب "توكيل"..؟
سعر إعادة البيع هيكون كويس ولا هدفع عليها عشان حد يخدها ...؟
بالنسبة للعربية دي حمالة قاسية ولا فرارفيري لأ أ، عندي إخواتي كلهم سواقيين فورملاا 1..؟
ومن الإخر أتوكل على الله وأغير ولا أخليني في حبيبتي الفكترا بي قضياتي ورضياتي ........؟؟؟؟

[Gelgel2004]

خليك فى بتاعتك احسن
اللى مغير سقف - هتتعبك فى البيع بعد كده
و استشير

[Bassam Zaki]

يا مسهل أدي أول رأي

[battoot]

بلاش فيكترا سي ولو عايز تعرف ليه راجع مواضيع استاذ عاشور
الفيكترا بي برقبتها
وبعدين موضوع مغير سقف ده مش لطيف في بلدنا الحبيبة هيخلي سوقها تقيل اوي
لو كان فيه الخير مكانش رماه الطير
ببساطة الراجل عارف قيمة البي و عارف انها احسن من السي 1000 مرة

[tarekmomo]

عربيه مغيرة سقف يعنى عامله حادثه ومدمره

[Abdo Taha]

بص هى كعربية كويسة و حمالة قسية خصوصا المانيوال

بس كقطع غيار البي افضل كسعر و كتوافر و موضوع مغيرة سقف مقلق شوية

اظن تخليك في البي افضل الا لو هتجيب توب لاين حالة نظيفة

[احمد فهمى]

بدية الموضوع وغيره سقف اقفل الموضوع وعليك فى عربية بدون تفاصيل كتير ... الفيكترا سي مفيش فيها أسلاك فى السقف كلها شيلدات يعنى تغير السقف قطع الكلام ده اللى رايح للكنترول اللى فى الشنطه وطبعآ هتلاقى اتعمل كباري ولحامات عمرك ما هتعرف تحلها